မျေႇပူင်ႇ၊ ဝဵင်း
ဝဵင်းမျေႇပူင်ႇ (မၢၼ်ႈ: မြေပုံမြို့ ; ဢိင်းၵလဵတ်ႈ: Myebon) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းမျေႇပူင်ႇ ဢၼ်ၶဝ်ႈပႃးဝႆႉ တီႈၼႂ်း ၸႄႈတွၼ်ႈမျွၵ်ႉဢူး၊ ၸႄႈမိူင်းရၶႅင်ႇ၊ မိူင်းမျၢၼ်ႇမႃႇၼၼ်ႉယဝ်ႉ။ ဝဵင်းမျေႇပူင်ႇၼႆႉ မီးဝႆႉ တီႈၼိူဝ်ၵုၼ်ဢွၼ်ႇဢၼ်ၼိုင်ႈ ဢၼ်မီးဝႆႉတီႈ ၽင်ႇပၢင်ႇလၢႆႇ ဢၢဝ်ႇပၢင်ႇလၢႆႇႁၢၼ်းတႃးၼၼ်ႉယဝ်ႉ။ ပေႃးဢဝ်တင်း သၢႆတၢင်းၼမ်ႉဝႃႈ တင်း ဝဵင်းၵျွၵ်ႉၽျူႇသေ ၵႆယၢၼ် 65 လၵ်းလႄႈ တင်း ဝဵင်းၸိတ်ႉတူၺ်ႇၼႆႉ ၵႆယၢၼ် 60 လၵ်းယဝ်ႉ။ တၢင်းၵႂၢင်ႈၶႂၢင် ဢေႇရိယႃႇဝဵင်းၼႆႉ မီး 866 လၵ်းလၵ်းသေ ၶဝ်ႈပႃးဝႆႉ ဝၢၼ်ႈ (57) ဝၢၼ်ႈယဝ်ႉ။ ၵူၼ်းၵမ်ႉၼမ် ဢၼ်ယူႇသဝ်းတီႈ ၸႄႈဝဵင်းမျေႇပူင်ႇၼႆႉ ပဵၼ် ၸၢဝ်းပုတ်ႉထၵမ်ႉၼမ်သေ ၵူၼ်းၶိူဝ်းၶျၢင်း ဢၼ်ၵိူဝ်းယမ်ၽီၵေႃႈ ယူႇသဝ်းဝႆႉ ဢိတ်းဢွတ်းယဝ်ႉ။ ၸွမ်းလူၺ်ႈသဵၼ်ႈမၢႆႁူဝ်ႁိူၼ်း ပီ 2014 ၼၼ်ႉသေ ႁူဝ်ၼပ်ႉၵူၼ်း တီႈဝဵင်းမျေႇပူင်ႇၼႆႉ မီး 11,566 ၵေႃႉယဝ်ႉ။[2] ၼႃႈလိၼ်ဝဵင်းမျေႇပူင်ႇၼႆႉ ၵွင်းလွႆၼမ်ယဝ်ႉ။ ယွၼ်ႉၼၼ်ႉ ၵူၼ်းယူႇႁၢင်ႇယဝ်ႉ။ တီႈထုင်ႉလိၼ်ပဵင်းၼၼ်ႉ ယွၼ်ႉပိူဝ်ႈ ႁွင်ႈၼမ်ႉမႄႈၼမ်ႉလိူင်ႇလႄႈ သဵၼ်ႈတႃႈသၢႆတၢင်းၼမ်ႉ ၶႅမ်ႉယဝ်ႉ။ တီႈၸႄႈဝဵင်းမျေႇပူင်ႇၼႆႉ ၵူၼ်းၽုၵ်ႇသွမ်ႈၼႃးၵေႃႈမီးယဝ်ႉ။ ၵမ်ႉၼမ်တႄႉ ဢွၼ်ၵၼ်တိၺွပ်းပႃသေ ႁဵတ်းႁႃလဵင်ႉတွင်ႉယဝ်ႉ။[3]
| ဝဵင်းမျေႇပူင်ႇ | |
|---|---|
| ဝဵင်း | |
  ဝဵင်းမျေႇပူင်ႇ | |
| ၵူဝ်ႇဢေႃးတိၼဵတ်ႉ: 20°02′48″N 93°22′26″E / 20.046762°N 93.373764°Eၵူဝ်ႇဢေႃးတိၼဵတ်ႉ: 20°02′48″N 93°22′26″E / 20.046762°N 93.373764°E | |
| မိူင်း |  မျၢၼ်ႇမႃႇ |
| ၸႄႈမိူင်း |  ရၶႅင်ႇ |
| ၸႄႈတွၼ်ႈ | ၸႄႈတွၼ်ႈမျွၵ်ႉဢူး |
| ၸႄႈဝဵင်း | ၸႄႈဝဵင်းမျေႇပူင်ႇ[1] |
| ႁူဝ်ၼမ်ၵူၼ်း (2014) | 11,566[2] |
| ၶၢဝ်းယၢမ်း ၼႃႈလိၼ် | လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30) |
ၽိုၼ်ဢိင်
မႄးထတ်း- ↑ GAD, Feb 2011.
- ↑ 2.0 2.1 (မေႇ 2015) ၽိုၼ်လိၵ်ႈ သဵၼ်ႈမၢႆႁူဝ်ႁိူၼ်း, ၽိုၼ်လိၵ်ႈ သဵၼ်ႈမၢႆႁူဝ်ႁိူၼ်း လႄႈ ႁူဝ်ၼပ်ႉၵူၼ်း ပီ 2014 သွႆႉ-2. ၼေႇပျီႇတေႃႇ: ထၢၼ်ၽွင်းလူင် ၵၢၼ်ႁႅင်းငၢၼ်း၊ ၵၢၼ်ၵူတ်ႇထတ်း ၵူၼ်းၶဝ်ႈဢွၵ်ႇမိူင်း လႄႈ ၵၢၼ်ႁူဝ်ၼပ်ႉၵူၼ်းမိူင်း, 60.
- ↑ ပပ်ႉသႅၼ်သမ်ႇမၢၼ်ႈ၊ သွႆႉ (9)
Lua error in package.lua at line 80: module 'Module:Navbar/configuration' not found.
Lua error in package.lua at line 80: module 'Module:Navbar/configuration' not found.