ယဵၼ်ႇငႄႈ
ယဵၼ်ႇငႄႈ
မႄးထတ်းယဵၼ်ႇငႄႈ ဢၼ်ဝႃႈၼႆႉ ၵူၼ်းၸိူဝ်းဢၼ်ယူႇ ႁိမ်းႁွမ်းၵၼ် ၵေႃႉၵေႃႇသၢင်ႈႁဵတ်းပဵၼ်မႃးၵူၺ်း။ ယဵၼ်ႇငႄႈဢၼ်ဝႃႈၼႆႉ မၼ်းၵေႃႈပဵၼ် လွၵ်းလၢႆးပူၵ်းပွင်ၵူၺ်း ပိူင်ၼိုင်ႈၼင်ႇၵဝ်ႇ။ ၼႂ်းၵႄႈတူင်ႇဝိူင်းၵူၼ်းႁဝ်းၼႆႉ ၸိူဝ်းဢၼ်ပဵၼ် လွင်ႈတူင်ႉၼိုင်ၵႂႃႇမႃးလႄႈသင်၊ ၸိူဝ်းဢၼ်ပဵၼ် လွင်ႈယူႇလွင်ႈၵိၼ် ၸိူဝ်းၼႆႉလႄႈသင် မၼ်းၵေႃႈ ပဵၼ်ပိူင်ယဵၼ်ႇငႄႈ ဢၼ်ၼိုင်ႈယူႇ။ [1]
တီႈယဵၼ်ႇငႄႈၼႆႉ ပေႃးမႃးတူၺ်း တေလႆႈႁၼ် ၵၼ်ဢၼ်ပဵၼ်ပိူင်လူင်မၼ်း မီးယူႇ သၢမ်ဢၼ်။
- ယဵၼ်ႇငႄႈ မၢႆႇၼိုင်ႈၼႆႉ ပဵၼ်ယဵၼ်ႇငႄႈၸၼ်ႉသုင်၊ မၼ်းတေၶဝ်ႈပႃးဝႆႉ ႁွႆးမိုဝ်း ပၢႆးမွၼ်း၊ လွင်ႈယူႇသဝ်း ၸၼ်ႉထၢၼ်ႈသုင် ၸၵႂႃႇၸိူဝ်းၼႆႉယဝ်ႉ။
- ယဵၼ်ႇငႄႈ မၢႆသွင်ၼႆႉၸမ်ႉ မၼ်းတေပဵၼ် လွင်ႈတၢင်းႁူႉ၊ လွင်ႈယုမ်ႇယမ်၊ မၢႆ/ႁွႆး ဢၼ်ၸႂ်ႉသေဢၼ်ဢၼ် တွၼ်ႈတႃႇ ၵူၼ်းၸၢဝ်းၶိူဝ်းၼိုင်ႈၶိူဝ်း၊ တေလႆႈဝႃႈ ပဵၼ်လွင်ႈလဵပ်ႈႁဵၼ်း လွင်ႈၵူၼ်းယဝ်ႉ။
- ယဵၼ်ႇငႄႈ မၢႆသၢမ်ၼႆႉ မၼ်းတေပဵၼ် တၢင်းယိူင်းဢၢၼ်း ပဝ်ႉမၢႆတႃႇ မူႇၸုမ်း တူင်ႇဝိူင်းၵူၼ်း၊ လွင်ႈႁၼ်ထိုင်၊ ၵႃႈၶၼ်၊ လွင်ႈလၢၵ်ႇလၢႆး ၽိင်ႈထုင်း ဢဝ်ၸၵႂႃႇၸိူဝ်းၼႆႉ မၵ်းမၢႆယဝ်ႉ။
ပဵၼ်ႁိုဝ်ၵေႃႈလီလႆ တွၼ်ႈတႃႇ ၵူၼ်းၼိုင်ႈၵေႃႉတႄႉ ယဵၼ်ႇငႄႈဢၼ်ဝႃႈၼႆႉ တေလႆႈဝႃႈ မၼ်းပဵၼ် သဵၼ်ႈတၢင်းဢၼ်ၼိုင်ႈယဝ်ႉ။ မူႇၸုမ်းဢၼ်ၼိုင်ႈလႄႈဢၼ်ၼိုင်ႈ၊ တူင်ႇဝိူင်းဢၼ်ၼိုင်ႈလႄႈ ဢၼ်ၼိုင်ႈ၊ ၸုမ်းၼိုင်ႈလႄႈ ၸုမ်းၼိုင်ႈၵေႃႈ မီးဢမ်ႇမိူၼ်ၵၼ်လႆႈ၊ မီးလွင်ႈပႅၵ်ႇပိူင်ႈၵၼ်ဝႆႉလႄႈ ယဵၼ်ႇငႄႈဢၼ်ဝႃႈၼၼ်ႉၵေႃႈ ဢိင်ၼိူဝ် သၢႆငၢႆႁိမ်းႁွမ်းသေၵေႃႈ ၸၢင်ႈပႅၵ်ႇပိူင်ႈၵၼ်ယူႇယဝ်ႉ။
ယဵၼ်ႇငႄႈ ၵူႈလွင်ႈလွင်ႈ
မႄးထတ်းယဵၼ်ႇငႄႈ ၵူႈလွင်ႈလွင်ႈ ၸိူင်ႉၼင်ႇ ဢၼ်မီးဝႆႉ တီႈၽၢႆႇတႂ်ႈၼႆႉၵေႃႈ ထုၵ်ႇလီ မၢႆတွင်းဝႆႉယူႇၼင်ႇၵဝ်ႇ။ [2]
- လွင်ႈယဵၼ်ႇငႄႈ တီႈႁိူၼ်း (႓႒) မဵဝ်း
- လွင်ႈယဵၼ်ႇငႄႈ တီႈႁူင်းႁဵၼ်း (႑႔) မဵဝ်း
- လွင်ႈယဵၼ်ႇငႄႈ ၸွမ်းတၢင်း (႑႔) မဵဝ်း
- လွင်ႈယဵၼ်ႇငႄႈ ၽွင်းလဵၼ်ႈ (႑႐) မဵဝ်း
- လွင်ႈယဵၼ်ႇငႄႈ မိူဝ်ႈဢွၵ်ႇၶၢဝ်းတၢင်း (႑႑) မဵဝ်း
- လွင်ႈယဵၼ်ႇငႄႈ ၵူႈလွင်ႈလွင်ႈ (႒႑) မဵဝ်း