မျူဝ်ႉတိတ်ႉ၊ ဝဵင်း

ဝဵင်းမျူဝ်ႉတိတ်ႉ ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းမျူဝ်ႉတိတ်ႉ၊ ဢၼ်ၶဝ်ႈပႃးဝႆႉတီႈၼႂ်း ထုင်ႉတွင်ႇတႂိၼ်းၵျီး၊ ၸႄႈတွၼ်ႈမၵူၺ်း၊ ၸႄႈတိူင်းမၵူၺ်း ၼၼ်ႉယဝ်ႉ။ ၽၢႆႇႁွင်ႇဝဵင်းမျူဝ်ႉတိတ်ႉၼႆႉ မီး တိတ်ႉပူင်ႇၶျွင်း၊ ၽၢႆႇဢွၵ်ႇၼႆႉ မီး သၼ်လွႆပႃႇၵိူဝ်၊ ၽၢႆႇၸၢၼ်းမီး ၸႄႈဝဵင်းတွင်ႇတႂိၼ်းၵျီး၊ ၽၢႆႇတူၵ်းမီး ယိၼ်းၶျွင်း ၸိူဝ်းၼႆႉယဝ်ႉ။ ၸႄႈဝဵင်းမျူဝ်ႉတိတ်ႉၼႆႉ တၢင်းၵႂၢင်ႈၶႂၢင်မီး 648 လွၵ်းလၵ်းယဝ်ႉ။ တီႈၼႂ်းၸႄႈဝဵင်းၼႆႉ ၼႃႈလိၼ်ပူႇၵႄႇ မီး ႗႐ သေ ဢိင်ၼိူဝ် သဵၼ်ႈမၢႆ ႁူဝ်ႁိူၼ်း ပီ 2004 သေ ႁူဝ်ၼပ်ႉၵူၼ်းယူႇၼိူဝ်ဝဵင်းၼႆႉ မီးယူႇ 8,080 ၵေႃႉယဝ်ႉ။ ၸိူဝ်းယူႇၼႂ်းဝဵင်းၼႆႉ ပဵၼ်ၵူၼ်းၶိူဝ်းမၢၼ်ႈလၢႆလၢႆယဝ်ႉ။ တီႈမျူဝ်ႉတိတ်ႉၼႆႉ မီးလုမ်းၶုၼ်ဢုပ်ႉဝဵင်း၊ လုမ်းၵႅမ်ၶုၼ်ဢုပ်ႉဝဵင်း၊ လႄႈ မီးႁူင်းႁဵၼ်းၸၼ်ႉသုင် လူင်ပွင်ၸိုင်ႈ ႁူင်းၼိုင်ႈယဝ်ႉ။ မီးၵၢတ်ႇ ႕ ဝၼ်းၼိုင်ႈၵၢတ်ႇယဝ်ႉ။

ဝဵင်းမျူဝ်ႉတိတ်ႉ
ဝဵင်း ၼႂ်းၸႄႈတိူင်းမၵူၺ်း
ဝဵင်းမျူဝ်ႉတိတ်ႉ ဢွင်ႈတီႈ ၼႂ်းမိူင်းမျၢၼ်ႇမႃႇ
ၵူဝ်ႇဢေႃးတိၼဵတ်ႉ: 20°12′N 95°27′E
မိူင်း	မိူင်းမျၢၼ်ႇမႃႇ
ၸႄႈမိူင်း	ၸႄႈတိူင်းမၵူၺ်း
ၸႄႈတွၼ်ႈ	ၸႄႈတွၼ်ႈမၵူၺ်း
ၸႄႈဝဵင်း	ၸႄႈဝဵင်းမျူဝ်ႉတိတ်ႉ
လတ်ႉတီႇၵျု	(20)တီႇၵရီႇ၊ (12)မိတ်ႉၼိတ်ႉ
လွင်ႇၵျီႇၵျု	(95)တီႇၵရီႇ၊ (27)မိတ်ႉၼိတ်ႉ
ႁူဝ်ၼမ်ၵူၼ်း
• ၽႃႇသႃႇၵိူဝ်းယမ်	ပုတ်ႉထၽႃႇသႃႇ
ၶၢဝ်းယၢမ်း ၼႃႈလိၼ်	MST (UTC+6.30)

ပွတ်းဢွၵ်ႇ ၸႄႈဝဵင်းမျူဝ်ႉတိတ်ႉၼႆႉ ပဵၼ်ပွတ်းၼႃႈလိၼ်တႅမ်ႇသေ လႆႈၼမ်ႉ ၵႃႈတီႈ ယိၼ်းၶျွင်းယဝ်ႉ။ ယွၼ်ႉႁဵတ်းလႆႈၼႃး တီႈၼႃႈလိၼ်ၵႂၢင်ႈၶႅမ်ႉလႄႈ ၵမ်ႉၼမ် ဢွၼ်ၵၼ်ၽုၵ်ႇသွမ်ႈၶဝ်ႈယဝ်ႉ။ ၼႃႈလိၼ်ပွတ်းတူၵ်းဝဵင်းၼႆႉ ယွၼ်ႉမီးလိၼ် ဢိၼ်ႇတၢႆး မၢၼ်ႈ: အင်တိုင်းမြေ လႄႈ ၸၢင်ႈၽုၵ်ႇသွမ်ႈ တူၼ်ႈမဵဝ်းၽုၵ်ႇသွမ်ႈတီႈ ၼႃႈလိၼ်ပွတ်းမႆႈၼၼ်ႉယဝ်ႉ။ ဝဵင်းမျူဝ်ႉတိတ်ႉၼႆႉ ယွၼ်ႉမီးဝႆႉ တီႈၼိူဝ် သဵၼ်ႈတၢင်းလူတ်ႉလဵၼ်း ပၢင်မၢၵ်ႇၼႃႉ၊ ၵျွၵ်ႉပတွင်းလႄႈ ၶူဝ်းၵုၼ်ႇဢၼ်ဢွၵ်ႇတီႈ ၸႄႈဝဵင်းၼႆႉ ဢဝ် တၢင်ႇလူတ်ႉလဵၼ်းသေၵေႃႈ ၵႃႉၶၢႆယဝ်ႉ။