ယေႇၸၵျူဝ်ႇ၊ ဝဵင်း

ဝဵင်းယေႇၸၵျူဝ်ႇ (မၢၼ်ႈ: ရေစကြိုမြို့ ; ဢိင်းၵလဵတ်ႈ: Yesagyo) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းယေႇၸၵျူဝ်ႇ၊ ၸႄႈတွၼ်ႈပၶူၵ်ႉၵူႇ၊ ၸႄႈတိူင်းမၵူၺ်း၊ မိူင်းမျၢၼ်ႇမႃႇသေ မီးဝႆႉတီႈၼိူဝ် ၽင်ႇၽၢႆႇတူၵ်း ၼမ်ႉၶၢင်တွင်း (ၼမ်ႉၶျိတ်းတႂိၼ်း)ၼၼ်ႉယဝ်ႉ။ တၢင်းၵႂၢင်ႈၶႂၢင် ၸႄႈဝဵင်းယေႇၵျူဝ်ႇၼႆႉ မီး 384 လွၵ်းလၵ်းသေ ဢၼ်ပဵၼ် ၼႃႈလိၼ်ပူႇၵႄႇ ၶဝ်ႈပႃး 98 ဢၼ်ယဝ်ႉ။ ဝဵင်းယေႇၸၵျူဝ်ႇၼႆႉ ဢဝ်တၢင်းလူတ်ႉၵႃးသေ ၵပ်းသိုပ်ႇဝႆႉတင်း ဝဵင်းပၶူၵ်ႉၵူႇ ဢၼ်မီးၽၢႆႇၼိူဝ် ယၢၼ် 26 လၵ်းၼၼ်ႉယဝ်ႉ။ ၸွမ်းသၢႆၼမ်ႉ ၼမ်ႉၵဵဝ် လႄႈ ၼမ်ႉၶၢင်တွင်းသေ ၸၢင်ႈဢဝ်ႁိူဝ်းသၢင်းၽေႃး ၵႂႃႇမႃးလႆႈယဝ်ႉ။ တွၼ်ႈတႃႇ ၵၢၼ်ၵႃႉၶၢႆတႄႉ ဢၼ်ပဵၼ် ၼမ်ႉထၢၼ်ယေႇၸၵျူဝ်ႇၼႆႉ ပဵၼ်ၵုၼ်ႇသိၼ်လိုဝ်းလင်ယဝ်ႉ။ ၸိူဝ်းပဵၼ် လုမ်းယူင်ႉသၢင်ႈလူင်ပွင်ၸိုင်ႈ လႄႈ ႁူင်းႁဵၼ်းလူင်ပွင်ၸိုင်ႈ ၸိူဝ်းၼႆႉၵေႃႈ မီးဝႆႉယဝ်ႉ။

ဝဵင်းယေႇၸၵျူဝ်ႇ
ဝဵင်းၸိူဝ်းမီးၼႂ်း မိူင်းမျၢၼ်ႇမႃႇ
ဝဵင်းယေႇၸၵျူဝ်ႇ ႁၢင်ႈၽႅၼ်ႇတီႈမိူင်းမျၢၼ်ႇမႃႇ ၼႄဢွင်ႈတီႈဝဵင်း
Coordinates: 21°37′N 95°14′E
မိူင်း	မိူင်းမၢၼ်ႈ
ၸႄႈတိူင်း	ၸႄႈတိူင်းမၵူၺ်း
ၸႄႈတွၼ်ႈ	ၸႄႈတွၼ်ႈပၶူၵ်ႉၵူႇ
ၸႄႈဝဵင်း	ၸႄႈဝဵင်းယေႇၸၵျူဝ်ႇ
လတ်ႉတီႇၵျု	(21)တီႇၵရီႇ၊ (37)မိတ်ႉၼိတ်ႉ
လွင်ႇၵျီႇၵျု	(95)တီႇၵရီႇ၊ (14)မိတ်ႉၼိတ်ႉ
ပွတ်းတွၼ်ႈၶၢဝ်းယၢမ်း	UTC+6:30 (လၵ်းၸဵင်ၶၢဝ်းယၢမ်းမျၢၼ်ႇမႃႇ)