မၢၼ်ႈမွၵ်ႇ၊ ဝဵင်း

ဝဵင်းမၢၼ်ႈမွၵ်ႇ (မၢၼ်ႈ: ဗန်းမောက်မြို့ ; ဢိင်းၵလဵတ်ႈ: Banmauk ; Shan pronunciation: [Maanmauk]) ၼႆႉ ပဵၼ်ဝဵင်းပၵ်းလုမ်း ၸႄႈဝဵင်းမၢၼ်ႈမွၵ်ႇ ဢၼ်ၶဝ်ႈပႃးဝႆႉ တီႈၼႂ်း ၸႄႈတွၼ်ႈၵၢတ်ႇသႃ၊ ၸႄႈတိူင်းၸႄႈၵႅင်း၊ မိူင်းမျၢၼ်ႇမႃႇၼၼ်ႉယဝ်ႉ။ တီႈထုင်ႉၼၼ်ႉ ၵူၼ်းၶိူဝ်း တႆးလႅင်၊ ၵူၼ်းၶိူဝ်းၵၼၢၼ်း၊ ၵူၼ်းၶိူဝ်းၵတူး ၸိူဝ်းၼႆႉယူႇသဝ်းယဝ်ႉ။ ဢွၼ်ၵၼ် ႁဵတ်းၵၢၼ်သူၼ်ၵၢၼ်ၼႃးသေ ဝၢႆးသေ ပီ 1975 မႃး ဢွၼ်ၵၼ်ႁဵတ်းၵၢၼ် ၶုတ်းၶမ်းမႃးယူႇယဝ်ႉ။ ပဵၼ်ၼႃႈလိၼ်ၼႆႉ ၶူဝ်းႁေႈပိူင်လိူင်း ဢွၵ်ႇလိူင်ႇယဝ်ႉ။ လဵၵ်းလိူင်း၊ မေႃႇၸိုၼ်း၊ မေႃႇတွင်းၸိူဝ်းၼႆႉၵေႃႈမီးဝႆႉယဝ်ႉ။ ၶမ်းၽိူၵ်ႇၵေႃႈ ဢွၵ်ႇယဝ်ႉ။ ဢွင်ႈတီႈၸိူဝ်းဢၼ်လႅပ်ႈတေဢွၵ်ႇ ၵႅဝ်ႈသႅင်ၵေႃႈ မီးဝႆႉယဝ်ႉ။ ၽြႃးဢၼ်ၸိုဝ်ႈလိုဝ်းတႄႉ ပဵၼ် လွႆၸၢင်ႉလူင် ဢၼ်မီးၸဵင်ႇႁွင်ႇဝၼ်းတူၵ်းဝဵင်းၼၼ်ႉယဝ်ႉ။ ၸဝ်ႈသြႃႇဝေႇသုၶီ ၼၼ်ႉၵေႃႈ ၸိုဝ်ႈလိုဝ်းလင်ယဝ်ႉ။ ၽြႃးထမ်ႈ (ဢုမိၼ်ႇလႅင်ႇ) လႄႈ ၽြႃးၵျူင်းတွင်ႇ ဢၼ်မီးၽၢႆႇၸၢၼ်း တီႈၸမ်ဝဵင်းၼၼ်ႉၵေႃႈ ၸိုဝ်ႈလိုဝ်းလင်ယဝ်ႉ။ ပဵၼ်ထုင်ႉဢၼ်ႁဵတ်း မႆႉသၵ်းယဝ်ႉ။ ၶဝ်ႈသၢၼ်ၵေႃႈ ဢွၵ်ႇယဝ်ႉ။ ၵမ်ႉၼမ် ပဵၼ်ၵူၼ်းၵိူဝ်းယမ် ပုတ်ႉထယဝ်ႉ။ ၸိူဝ်းပဵၼ် ၵူၼ်းၶိူဝ်းၵတူး ဢၼ်ၵိူဝ်းယမ် ၶရိတ်ႉယၢၼ်ႇၵေႃႈ မီးဝႆႉယူႇ ၵမ်ႈၽွင်ႈ။

ဝဵင်းမၢၼ်ႈမွၵ်ႇ
ဝဵင်း
ဝဵင်းမၢၼ်ႈမွၵ်ႇ ဢွင်ႈတီႈဝဵင်းမၢၼ်ႈမွၵ်ႇ
Coordinates: 24.4001758°N 95.8457888°E / 24.4001758; 95.8457888
မိူင်း	မျၢၼ်ႇမႃႇ
ၸႄႈတိူင်း	ၸႄႈၵႅင်း
ၸႄႈတွၼ်ႈ	ၸႄႈတွၼ်ႈၵၢတ်ႇသႃ
ၸႄႈဝဵင်း	ၸႄႈဝဵင်းမၢၼ်ႈမွၵ်ႇ
Time zone	UTC+6.30 (MST)