လွင်းလူင်း၊ ဝဵင်း
ဝဵင်းလွင်းလူင်း (မၢၼ်ႈ: လောင်းလုံးမြို့ ; ဢိင်းၵလဵတ်ႈ: Launglong) ၼႆႉ ပဵၼ် ဝဵင်းပၵ်းလုမ်း ၸႄႈဝဵင်းလွင်းလူင်း၊ ၸႄႈတွၼ်ႈထဝႄႇ၊ ၸႄႈတိူင်းတၼိၼ်းတႃႇယီႇ၊ ပွတ်းတႂ်ႈ မိူင်းမျၢၼ်ႇမႃႇၼၼ်ႉယဝ်ႉ။ ၸႄႈဝဵင်းၼႆႉ ပဵၼ်ဢၼ်ၶဝ်ႈပႃးၼႂ်း ၵုၼ်ပႅၼ် ဢၼ်မီးဝႆႉ တီႈၼႂ်းၵႄႈ ပၢၵ်ႇၵႂၢင်ႈမႄႈၼမ်ႉထဝႄႇ လႄႈ ဢၢဝ်ႇပၢင်ႇလၢႆႇပင်းၵလႃး၊ ပၢင်ႇလၢႆႇၵပ်ႉပလီႇၼၼ်ႉယဝ်ႉ။ ဝဵင်းလွင်းလူင်းၼႆ့ မီးဝႆႉတီႈ လုၵ်ႉဢဝ်တီႈၵၢင်ၵုၼ်ပႅၼ် တႄႇဢဝ် တီႈပၢႆႇပၢၵ်ႈၵႂၢင်ႈမႄႈၼမ်ႉ ယၢၼ် 20 လၵ်းၼၼ်ႉယဝ်ႉ။ ယွၼ်ႉပဵၼ်ပွတ်းၵုၼ်လႄႈ ၵွင်းလွႆဢမ်ႇပေႃးၼမ်။ ၵၢၼ်ပိူင်လူင် ၸိူဝ်းၵူၼ်းယူႇသဝ်းၶဝ် ႁဵတ်းတႄႉ ပဵၼ် ၵၢၼ်ၽုၵ်ႇသွမ်ႈယဝ်ႉ။ ဢွၼ်ၵၼ်ႁဵတ်း လႅမ်ႈၾႆး ဢၼ်ႁွင်ႉဝႃႈ လႅမ်ႈၵၺိၼ်ႇ ဢၼ်ဢဝ် မၼ်းၵၺိၼ်ႇသေ ႁဵတ်းၼၼ်ႉတင်းၼမ်ယဝ်ႉ။ သၢတ်ႇၵျၢမ်းၵေႃး ၽွတ်ႈယဝ်ႈ။ တီႈဝၢၼ်ႈၸိတ်ႉပျႄး ၸႄႈဝဵင်းလွင်းလူင်းၼၼ်ႉ ႁုင်ၵိူဝ်ယဝ်ႈ။ ၵၢၼ်ငၢၼ်း ဢၼ်လမ်ႇလွင်ႈထႅင်ႈဢၼ်ၼိုင်ႈတႄႉ ပဵၼ် ၵၢၼ်တမ်ႇငႃႈယဝ်ႉ။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 2014 သေ ႁူဝ်ၼပ်ႉၵူၼ်း ၸိူဝ်းယူႇတီႈၼိူဝ်ဝဵင်း ၼႆႉ မီးယူႇ 5,334 ၵေႃႉ[1]ယဝ်ႉ။ [2] လွင်းလူင်းၼႆႉ မိူဝ်ႈ ပီ 1901 ၼၼ်ႉ ပဵၼ်ဝၢၼ်ႈ ဢၼ် ႁူဝ်ၼပ်ႉၵူၼ်းယူႇသဝ်း မီး 1461 ၵေႃႉၵူၺ်း။ တင်းပၢၵ်ႇမႄႈၼမ်ႉထဝႄႇသေ ယၢၼ်ၵၼ် 20 လၵ်းၼႆႉၵူၺ်း။ [3]
| ဝဵင်းလွင်းလူင်း | |
|---|---|
| ဝဵင်းၸိူဝ်းမီးၼႂ်း မိူင်းမျၢၼ်ႇမႃႇ | |
  ဝဵင်းလွင်းလူင်း | |
| ၵူဝ်ႇဢေႃးတိၼဵတ်ႉ: 13°58′N 98°7′E / 13.967°N 98.117°Eၵူဝ်ႇဢေႃးတိၼဵတ်ႉ: 13°58′N 98°7′E / 13.967°N 98.117°E | |
| မိူင်း |
 မျၢၼ်ႇမႃႇ |
| ၸႄႈတိူင်း |
 တၼိၼ်းတႃႇယီႇ |
| ၸႄႈတွၼ်ႈ | ၸႄႈတွၼ်ႈထဝႄႇ |
| ၸႄႈဝဵင်း | ၸႄႈဝဵင်းလွင်းလူင်း |
| ႁူဝ်ၼမ်ၵူၼ်း (2014) | |
| • ႁုပ်ႈ | 5,334[1] |
| ၶၢဝ်းယၢမ်း ၼႃႈလိၼ် | လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30) |
ၽူႈၸိုဝ်ႈလိုဝ်းလင်
မႄးထတ်းၸႃႇတိလွင်းလူင်း
- ၸဝ်ႈသိုၵ်းလူင်ပထူး (ဝၢၼ်ႈလေးသုၼ်းၶၢၼ်ႇ)
- မေႃမိုဝ်း ဢူးႁၢၼ်ႇတိၼ်ႇ (ဝၢၼ်ႈၺိၼ်းမေႃႇ)
- မွင်ႇမုၼ်ႇၼွႆႇ (သူၺ်ႇဝႄႇ)[3]
ၽိုၼ်ဢိင်
မႄးထတ်း- ↑ 1.0 1.1 (မေႇ 2015) ၽိုၼ်လိၵ်ႈသဵၼ်ႈမၢႆႁူဝ်ႁိူၼ်း, ၽိုၼ်လိၵ်ႈ သဵၼ်ႈမၢႆႁူဝ်ႁိူၼ်း လႄႈ ႁူဝ်ၼပ်ႉၵူၼ်း ပီ 2014 သွႆ့-2. ၼေႇပျီႇတေႃႇ: ထၢၼ်ၽွင်းလူင် ၵၢၼ်ႁႅင်းငၢၼ်း၊ ၵၢၼ်ၵူတ်ႇထတ်း ၵူၼ်းၶဝ်ႈဢွၵ်ႇမိူင်း လႄႈ ၵၢၼ်ႁူဝ်ၼပ်ႉၵူၼ်းမိူင်း, 56.
- ↑ ပပ်ႉသႅၼ်သမ်ႇမၢၼ်ႈ၊ သွႆႉ (12)
- ↑ 3.0 3.1 တင်နိုင်တိုး (ဒီဇင်ဘာလ၊ ၂၀၁၃). မြန်မာပြည်တစ်ခွင် လမ်းညွှန်. မဇ္ဈိမစာပေ, ၃၇၄.