လွင်ႈယဵၼ်ႇငႄႈၸွမ်းတၢင်း

လွင်ႈယဵၼ်ႇငႄႈၸွမ်းတၢင်းဢၼ်ဝႃႈၼႆႉ မၼ်းပဵၼ် လွင်ႈယဵၼ်ႇငႄႈ ဢၼ်ပႃးဝႆႉၼႂ်း လွင်ႈယဵၼ်ႇငႄႈၵူႈပိူင်ပိူင်ယူႇ ဢၼ်ၼိုင်ႈယဝ်ႉ။ လွင်ႈယဵၼ်ႇငႄႈၸွမ်းတၢင်းၼႆႉ ပေႃးမႃးတူၺ်း မၼ်းမီးယူႇ ႑႔ ဢၼ်ယဝ်ႉ။[1] ထို ၁၄မျိုးမှာ -

  1. ၽွင်းတိုၵ်ႉၵႂႃႇတႃႈပႆတၢင်း တေဢမ်ႇလၢတ်ႈၵႂၢမ်းယႂ်ႇသဵင်လူင်။ (ပေႃးပႆတၢင်းၵၢင်ၶမ်ႈၵၢင်ၶိုၼ်း တေဢမ်ႇလႆႈ ႁွင်ႉၵႂၢမ်း သဵင်ယႂ်ႇသဵင်လူင်)
  2. ပေႃးဝႃႈ တေၵိုတ်းၸွမ်းတၢင်းသေ လၢတ်ႈၵႂၢမ်းၼႆ ၵႂႃႇၵိုတ်းတီႈဢၼ် လွတ်ႇတၢင်းၵႂႃႇတၢင်းပႆႇပိူၼ်ႈသေ ၸင်ႇၵႆႈလၢတ်ႈ။
  3. တၢင်းဢၼ်ဝႃႈၼႆႉ မၼ်းပဵၼ်တႃႇ ၵူၼ်းတင်းၼမ်ၵႂႃႇၵႂႃႇမႃးမႃး။ ယွၼ်ႉပိူဝ်ႈၸဝ်ႈၵဝ်ႇလႄႈ ယႃႇႁႂ်ႈလႆႈပဵၼ် လွင်ႈတုမ်ႉတိူဝ်ႉပိူၼ်ႈ။ တီႈဝဵင်းယႂ်ႇဝဵင်းလူင်ၼႆႉ ပေႃးတေပႆႇတၢင်းၼႆ ပိူၼ်ႈမၵ်းမၼ်ႈဝႆႉ တေလႆႈပႆတီႈၶၢင်ႈတၢင်း ဢၼ်ပိူၼ်ႈႁဵတ်းဝႆႉပၼ် တႃႇၵူၼ်းပႆ ၸၵႂႃႇၸိူဝ်းၼႆႉ။ တီႈလႂ်တေၸၢင်ႈပႆ၊ တီႈလႂ်ဢမ်ႇၸၢင်ႈပႆၼႆ မီးလွင်ႈမၵ်းမၼ်ႈဝႆႉ။ ၸွမ်းၼင်ႇပိူၼ်ႈမၵ်းမၼ်ႈဝႆႉၼၼ်ႉ တေလႆႈႁဵတ်းၸွမ်းၽဵၼ်ႈၽဵၼ်ႈ။
  4. ပေႃးၸဝ်ႈရႁၢၼ်းသင်ႇၶႃႇမႃး၊ ပေႃးၵူၼ်းထဝ်ႈၵူၼ်းၵေႇမႃး၊ ပေႃးၼၢင်းယိင်းလႄႈ လုၵ်ႈဢွၼ်ႇမႃးၼႆ ထုၵ်ႇလီဝႄႈပၼ်တၢင်းယူႇယဝ်ႉ။
  5. သင်ၸိူဝ်ႉဝႃႈ ပႃးၸွင်ႈ၊ ၶွၼ်ႉတဝ်ႉၵႂႃႇၸိုင် ဢၼ်ပဵၼ် ပၢႆလႅမ်မၼ်းၼၼ်ႉ ထုၵ်ႉလီပၵ်းလူင်းၽၢႆႇတႂ်ႈသေ ယိပ်းၵႂႃႇ။
  6. ၸိူဝ်းပဵၼ် ပိူၵ်ႇမၢၵ်ႇမႆႉမၢၵ်ႇတွၵ်ႈၼၼ်ႉ တေဢမ်ႇလႆႈပႅတ်ႈတူၵ်းၼိူဝ်တၢင်း။
  7. လႅၼ်းယႃႈ ဢၼ်ၽႆးပႆႇတၢႆ၊ ပႆႇမွတ်ႇၼၼ်ႉ တေဢမ်ႇလႆႈ ပႅတ်ႈတူၵ်းၼိူဝ်တၢင်း။ ၽႂ်ၵႂႃႇယဵပ်ႇၺႃးၵေႃႈ မၼ်းၸၢင်ႈမီးၽေး သေ ၸၢင်ႈထူပ်းၺႃးလွင်ႈၽေးၽႆး။
  8. သင်ၸိူဝ်ႉႁၼ် ယုၵ်းယၵ်း၊ ၸေႈပိတ်းၸေႈပွတ်း တီႈၸွမ်းတၢင်း ထုၵ်ႇလီဢဝ်ပႅတ်ႈ။
  9. သင်ၸိူဝ်ႉႁၼ်မႅၼ်ႈၺႃး ၸိူဝ်းဢၼ်ၸၢင်ႈပၼ်လႆႈ ၽေးၵူၼ်း မိူၼ်ၼင်ႇ မၢၵ်ႇႁိၼ်မၢၵ်ႇသၢႆး၊ ၼၢမ်၊ တဝ်ႈၵႅဝ်ႈၵွႆ ၸၵႂႃႇၸိူဝ်းၼႆႉ ထုၵ်ႇလီဢဝ်ပႅတ်ႈ ႁႂ်ႈလွတ်ႈၽေး။
  10. ပေႃးႁၼ် ၵူၼ်းဢၼ်ႁၢပ်ႇတိင်ႇ ဢၼ်ၼၵ်းၼႃမႃးၼႆ ၸဝ်ႈၵဝ်ႇထုၵ်ႇလီဝႄႈတၢင်းပၼ်။
  11. ပေႃးတေၶၢမ်ႈတၢင်းၼႆ ထုၵ်ႇလီၽၢင်ႉ လွင်ႈၽေးၶဵၼ် လူတ်ႉၵႃး၊ လူတ်ႉလဵၼ်း၊ လူတ်ႉၶိူင်ႈ၊ လႅင် ၸၵႂႃႇၸိူဝ်းၼႆႉ။
  12. ပေႃးႁၼ်ၸွမ်းတၢင်းလႄႈ တေတူင်ႉတၵ်ႉ ၵေႃႉဢၼ်ထုၵ်ႇလီႁွမ်းမိုဝ်း ဝႆႉၼႃဢူၵ်းၼႆၵေႃႈ ႁွမ်းမိုဝ်းဝႆႉၼႃႈဢူၵ်းသေ တူင်ႉတၵ်ႉ၊ ၵေႃႉဢၼ်ထုၵ်ႇလီ ၵူမ်ႈႁူဝ်သေ တူင်ႉတၵ်ႉၼႆၵေႃႈ ၵူမ်ႈႁူဝ်သေ ယုမ်ႉသေတူင်ႉတၵ့််လႄႈ။
  13. တီႈဝဵင်းယႂ်ႇဝဵင်းလူင်ၼႆႉ ယွၼ်ႉမၼ်းၵႆႉလႆႈၼႅတ်ႈ ဢိၵ်ႇလူၺ်ႈၼႃႈၵၢၼ်လႄႈ ဢၼ်ဢဝ် ၶေႃႈၵႂၢမ်းသေ တူင်ႉတၵ်ႉၵၼ်ၼႆႉ ထုၵ်ႇလီၾၢင်ႉသေဝႄႈ။
  14. ပေႃးႁဝ်းတုမ်ႉတိူဝ်ႉၺႃးသေၵေႃႉၵေႃႉလႄႈသင်၊ ၵပ်းၵၢႆႇလူၺ်ႈ လွင်ႈတၢင်းတၢင်ႇဢၼ်လႄႈ တေလႆႈ ယွမ်းတၢင်းၽိတ်းၼႆ ထုၵ်ႇလီၸႂ်ႉ ၶေႃႈၵႂၢမ်း ဢၼ်ယဵၼ်ႇငႄႈ သေၵေႃႈ ယွမ်းတၢင်းၽိတ်း။ သင်ၸိူဝ်ႉ ပိူၼ်ႈယွမ်းတၢင်းၽိတ်းၸူး ၸဝ်ႈၵဝ်ႇၼႆၵေႃႈ ထုၵ်ႇလီ ၶိုၼ်းလၢတ်ႈတေႃႇ လီလီငၢမ်းငၢမ်းယဝ်ႉ။


ၽိုၼ်ဢိင် မႄးထတ်း

  1. လိမ္မာယဉ်ကျေး ပြည့်ရင်သွေး၊ ပြည်သူ့နီတိ နှင့် လောကနီတိ၊ မောင်⁠မောင်တိုး။ (စာမျက်နှာ ၁၈-၁၉)