ၵေႃႉမူး၊ ဝဵင်း

ဝဵင်းၵေႃႉမူး (မၢၼ်ႈ: ကော့မှူး), (ဢိင်းၵလဵတ်ႈ: Kawhmu), (သဵင်ဢွၵ်ႇ [Kaumu]) ပဵၼ်ၸႄႈဝဵင်း ဢၼ်ၶဝ်ႈပႃးၼႂ်း ၸႄႈတိူင်းတႃႈၵုင်ႈ ဢၼ်ၼိူင်ႈယဝ်ႉ။ ပေႃးလုၵ်ႉတီႈ ဝဵင်းတလ ဢၼ်မီးၽၢႆႇပုၼ်ႉမႄႈၼမ်ႉတႃႈၵုင်ႈသေ ၸၢင်ႈဢဝ်သၢႆတၢင်းလူတ်ႉၵႃးၵႂႃႇၸူးလႆႈငၢႆႈငၢႆႈယူႇယဝ်ႉ။ မီးဝႆႉတီႈၼိူဝ် တၢင်းၽႄ ဢၼ်ၵႂႃႇၸူး ဝဵင်း ၵုၼ်းၶျၢၼ်ႇၵူင်း၊ တေးတယႄး ဢၼ်မီးတီႈၼိူဝ်ၶူၼ်တၢင်းၵႃး ၵႂႃႇ တလ၊ တုၼ်ႇတေး ၼၼ်ႉယဝ်ႉ။

ၸႄႈဝဵင်းၵေႃႉမူး
ဝဵင်း
ၸႄႈဝဵင်းၵေႃႉမူး ဢွင်ႈတီႈ ၼႂ်းမိူင်းမျႅၼ်ႇမႃႇ
ၵူဝ်ႇဢေႃးတိၼဵတ်ႉ: 16°30′N 96°10′E
မိူင်း	မျၢၼ်ႇမႃႇ
ၸႄႈတိူင်း	ၸႄႈတိူင်းတႃႈၵုင်ႈ
ဝဵင်း	ဝဵင်းတႃႈၵုင်ႈ
ၸႄႈတွၼ်ႈ	ပွတ်းၸၢၼ်းတႃႈၵုင်ႈ
ၼႃႈသုင်ပၢင်ႇလၢႆႇ	22 ထတ်း (7 မီႇတႃႇ)
ၶၢဝ်းယၢမ်း ၼႃႈလိၼ်	MST (UTC+6.30)
မၢႆသူင်ႇလိၵ်ႈ	11351

တီႈပွင်ႇၸိုဝ်ႈဝဵင်း

လုၵ်ႉတီႈ လၢႆးတႅမ်ႈမွၼ်း ၵၢၼ်ႇမူၵ်ႉ (ကံမုတ်)၊ ပေႃးဢဝ်သဵင်မွၼ်းဝႃႈ ၵေႃႉမု (ကော့မု) သေ လူင်းမႃးၼႆယဝ်ႉ။ ကံ (ကော့) ၼႆႉမၼ်းပွင်ႇဝႃႈ ၵုၼ်၊ မုတ်(မု) ၼႆႉ မၼ်းပွင်ႇဝႃႈ ၸဵင်ႇပႅၼ်ဢွၵ်ႇ (မၢၼ်ႈ: အငူ) ၼႆလႄႈ တေလႆႈဝႃႈ ၵုၼ်ပႅၼ် ၼႆယဝ်ႉ။

ပၢႆးမၢၵ်ႈမီး

ၶဝ်ႈ၊ မႂ်ပူႉ၊ မၢၵ်ႇမု လႄႈ ၵုင်ႈ၊ ပႃ ၸိူဝ်းပဵၼ် ၶူဝ်းဢွၵ်ႇၼႂ်းၼမ်ႉ ၸိူဝ်းၼႆႉယဝ်ႉ။ ယွၼ်ႉၸပ်းၵၼ်ဝႆႉတင်းပႃႇထိူၼ်ႇတုၼ်ႇတေးလႄႈ လွင်ႈႁဵတ်းဢွၵ်ႇမႆႉၵေႃႈ မီးယူႇၼင်ႇၵဝ်ႇ။ မႆႉမွင်ၼႆႉ ပဵၼ်ၶူဝ်းၶွင်ပိူင်လူင် ဢၼ်ႁဵတ်းဢွၵ်ႇယဝ်ႉ။