ၼတ်ႉတလိၼ်း၊ ဝဵင်း
ဝဵင်းၼတ်ႉတလိၼ်း (မၢၼ်ႈ: နတ်တလင်းမြို့ ; ဢိင်းၵလဵတ်ႈ: Nattalin) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းၼတ်ႉတလိၼ်း ဢၼ်မီးတီႈ ၸႄႈတွၼ်ႈသႃႇယႃႇဝတီႇ၊ ၸႄႈတိူင်းပႃႇၵိူဝ်၊ မိူင်းမျၢၼ်ႇမႃႇၼၼ်ႉယဝ်ႉ။ မီးဝႆႉတီႈၼိူဝ် တၢင်းၵႃး တႃႈၵုင်ႈ-ပျီႇၼၼ်ႉသေ ပေႃးလုၵ်ႉတီႈ ဝဵင်းတႃႈၵုင်ႈၼႆ ၵႆယၢၼ်မွၵ်ႈ 138 လၵ်းယဝ်ႉ။ မိူဝ်ႈပႆႇတႄႇတင်ႈ ဝဵင်းၼတ်ႉတလိၼ်းၼၼ်ႉ ၵူၺ်းမီးဝၢၼ်ႈ ၸိူဝ်းပဵၼ် တိၼ်ႇပၢၼ်းၵူင်း၊ ၵျိၼ်းယႃးၵူင်း၊ ယႂႃႇမ၊ တႃႇၸီႇ၊ ၸီးၵူင်း ၸိူဝ်းၼႆႉယဝ်ႉ။ တီႈႁိမ်းယႂႃႇမၵလေး (ပွၵ်ႉယႂႃႇမ) ၼၼ်ႉ မီးတူၼ်ႈမႆ့ (မၢၼ်ႈ: သခွတ်ပင်) တူၼ်ႈၼိုင်ႈလႄႈ ၶဵင်ႇၽီၶဵင်ႇၼိုင်ႈယဝ်ႉ။ တႂ်ႈတူၼ်ႈမႆႉ ဢၼ်ပဵၼ် ဢွင်ႈတီႈ ၶုၼ်သႃႇယႃႇဝတီႇ လႄႈ ၶုၼ်ပျီႇၶဝ် တေႃႇၵႆႇၼၼ်ႉ ၵူၼ်းဢမ်ႇပတ်းဢမ်ႇၽဵဝ်ႈသေ မူတ်းၵဵင်ႈဝႆႉယူႇတႃႇသေႇယဝ်ႉ။ ပဵၼ် ပၢင်ႇ ဢၼ်ၵဵင်ႈပဝ်ႇဝႆႉယဝ်ႉ။ ယွၼ်ႉပိူဝ်ႈပဵၼ် ပၢင်ႇ (မၢၼ်ႈ: တလင်း) ဢၼ်ၽီ (မၢၼ်ႈ: နတ်) ၶဝ်ၽဵဝ်ႈပၼ်လႄႈ ၸူးပဵၼ်မႃး ၼၢတ်ႉတလိၼ်း (မၢၼ်ႈ: နတ်တလင်း) ၼႆယဝ်ႉ။[1]
ဝဵင်းၼတ်ႉတလိၼ်း | |
|---|---|
  ဝဵင်းၼတ်ႉတလိၼ်း ႁၢင်ႈၽႅၼ်ႇလိၼ် ၼႄဢွင်ႈတီႈ ၼႂ်းမိူင်းမျၢၼ်ႇမႃႇ | |
| Coordinates: 18°25′36″N 95°30′41″E / 18.4267238°N 95.511445°E | |
| မိူင်း |  မိူင်းမၢၼ်ႈ |
| ၸႄႈတိူင်း |  ၸႄႈတိူင်းပႃႇၵိူဝ် |
| ၸႄႈတွၼ်ႈ | ၸႄႈတွၼ်ႈသႃႇယႃႇဝတီႇ |
| ၸႄႈဝဵင်း | ၸႄႈဝဵင်းၼတ်ႉတလိၼ်း |
| ဝဵင်းပၵ်းလုမ်းၸႄႈဝဵင်း | ဝဵင်းၼတ်ႉတလိၼ်း |
| ပွတ်းတွၼ်ႈၶၢဝ်းယၢမ်း | UTC+6.30 (MST) |
ၽိုၼ်ဢိင်
မႄးထတ်း- ↑ မောင်ကြည်သန့် ရေး မြန်မာမြို့ရွာဒေသ ဝေါဟာရ(၂၀၀) စာအုပ်မှ