မတူႇပီႇ၊ ၸႄႈတွၼ်ႈ
ၸႄႈတွၼ်ႈမတူႇပီႇ (မၢၼ်ႈ: မတူပီခရိုင် ; ဢိင်းၵလဵတ်ႈ: Matupi District) ၼႆႉ ပဵၼ်ၸႄႈတွၼ်ႈဢၼ်ၼိုင်ႈ ဢၼ်မီးတီႈ ၸႄႈမိူင်းၶျၢင်းၼၼ်ႉယဝ်ႉ။ မိူဝ်ႈဢွၼ်တၢင်း ပဵၼ်ၼႃႈလိၼ် ဢၼ်မီးတႂ်ႈမိုဝ်း ၸႄႈတွၼ်ႈမိၼ်းတတ်ႉသေ ထိုင်ပီ 2017 လႆႈပဵၼ် ၸႄႈတွၼ်ႈႁင်းၶေႃ မႃးယူႇယဝ်ႉ။ ယွၼ်ႉၼၼ်လႄႈ တီႈၸႄႈမိူင်းၶျၢင်းၼႆႉ မိူဝ်ႈဢွၼ်တၢင်း မီး ၸႄႈတွၼ်ႈ 3 ၸႄႈတွၼ်ႈသေ ယၢမ်းလဵဝ် ပဵၼ်မႃး 4 ၸႄႈတွၼ်ႈယူႇယဝ်ႉ။[1][2]
| ၸႄႈတွၼ်ႈမတူႇပီႇ | |
|---|---|
 | |
  ၸႄႈတွၼ်ႈမတူႇပီႇ | |
| ၵူဝ်ႇဢေႃးတိၼဵတ်ႉ: 21°35′00″N 93°26′00″E / 21.58333°N 93.43333°Eၵူဝ်ႇဢေႃးတိၼဵတ်ႉ: 21°35′00″N 93°26′00″E / 21.58333°N 93.43333°E | |
| မိူင်း |
 မျၢၼ်ႇမႃႇ |
| ၸႄႈမိူင်း |
 ၶျၢင်း |
| ၸႄႈဝဵင်း | 2 |
| ဝဵင်းငဝ်ႈၸိုင်ႈ | ဝဵင်းမတူႇပီႇ |
| ၶၢဝ်းယၢမ်း ၼႃႈလိၼ် | လၵ်းၸဵင်ၶၢဝ်းယၢမ်းမျၢၼ်ႇမႃႇ (UTC+6:30) |
သၢႆပိုၼ်း
မႄးထတ်းမိူဝ်ႈဢွၼ်တၢင်း တီႈၸႄႈတွၼ်ႈမိၼ်းတတ်ႉၼႆႉ ဢဝ်တင်း ၸႄႈဝဵင်းမိၼ်းတတ်ႉ ၸႄႈဝဵင်းၵၢၼ်ႇပႅတ်ႉလႅတ်ႉ၊ ၸႄႈဝဵင်းမတူႇပီႇ လႄႈ ၸႄႈဝဵင်းပလႅတ်ႉဝ ၸိူဝ်းၼႆႉသေ ၽွတ်ႈႁႅၼ်းဝႆႉယဝ်ႉ။ မိူဝ်ႈဢႃႇယုႇသၽႃးပွၵ်ႈၵမ်းၼိုင်ႈၼၼ်ႉ လုၵ်ႉတီႈ တႅၼ်းၽွင်းၵူၼ်းမိူင်း ၸႄႈဝဵင်းပလႅတ်ႉဝ လႆႈတွင်ႈထၢမ်ၼႂ်းသၽႃးဝႃႈ ၸွင်ႇမီးဢမ်ႇမီး ၶပ်ႉမၢႆ တွၼ်ႈတႃႇယုၵ်ႉဢဝ် ၸႄႈဝဵင်းပလႅတ်ႉဝ ၶိုၼ်ႈပဵၼ် ၸႄႈတွၼ်ႈ ၼႆယဝ်ႉ။ ၵဵဝ်ႇလူၺ်ႈလွင်ႈၼၼ်ႉသေ လုၵ်ႉတီႈ လုမ်းတႅၼ်းၽွင်း(သၽႃး)မိူင်းႁူမ်ႈတုမ် လႆႈယွၼ်းတၢင်းႁၼ်ထိုင် ၸုမ်းလူင်ပွင်ၸိုင်ႈ ၸႄႈမိူင်းၶျၢင်းယဝ်ႉ။ ၵူၺ်းၵႃႈဝႃႈ တီႈ လုမ်းတႅၼ်းၽွင်းၸႄႈမိူင်း ၸမ်ႉ ဢမ်ႇဢုပ်ႇဢူဝ်း လွင်ႈတႃႇဢဝ် ပလႅတ်ႉဝ ယုၵ်ႉပဵၼ် ၸႄႈတွၼ်ႈ ထုၵ်ႇဢမ်ႇထုၵ်ႇၼၼ်ႉသေ လႆႈၸႅၵ်ႇသဵင်တႅပ်းတတ်း ဝႃႈ ၼႂ်းၵႃႈ ၸႄႈဝဵင်းမတူႇပီႇ လႄႈ ပလႅတ်ႉဝ ၼၼ်ႉ ဝဵင်းလႂ်တေလီယုၵ်ႉပဵၼ်ၸႄႈတွၼ်ႈ ၼႆလႄႈ မတူႇပီႇ လႆႈ 11 သဵင်၊ ပလႅတ်ႉဝ လႆႈ 9 သဵင်ယဝ်ႉ။ လုၵ်ႉတီႈ လုမ်းၸဝ်ႈၸွမ်ႈၸိုင်ႈမိူင်း သေ မိူဝ်ႈပီ 2017 ၼၼ်ႉ လႆႈပွင်ႇလႅင်းထိုင် လုမ်းတႅၼ်းၽွင်းမိူင်းႁူမ်ႈတုမ်ဝႃႈ တွၼ်ႈတႃႇ တၢင်ႇမၢႆ လွင်ႈဝႃႈ လႅၵ်ႈလၢႆႈၽွတ်ႈႁႅၼ်း ၼႂ်းၵႃႈ 4 ၸႄႈဝဵင်း တီႈ ၸႄႈတွၼ်ႈမိၼ်းတတ်ႉ မိူဝ်ႈဢွၼ်တၢင်းၼၼ်ႉ လႆႈဢဝ် ၸႄႈဝဵင်းမိၼ်းတတ်ႉ လႄႈ ၸႄႈဝဵင်းပလႅတ်ႉဝ သေ ၽွတ်ႈႁႅၼ်း ၸႄႈတွၼ်ႈမိၼ်းတတ်ႉ၊ ဢဝ်တင်း ၸႄႈတွၼ်ႈမတူႇပီႇ လႄႈ ၸႄႈတွၼ်ႈပလႅတ်ႉဝသေ ၽွတ်ႈႁႅၼ်း ၸႄႈတွၼ်ႈမတူႇပီ ၼႆၼၼ်ႉယဝ်ႉ။ ၵူၺ်းၵႃႈဝႃႈ ႁိုဝ်ၶၢဝ်းတၢင်းၼိုင်ႈပီ တေႃႇထိုင် ပီ 2018 ၼၼ်ႉ ယွၼ်ႉတၢင်းယၢပ်ႇၽိုတ်ႇ ဢွင်ႈတီႈလိၼ်သေ ၸိူဝ်းပဵၼ် လုမ်းၸၼ်ႉၸႄႈတွၼ်ႈလႄႈ ၵူၼ်းႁၢပ်ႇၵၢၼ်ၶဝ် ၵေႃႈ ပႆႇၸၢင်းပၼ်ၵၢၼ်သေ လႆႈပိုတ်ႇၽုၺ်ႇဝႆႉၸူဝ်ႈၵႅပ်ႉ တီႈလုမ်းၸႄႈဝဵင်းၼၼ်ႉယဝ်ႉ။[3][4][5]
ၸႄႈဝဵင်း
မႄးထတ်းၸႄႈဝဵင်း ၸိူဝ်းမီးၼႂ်း ၸႄႈတွၼ်ႈမတူႇပီႇၼႆႉ မီးၼင်ႇၽၢႆႇတႂ်ႈၼႆႉယဝ်ႉ။
ၽိုၼ်ဢိင်
မႄးထတ်း- ↑ တိုင်းဒေသကြီးနှင့် ပြည်နယ်များရှိ ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စုနှင့် ကျေးရွာဦးရေ စာရင်းချုပ်. ႁွင်ႈၵွၼ်းၵၢၼ် လွင်ႈဢုပ်ႉပိူင်ႇၵူႈထၢၼ်ႈ. Archived from the original on 2022-05-19။
- ↑ တိုင်းဒေသကြီးနှင့် ပြည်နယ်များရှိ ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စုနှင့် ကျေးရွာဦးရေ စာရင်းချုပ်(၃၁.၃.၂၀၁၆). ႁွင်ႈၵွၼ်းၵၢၼ် လွင်ႈဢုပ်ႉပိူင်ႇၵူႈထၢၼ်ႈ. Archived from the original on 2022-10-05။
- ↑ မတူပီမြို့နှင့် ရှစ်မိုင်ခန့်အကွာတွင် ခရိုင်ရုံး တည်ဆောက်ရန် လျာထားမှုကို သဘောမတူဘဲ မြို့၏ စည်ပင်သာယာ နယ်နိမိတ်အတွင်း၌သာ ဆောက်လုပ်ရန် လိုလားကြောင်း ဒေသခံများက ရန်ကုန်မြို့၌ သတင်းစာ ရှင်းလင်း. အီလဲဗင်း သတင်းစာ.
- ↑ ပလက်ဝမြို့နယ်အား မတူပီခရိုင်အတွင်း ထည့်သွင်းမဖွဲ့စည်းရန် ချင်းပါတီတောင်းဆို. ဒီဗွီဘီ].
- ↑ မတူပီခရိုင်ဖွဲ့စည်းရေး မြေနေရာအခက်အခဲကြောင့်ကြန့်ကြာ. Archived from the original on 2019-07-28။