သႃးလိၼ်းၵျီး၊ ဝဵင်း
ဝဵင်းသႃးလိၼ်းၵျီး (မၢၼ်ႈ: ဆားလင်းကြီးမြို့ ; ဢိင်းၵလဵတ်ႈ: Salingyi ; သဵင်ဢွၵ်ႇ [sɑ́ lín kʨ́i]) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းသႃးလိၼ်းၵျီး ဢၼ်မီးတီႈ ၸႄႈတွၼ်ႈယိၼ်းမႃႇပိၼ်ႇ၊ ၸႄႈတိူင်းၸႄႈၵႅင်း၊ မိူင်းမျၢၼ်ႇမႃႇၼၼ်ႉယဝ်ႉ။ ဝဵင်းသႃးလိၼ်းၵျီးၼႆႉ မီးဝႆႉ ၽၢႆႇၸၢၼ်း ဝဵင်းမူင်ႇယႂႃႇ၊ မီးဝႆႉတီႈၼိူဝ်ၽင်ႇၽၢႆႇတူၵ်း ၼမ်ႉၶၢင်တွင်းယဝ်ႉ။ တၢင်းၵႂၢင်ႈၸႄႈဝဵင်းၼႆႉ မီး 296 လွၵ်းလၵ်းၼၼ်ႉၵူၺ်း။ တီႈၼႂ်းၸႄႈဝဵင်းၼႆႉ ၽုၵ်ႇသွမ်ႈ ၵုၺ်၊ ငႃး၊ ထူဝ်ႇ၊ ထူဝ်ႇလိူင် ၸိူဝ်းၼႆႉယဝ်ႉ။ လုၵ်ႉတီႈ လွႆၵိူဝ်(သႃးတွင်ႇ) တီႈၸႄႈဝဵင်းသႃးလိၼ်းၵျီးၼၼ်ႉသေ ၶုတ်းဢဝ်လႆႈၵိူဝ်ယဝ်ႉ။ ပဵၼ်ဝဵင်းဢၼ်ၵူၼ်းယူႇသဝ်းၼမ် ဝဵင်းၼိုင်ႈ ၵႃႈတီႈ ၸႄႈတွၼ်ႈၶၢင်တွင်းပွတ်ႈတႂ်ႈၼၼ်ႉသေ မီးတၢင်းရူတ်ႉၵႃး ၵၢႆၸူးဝႆႉတင်း ဝဵင်းမျႅင်ႇ လႄႈ ဝဵင်းယေႇၸၵျူဝ်ႇၸိူဝ်းၼႆႉယဝ်ႉ။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 2014 ၼၼ်ႉ ႁူဝ်ၼပ်ႉၵူၼ်းတီႈ ဝဵင်းသႃးလိၼ်းၵျီးၼႆႉ မီး 5553 ၵေႃႉယဝ်ႉ။[1]
| ဝဵင်းသႃးလိၼ်းၵျီး | |
|---|---|
| ဝဵင်း | |
  ဝဵင်းသႃးလိၼ်းၵျီး | |
| ၵူဝ်ႇဢေႃးတိၼဵတ်ႉ: 21°58′16″N 95°03′28″E / 21.9711341°N 95.0578154°Eၵူဝ်ႇဢေႃးတိၼဵတ်ႉ: 21°58′16″N 95°03′28″E / 21.9711341°N 95.0578154°E | |
| မိူင်း |
 မျၢၼ်ႇမႃႇ |
| ၸႄႈတိူင်း |
 ၸႄႈၵႅင်း |
| ၸႄႈတွၼ်ႈ | ၸႄႈတွၼ်ႈယိၼ်းမႃႇပိၼ်ႇ |
| ၸႄႈဝဵင်း | ၸႄႈဝဵင်းသႃးလိၼ်းၵျီး |
| ၶၢဝ်းယၢမ်း ၼႃႈလိၼ် | MST (UTC+6.30) |
ၽိုၼ်ဢိင်
မႄးထတ်း- ↑ ပပ်ႉသႅၼ်သမ်ႇမၢၼ်ႈ၊ သွႆႉ (4)