လွင်ႈယဵၼ်ႇငႄႈ ၽွင်းလဵၼ်ႈ

လွင်ႈယဵၼ်ႇငႄႈ ၽွင်းလဵၼ်ႈ ဢၼ်ဝႃႈၼႆႉ မၼ်းပဵၼ် လွင်ႈယဵၼ်ႇငႄႈ ဢၼ်ပႃးၼႂ်း ယဵၼ်ႇငႄႈ သႅၼ်သမ်ႇ ဢၼ်ၼိုင်ႈယဝ်ႉ။ ယဵၼ်ႇငႄႈ ၽွင်းလဵၼ်ႈၼႆႉ ပေႃးတူၺ်းၽတ်ႉၽဵင်ႇၵၼ်ၼႆ တေမီးယူႇ ႑႐ မဵဝ်းယဝ်ႉ။ ၸိူဝ်းၼၼ်ႉတႄႉ -

  1. ၽွင်းလဵၼ်ႈယူႇၼၼ်ႉ ထုၵ်ႇလီၽၢင်ႉတႃႇ လွင်ႈမူၼ်ႈသိူဝ်းၸႂ်ၵူၺ်း။ ဢမ်ႇထုၵ်ႇလီမီး လွင်ႈႁႂ်ႈသေၵေႃႉၵေႃႉ ပေႃးလႆႈၸဵပ်းတူဝ်ၸဵပ်းၼိူဝ်ႉ။ (ထုၵ်ႇလီလဵၼ်ႈ လၢႆးလဵၼ်ႈ မဵဝ်းဢၼ်တေႁဵတ်းႁႂ်ႈ တူဝ်ႁဝ်း ၵႅၼ်ႇၶႅင်ၼၼ်ႉၵူၺ်း)
  2. ပေႃးႁဵတ်း ပဵၼ်မူႇပဵၼ်ၸုမ်းသေလဵၼ်ႈၼႆႉ မၼ်းၸၢင်ႈဢဝ်ၸႂ် ဢၼ်ၶႅမ်ႉတူဝ်လဵဝ် ၼၼ်ႉ ယူပ်ႈယွမ်းႁၢႆၵႂႃႇလႄႈ ထုၵ်ႇလီပၼ်ႁႅင်း ဢၼ်ဢဵၼ်ပဵၼ်ၸုမ်းၼၼ်ႉယဝ်ႉ။ (ၽိူဝ်ႉတႃႉတေလဵၼ်ႈ ၶႅမ်ႉတူဝ်လဵဝ် တႃႉလဵၼ်ၸွမ်း ၸုမ်းၸဝ်ႈၵဝ်ႇ ႁႂ်ႈမၼ်းၽဵင်ႇပဵင်းၵၼ်ၼႆႉ ပဵၼ်ဢၼ်လီသေပိူၼ်ႈယဝ်ႉ။)
  3. လွင်ႈလဵၼ်ႈ ဢၼ်ဢဝ် တၢင်းမူၼ်ႈၸႂ်ဝႆႉပဵၼ်ယႂ်ႇၼၼ်ႉ ဢမ်ႇထုၵ်ႇလီဢဝ် လွင်ႈပေႉလွင်ႈသုမ်းႁဵတ်းပဵၼ်လွင်ႈယႂ်ႇ။ ထုၵ်ႇလီဢဝ် လွင်ႈမူၼ်ႈသိူဝ်းၸႂ် ဝႆႉပဵၼ်ယႂ်ႇယဝ်ႉ။
  4. ၽွင်းလဵၼ်ႈၸိူင်ႉၼၼ်ၼႆႉ လွင်ႈၶီလွင်ႈသိူဝ်း ဢမ်ႇထုၵ်ႇထူၵ်းဢွၵ်ႇၼႄ ႁႂ်ႈထၢင်ႇႁၢင်ႈ။ (ပွႆးဢၼ်လဵၼ်ႈပေႉ​ၵေႃႈ လႆႈသိုပ်ႇလဵၼ်ႈ၊ ဢၼ်သုမ်းၵေႃႈ ဢမ်ႇထုၵ်ႇလီဝႆႉၸႂ်ႉလူႉသေ လီသိုပ်ႇလဵၼ်ႈၵႂႃႇယူႇ)
  5. သင်ၸိူဝ်ႉဝႃႈ မီးလွင်ႈထဵင်ၵၼ်မႃးၼႆ ထုၵ်ႇလီထွမ်တူၺ်း လွင်ႈၵၢင်ၸႂ် ၽၢႆႇပိူၼ်ႈယူႇ။ ယႃႇပေႉထဵင်ၸႃးႁႅင်း။
  6. လွင်ႈတႅပ်းတတ်း ဢၼ်ၽူႈတတ်းသိၼ် တႅပ်းတတ်းပၼ်ၼၼ်ႉ ၽိတ်းၵေႃႈယဝ်ႉ၊ ထုၵ်ႇၵေႃႇယဝ်ႉ ဢမ်ႇတၢပ်ႇလူဝ်ႇထဵင်ၶိုၼ်းသေ ထုၵ်ႇလီယွမ်းႁပ်ႉဢဝ် ၶေႃႈၸီႉသင်လီလီငၢမ်းငၢမ်းယူႇ။
  7. ပေႃးဢမ်ႇမီး ၽူႈတတ်းသိၼ် ဢွၼ်ၵၼ် ၽွမ်ႉၵၼ် တႅပ်းတတ်း ႁႂ်ႈမၼ်း ထုၵ်ႇမႅၼ်ႈတင်းသွင်ပႃႈသွင်ၽၢႆလႄႈ။
  8. ၽွင်းတိုၵ်ႉလဵၼ်ႈယူႇၼၼ်ႉ သင်မီး လွင်ႈတုမ်ႉတိူဝ်ႉၵၼ်ၼႆ ယႃႇပေဢဝ် တၢင်းၽိတ်းၵၼ်။ ဝႆႉၸႂ်ဝႃႈ ၽႂ်ၵေႃႈ ဢမ်ႇဝႆႉၸႂ်သေႁဵတ်း။
  9. ၸဝ်ႈၵဝ်ႇၵေႃႈ ဢမ်ႇသႂ်ႇၸႂ်သႂ်ႇၶေႃးသေၵေႃႈ ၸၢင်ႈမေႃႁဵတ်းမႅၼ်ႈၺႃးၼႆႉ ၽၢင်ႉဝႆႉပၼ်ဢိတ်းၼိုင်ႈ။
  10. ၶေႃႈၵႂၢမ်းဢၼ်ႁုၵ်းႁၢႆႉ၊ လွင်ႈႁဵတ်းသၢင်ႈ ႁုၵ်းႁၢႆႉ ၸိူဝ်းၼႆႉ ယႃႇပေၸႂ်ႉ ပေႁဵတ်းလႃးလႃး။ (ပေႃးသုမ်းသေ ၵႆႉလေႇ ႁဵတ်းႁိတ်ႈႁဵတ်းႁွတ်းလူင်ၵႂႃႇၼၼ်ႉ ပဵၼ်လွင်ႈႁဵတ်းသၢင်ႈ ဢၼ်လီဢၢႆတေႉတေႉၼၼ်ႉယဝ့််)။[1]

ၽိုၼ်ဢိင် မႄးထတ်း

  1. လိမ္မာ​ယဉ်ကျေး ပြည့်​ရင်သွေး၊ ပြည်​သူ့​နီ​တိ နှင့် လောက​နီ​တိ၊ မောင်⁠မောင်​တိုး။ (စာ​မျက်နှာ ၂​၀-၂​၁)