လႅင်ႇတႃႇယႃႇ၊ ၸႄႈဝဵင်း

ၸႄႈဝဵင်းလႅင်ႇတႃႇယႃႇ (မၢၼ်ႈ: လှိုင်သာယာမြို့နယ်), (ဢိင်းၵလဵတ်ႈ: Hlaingtharyar Township), (သဵင်ဢွၵ်ႇ [Zewaeng Lengtaayaa]) ၼႆႉ မီးဝႆႉပွတ်းတူၵ်း ဝဵင်းတႃႈၵုင်ႈ ယဝ်ႉ။ ၽၢႆႇႁွင်ႇလႄႈ ၽၢႆႇတူၵ်း ၸႄႈဝဵင်းလႅင်ႇတႃႇယႃႇၼႆႉ မီး ၸႄႈဝဵင်ႈထၢၼ်းတပိၼ်ႇ၊ ၽၢႆႇဢွၵ်ႇ ၸွမ်းၶႅပ်ႇ မႄႈၼမ်ႉတႃႈၵုင်ႈၼၼ်ႉ မီး ၸႄႈဝဵင်းဢိၼ်းၸဵင်ႇ၊ ၸႄႈဝဵင်းမယၢၼ်းၵူင်း လႄႈ ၸႄႈဝဵင်းလႅင်ႇ၊ ၽၢႆႇၸၢၼ်းမီး ၸႄႈဝဵင်းတုၼ်ႇတေး ၸိူဝ်းၼႆႉယဝ်ႉ။ ၸႄႈဝဵင်းလႅင်ႇတႃႇယႃႇၼႆႉ ၽွတ်ႇႁႅၼ်း ၶဝ်ႈပႃး ပွၵ်ႉ (႒႐) ပွၵ်ႉ လႄႈ ဢိူင်ႇ (႙) ဢိူင်ႇ ယဝ်ႉ။ ၸႄႈဝဵင်းဢၼ်ၼႆႉၼႆႉ မိူဝ်ႈ ပီ (႑႙႘႐) ဢၼ်ပဵၼ်ၸႄႈဝဵင်း ၸိူဝ်းဢၼ် လူင်ပွင်ၸိုင်ႈသိုၵ်း ၶဝ် တႄႇတင်ႈမႃး ဝဵင်းမႂ်ႇၼၼ်ႉ ပဵၼ်ဝဵင်းဢၼ်ၶိုၼ်ႈယႂ်ႇသေပိူၼ်ႈယဝ်ႉ။ ဢၼ်ပဵၼ် ၸူင်ႇပၢႆးၵၢၼ်ၸၢၵ်ႈ ဢၼ်ယႂ်ႇသေပိူၼ်ႈ ၼႂ်းမိူင်းမျၢၼ်ႇမႃႇ ၸူင်ႇပၢႆးၵၢၼ်ၸၢၵ်ႈ လႅင်ႇတႃႇယႃႇ (မၢၼ်ႈ: လှိုင်သာယာစက်မှုဇုံ)၊ ပတေႇတႃႇမျူဝ်ႉတေႃႇဢဵင်ႇယႃႇ (မၢၼ်ႈ: ပဒေသာပင်မြို့တော်အိမ်ရာ)၊ ပၢၼ်းလႅင်ႇဢဵင်ႇယႃႇ (မၢၼ်ႈ: ပန်းလှိုင်အိမ်ရာ) ၸိူဝ်းၼႆႉၵေႃႈ မီးဝႆ့တီႈၼႂ်း ၸႄႈဝဵင်းဢၼ်ၼႆႉယဝ်ႉ။ ၸႄႈဝဵင်းဢၼ်ၼႆႉ ဢဝ် ၶူဝ်ပၢၼ်းလႅင်ႇ သေ ၵၢႆႇၸူး ၸႄႈဝဵင်းတုၼ်ႇတေး သေ တွၼ်ႈတႃႇၸူးတၢင်ႇၸႄႈဝဵင်းတႄႉ ဢဝ် ၶူဝ်ဢွင်ႇၸေႇယႃႉ လႄႈ ၶူဝ်ပယိၼ်ႉၼွင်ႇ ၸိူဝ်းၼႆႉ သိုပ်ႇဝႆႉပၼ်ယဝ်ႉ။

ၸႄႈဝဵင်းလႅင်ႇတႃႇယႃႇ
ၸႄႈဝဵင်း
ၸႄႈဝဵင်းလႅင်ႇတႃႇယႃႇ ဢွင်ႈတီႈ ၼႂ်းမိူင်းမျႅၼ်ႇမႃႇ
ၵူဝ်ႇဢေႃးတိၼဵတ်ႉ: 16°52′55″N 96°03′26″E
မိူင်း	မျၢၼ်ႇမႃႇ
ၸႄႈတိူင်း	ၸႄႈတိူင်းတႃႈၵုင်ႈ
ဝဵင်း	ဝဵင်းတႃႈၵုင်ႈ
ၸႄႈတွၼ်ႈ	ပွတ်းႁွင်ႇတႃႈၵုင်ႈ
ၼႃႈသုင်ပၢင်ႇလၢႆႇ	105 ထတ်း (8 မီႇတႃႇ)
ၶၢဝ်းယၢမ်း ၼႃႈလိၼ်	MST (UTC+6.30)
မၢႆသူင်ႇလိၵ်ႈ	11401

တီႈၼႂ်းၸႄႈဝဵင်းလႅင်ႇတႃႇယႃႇၼႆႉ ႁူင်းႁဵၼ်းလူင်ပွင်ၸိုင်ႈ ၸၼ်ႉငဝ်ႈမီး (႔႖) ႁူင်း၊ ၸၼ်ႉၵၢၼ် မီး (႘) ႁူင်း၊ ၸၼ်ႉသုင်မီး (႔) ႁူင်းယဝ်ႉ။

ဢၼ်ပဵၼ် ၸၼ်ႉၸွမ်ပၢႆးၵေႃႇသၢင်ႈ ပွတ်းတူၵ်းတႃႈၵုင်ႈ YTU ၼၼ်ႉၵေႃႈ မီးဝႆႉတီႈၼႂ်း ၸႄႈဝဵင်းၼႆႉယဝ်ႉ။