ၶျွင်းသူင်ႇ၊ ဝဵင်း

ဝဵင်းၶျွင်းသူင်ႇ (မၢၼ်ႈ: ချောင်းဆုံမြို့) ; (ဢိင်းၵလဵတ်ႈ: Chaungzon) ၼႆႉ မီးဝႆႉတီႈၼိူဝ် ၵုၼ်ၽီလူး၊ ၸႄႈတွၼ်ႈမေႃႇလမႅင်ႇ၊ ဢၼ်မီးတီႈ ပွတ်းတႂ်း မိူင်းမျၢၼ်ႇမႃႇ ၼၼ်ႉသေ ပဵၼ်ဝဵင်းပၵ်းလုမ်း ၸႄႈဝဵင်းၶျွင်းသူင်ႇ ယဝ်ႉ။ ၸႄႈဝဵင်းၶျွင်းသူင်ႇ ၼႆ့ ဢဝ် ဝၢၼ်ႈ 72 ဝၢၼ်ႈသေ ၽွတ်ႈႁႅၼ်းဝႆႉယဝ်ႉ။ မီးဝႆႉတီႈၼႂ်း ၵၢင် ထုင်ႉဝူဝ်ႇ ၵုၼ်ၽီလူးသေ တိုၼ်းပဵၼ်မႃး ဝၢၼ်ႈယၢဝ်း ဢၼ်ၵိုၼ်းမႃး ၸဵမ်မိူဝ်ႈၼၼ်ႉယဝ်ႉ။ မီးပႃး လုမ်းၶုၼ်ၽွင်းဝဵင်း၊ ႁူင်းပလိၵ်ႈ၊ တိူၵ်ႈသူင်ႇလိၵ်ႈ၊ ႁူင်းယႃ လႄႈ ႁူင်းႁဵၼ်းၸၼ်ႉၸွမ် လူင်ပွင်ၸိုင်ႈၸိူဝ်းၼႆႉယဝ်ႉ။ ၸၢင်ႈဢဝ်တၢင်းလူတ်ႉၵႃးသေ ၸၢင်ႈၵႂႃႇၸူးလႆ ဝၢၼ်ႈမူးယိတ်ႉၵလေး ဢၼ်မီးၽၢႆႇၸၢၼ်း၊ ဝၢၼ်ႈၵလူၺ် ဢၼ်မီးၽၢႆႇႁွင်ႇ၊ တႃႈႁိူဝ်းၼတ်ႉမေႃႇ ဢၼ်မီးၽၢႆႇဢွၵ်ႇသုတ်းသုတ်း သေ လုၵ်ႉဢဝ် ၼမ်ႉမေႃႇ တေႃႇ မေႃႇလမႅင်ႇၼႆႉ မီးႁိူဝ်းၵႂႃႇမႃးယဝ်ႉ။ တီႈၸႄႈဝဵင်းၶျွင်းသူင်ႇၼႆႉ ၸိူဝ်းပဵၼ် ဝၢၼ်ႈယႂႃႇလုတ်ႉ ၊ ဝၢၼ်ႈမုတုၼ်း ၸိူဝ်းၼႆႉ ၸိုဝ်ႈလိုဝ်းလင် ၽၢႆႇၵၢၼ်မိုဝ်းယဝ်ႉ။

ဝဵင်းၶျွင်းသူင်ႇ
ဝဵင်းၸိူဝ်းမီးၼႂ်း မိူင်းမျၢၼ်ႇမႃႇ
ဝဵင်းၶျွင်းသူင်ႇ ႁၢင်ႈၽႅၼ်လိၼ် ၼႄဢွင်ႈတီႈ
ၵူဝ်ႇဢေႃးတိၼဵတ်ႉ: 16°21′N 97°32′E
မိူင်း	မျၢၼ်ႇမႃႇ
ၸႄႈမိူင်း	မွၼ်း
ၸႄႈတွၼ်ႈ	ၸႄႈတွၼ်ႈမေႃႇလမႅင်ႇ
ဝဵင်းပၵ်းလုမ်းၸႄႈဝဵင်း	ဝဵင်းၶျွင်းသူင်ႇ
ႁူဝ်ၼမ်ၵူၼ်း (2014)	7,727
ၶၢဝ်းယၢမ်း ၼႃႈလိၼ်	လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30)

တၢင်းၵႂၢင်ႈၶႂၢင် ၸႄႈဝဵင်းၶျွင်းသူင်ႇ ၼႆႉ ႁူမ်ႈဝႃႈ မီး 2457 လွၵ်းလၵ်းသေတႃႉ ဢွင်ႈတီႈ ဢၼ်ၸၢင်ႈသွမ်ႈၶဝ်ႈၼႆႉ မီး 190 လၵ်းၵူၺ်း။ ၵူၺ်းၵႃႈဝႃႈ ယွၼ်ႉ ၶွၼ်ႇလိၼ်ၶႅမ်ႉလႅပ်ႈလႄႈ ပဵၼ်ၸႄႈဝဵင်း ဢၼ်ၶဝ်ႈသၢၼ်လီ ဢွၵ်ႇၼမ် ဢၼ်ၼိုင်ႈယဝ်ႉ။