ပွၵ်ႉၶွင်း၊ ဝဵင်း

ဝဵင်းပွၵ်ႉၶွင်း (မၢၼ်ႈ: ပေါက်ခေါင်းမြို့ ; ဢိင်းၵလဵတ်ႈ: Paukkaung) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းပွၵ်ႉၶွင်း၊ ၸႄႈတွၼ်ႈပျီႇ၊ ၸႄႈတိူင်းပႃႇၵိူဝ်၊ မိူင်းမျၢၼ်ႇမႃႇၼၼ်ႉယဝ်ႉ။ မီးဝႆႉ ၸဵင်ႇႁွင်ႇဝၼ်းဢွၵ်ႇ ဝဵင်းပျီႇသေ ယၢၼ်ၵႆ 24 လၵ်းယဝ်ႉ။ တၢင်းၵႂၢင်ႈၶႂၢင် ၸႄႈဝဵင်းပွၵ်ႉၶွင်းၼႆႉ မီး 694 လွၵ်းလၵ်းသေ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 1953 သေ ႁူဝ်ၼပ်ႉၵူၼ်း မီးမႃး 3205 ၵေႃႉယဝ်ႉ။ ယွၼ်ႉပိူဝ်ႈ မီးၸမ် သၼ်လွႆပႃႇၵိူဝ်၊ ငႃးလွႆၸိူဝ်းၼႆႉလႄႈ ဢိူမ်ႈၸပ်းတင်း ထုင်ႉဢၼ်ပႃႇထိူၼ်ႇၼမ်ၼၼ်ႉယဝ်ႉ။ တီႈဝဵင်းၼၼ်ႉ ယွၼ်ႉပိူဝ်ႈ ႁဵတ်းၵၢၼ်မႆႉ ပဵၼ်ပိူင်လူင်လႄႈ ၽူႈႁၢပ်ႇၵၢၼ် ၵဵဝ်ႇလူၺ်ႈ ပႃႇမႆႉ ယူႇသဝ်းတင်းၼမ်ယဝ်ႉ။ ၸႄႈဝဵင်းပွၵ်ႉၶွင်းၼႆႉ ပေႃးလတ်းၶၢမ်ႈ သၼ်လွႆပႃႇၵိူဝ်ယဝ်ႉ ပဵၼ်တီႈၸပ်းၵၼ်တင်း ၸႄႈတွၼ်ႈတွင်ႇငူႇယဝ်ႉ။ ဢဝ်တၢင်းလူတ်ႉၵႃးသေ ၵပ်းသိုပ်ႇဝႆႉတင်း ဝဵင်းပျီႇယဝ်ႉ။

ဝဵင်းပွၵ်ႉၶွင်း
ဝဵင်းၸိူဝ်းမီးၼႂ်း မိူင်းမျၢၼ်ႇမႃႇ
ဝဵင်းပွၵ်ႉၶွင်း ႁၢင်ႈၽႅၼ်ႇလိၼ် ၼႄဢွင်ႈတီႈ ၼႂ်းမိူင်းမျၢၼ်ႇမႃႇ
Coordinates: 18°54′33″N 95°32′29″E
မိူင်း	မိူင်းမၢၼ်ႈ
ၸႄႈတိူင်း	ၸႄႈတိူင်းပႃႇၵိူဝ်
ၸႄႈတွၼ်ႈ	ၸႄႈတွၼ်ႈပျီႇ
ၸႄႈဝဵင်း	ၸႄႈဝဵင်းပွၵ်ႉၶွင်း
ဝဵင်းပၵ်းလုမ်းၸႄႈဝဵင်း	ဝဵင်းပွၵ်ႉၶွင်း
ပွတ်းတွၼ်ႈၶၢဝ်းယၢမ်း	UTC+6.30 (MST)