ၶမ်းတီႈ၊ ၸႄႈတွၼ်ႈ
ၸႄႈတွၼ်ႈၶမ်းတီႈ (မၢၼ်ႈ: ခန္တီးခရိုင် ; ဢိင်းၵလဵတ်ႈ: Hkamti District ; သဵင်ဢွၵ်ႇ [Zetaun Khamti]) ၼႆႉ ပဵၼ်ၸႄႈတွၼ်ႈ ဢၼ်မီးတီႈ ၸႄႈတိူင်းၸႄႈၵႅင်း၊ မိူင်းမျၢၼ်ႇမႃႇၼၼ်ႉယဝ်ႉ။ မိူဝ်ႈဢွၼ်တၢင်း ပဵၼ် ၸႄႈတွၼ်ႈသၼ်လွႆၼႃႇၵသေ တႄႇဢဝ် ပီ 1965၊ လိူၼ်ဢွၵ်ႇထူဝ်ႇပႃႇ (22) ဝၼ်းသေ လႅၵ်ႈလၢႆႈၸိုဝ်ႈပဵၼ်ဝႃႈ ၸႄႈတွၼ်ႈၶမ်းတီႈ ၼႆယဝ်ႉ။ ၸႄႈတွၼ်ႈၶမ်းတီႈၼႆႉ ပဵၼ်ၸႄႈဝဵင်း ၼႂ်းၵႃႈ (38) ၸႄႈဝဵင်း တီႈ ၸႄႈတိူင်းၸႄႈၵႅင်း မိူင်းမျၢၼ်ႇမႃႇပွတ်းၼိူဝ်ၼၼ်ႉ ဢၼ်ၼိုင်ႈသေ တၢင်းၵႂၢင်ႈ မီး (12660) လွၵ်းလၵ်းယဝ်ႉ။ ဝဵင်းပၵ်းလုမ်း ၸႄႈတွၼ်ႈၶမ်းတီႈၼႆႉ ပဵၼ် ဝဵင်းၶမ်းတီႈယဝ်ႉ။ တီႈၸႄႈတွၼ်ႈၶမ်းတီႈၼၼ်ႉ မိူဝ်ႈဢွၼ်တၢင်း ၶဝ်ႈပႃးဝႆႉ ၸႄႈတွၼ်ႈၽႄႁုင်းမၢၵ်ႇလၢင်း လႄႈ ၸႄႈတွၼ်ႈၽႄ လႁႄႇ (ဢမ်ႉပေႃႇ) ၼႆသေ ၶဝ်ႈပႃးဝႆႉၸႄႈဝဵင်း ၸိူဝ်းပဵၼ် ၸႄႈဝဵင်းႁုင်းမၢၵ်ႇလၢင်း၊ ၸႄႈဝဵင်းလေႇသျီး၊ ၸႄႈဝဵင်းလႁႄႇ (ဢမ်ႇပေႃႇ) လႄႈ ၸႄႈဝဵင်းၼၢၼ်းယုၼ်း ႁႃႈၸႄႈဝဵင်းၼႆႉယဝ်ႉ။ ႁူဝ်ၼပ်ႉၵူၼ်း တီႈၸႄႈတွၼ်ႈၶမ်းတီႈ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 2014 ၼၼ်ႉသေ မီးဝႆႉ 423,283 ၵေႃႉ[1] ယဝ်ႉ။ ယၢမ်းလဵဝ်တႄႉ ၸိူဝ်းပဵၼ် ၸႄႈဝဵင်းလေႇသျီး၊ ၸႄႈဝဵင်းလႁႄႇ လႄႈ ၸႄႈဝဵင်းၼၢင်းယုၼ်းၸိူဝ်းၼႆႉ ၶဝ်ႈပႃးတီႈၼႂ်း ၼႃႈလိၼ် ၼႃႇၵ ၽွင်းငမ်းႁင်းၶေႃၼၼ်ႉယဝ်ႉ။
| ၸႄႈတွၼ်ႈၶမ်းတီႈ | |
|---|---|
| ၸႄႈတွၼ်ႈ | |
  ၸႄႈတွၼ်ႈၶမ်းတီႈ | |
| ၵူဝ်ႇဢေႃးတိၼဵတ်ႉ: 26°00′N 95°41′E / 26.000°N 95.683°Eၵူဝ်ႇဢေႃးတိၼဵတ်ႉ: 26°00′N 95°41′E / 26.000°N 95.683°E | |
| မိူင်း |  မျၢၼ်ႇမႃႇ |
| ၸႄႈတိူင်း |  ၸႄႈၵႅင်း |
| ၸႄႈဝဵင်း | 2 |
| ဝဵင်းငဝ်ႈၸိုင်ႈ | ဝဵင်းၶမ်းတီႈ |
| ၶၢဝ်းယၢမ်း ၼႃႈလိၼ် | MST (UTC+6:30) |
ၽိုၼ်ဢိင်
မႄးထတ်း- ↑ Provisional Results Census 26 August 2014 FINAL, ႁွင်ႈၵၢၼ်ဢဵၼ်ႁႅင်းၵူၼ်းမိူင်း, 26 August 2014, p. 25, archived from the original on 12 September 2014, retrieved January 23, 2015
Lua error in package.lua at line 80: module 'Module:Navbar/configuration' not found.
Lua error in package.lua at line 80: module 'Module:Navbar/configuration' not found.