ဢိၼ်ႇၸၢင်းယၢင်ႇ၊ ဝဵင်း

ဝဵင်းဢိၼ်ႇၸၢင်းယၢင်ႇ (မၢၼ်ႈ: အင်ဂျန်းယန်မြို့, ဢိင်းၵလဵတ်ႈ: Injangyang) ၼႆႉ မီးဝႆႉတီႈၼႂ်း ၸႄႈဝဵင်းဢိၼ်ႇၸၢင်းယၢင်ႇ၊ ၸႄႈတွၼ်ႈၸႄႈၼႃး၊ ၸႄႈမိူင်းၶၢင်၊ မိူင်းမျၢၼ်ႇမႃႇ ၶႃႈဢေႃႈ။

ဝဵင်းဢိၼ်ႇၸၢင်းယၢင်ႇ
ဝဵင်းဢိၼ်ႇၸၢင်းယၢင်ႇ ဢွင်ႈတီႈ တီႈၼႂ်းမိူင်းမျၢၼ်ႇမႃႇ
Coordinates: 25°52′0″N 97°51′0″E
မိူင်း	မိူင်းမၢၼ်ႈ
ၸႄႈမိူင်း	ၸႄႈမိူင်းၶၢင်
ၸႄႈတွၼ်ႈ	ၸႄႈတွၼ်ႈၸႄႈၼႃး
ၸႄႈဝဵင်း	ၸႄႈဝဵင်းဢိၼ်ႇၸၢင်းယၢင်ႇ
ႁူဝ်ၼပ်ႉၵူၼ်းမိူင်း  (2014)	၄၄၅
ပွတ်းတွၼ်ႈၶၢဝ်းယၢမ်း	UTC+6.30 (လၵ်းၸဵင်ၶၢဝ်းယၢမ်းမျၢၼ်ႇမႃႇ)

တႄႇပဵၼ်မႃး

ဢိၼ်ႇၸၢင်းယၢင်ႇ ၼႆႉ ပေႃးဢဝ်ၵႂၢမ်းတႆးဝႃႈ မီးတီႈပွင်ႇဝႃႈ ဢိၼ်ႇၸၢင်း = ဢိၼ်ႇၸၢင်းတူးဝႃး၊ ယၢင်ႇ=ထုင်ႉပဵင်း ၼႆသေ တေလႆႈဝႃႈ ထုင်ႉပဵၼ် ဢၼ်ဢိၼ်ႇၸၢင်းတူႇဝႃးၶဝ်တႄႇမႃး ဝႃႈၼႆယဝ်ႉ။ မိူဝ်ႈဢင်းၵိတ်ႉၶဝ် ပႆႇဢုပ်ႉပိူင်ႇၼၼ်ႉ ပဵၼ်ဢွင်ႈတီႈ ဢၼ်တူးဝႃးၶဝ် ၸႅၵ်ႇၼႃႈလိၼ်သေ ဢုပ်ႉပိူင်ႇမႃးယဝ်ႉ။ ထိုင် 1920 တဵမ် ဢင်းၵိတ်ႉၶဝ် လႆႈၶဝ်ႈမႃး ၼႃႈလိၼ်လွႆသၢမ်ၸဵင်ႇ (ပိုၼ်ႉတီႈၶဝ်ႁွင်ႉ မလိဢိုၼ်မၢႆဝလွင်ႇ၊ ယၢမ်းလဵဝ် ဢိၼ်ႇၸၢင်းယၢင်ႇ) သေ ဢဝ် ၽူႈၵွၼ်းလွႆ ဢိၼ်ႇရေႃႇၵွင်ႇ လႄႈ ၽူႈၵွၼ်းလွႆ ဢိၼ်ႇၸၢင်းယၢင်ႇ ဝႆႉတႂ်ႈမီး ၽူႈၵွၼ်းသၼ်လွႆ သုမ်ႇပရၢႇပုမ်ႇသွင်ႇ သေၵေႃႈ ႁႂ်ႈဢုပ်ႉပိူင်ႇမႃးယဝ်ႉ။ ၽွင်းမိူဝ်ႈၼၼ်ႉ ဝၢၼ်ႈဢွၼ်ႇ မီးမႃး (၃၉၄) ဝၢၼ်ႈ၊ ဢိူင်ႇ မီးမႃး (၁၀၀) ဢိူင်ႇၼႆယဝ်ႉ။ ပၢၼ်လၢၵ်ႈထၢၵ်ႈတေႃႇလၢၼ်ႇယေးၶွင်ႇၸီ ပီ 1965၊ ဢွၵ်ႇထူဝ်ႇပႃႇ (၁) ၼၼ်ႉ လႆႈမၵ်းမၼ်ႈပဵၼ်ၸၼ်ႉၸႄႈဝဵင်းမႃးယဝ်ႉ။ လုမ်းၸိူဝ်းၼႆႉ ပၵ်းဝႆႉတီႈ ဝၢၼ်ႈဢိၼ်ႇၸၢင်းယၢင်ႇ တီႈၽူႈၵွၼ်းလွႆ ပၵ်းမႃးၼၼ်ႉသေ ၶႂ်ႈၶိုၼ်းႁွင်ႉပဵၼ် ဝဵင်းဢိၼ်ႇၸၢင်းယၢင်ႇ ၼႆယဝ်ႉ။

ဢွင်ႈတီႈၸိုဝ်ႈလိုဝ်းလင်

လွႆငေႃႉပုမ်ႇ

မီးဝႆႉတီႈၽၢႆႇႁွင်ႇဝဵင်းသေ ပဵၼ်လွႆမၢၵ်ႇႁိၼ် တၢင်းသုင်မီး (၄၅၀၀) ထတ်းယဝ်ႉ။ ဢမ်ႇမိူၼ်တင်းလွႆတၢင်ႇၸိူဝ်းသေ ပဵၼ်လွႆသွင်လုၵ်ႈၶၼ်ႈၵၼ်ဝႆႉယဝ်ႉ။

လွႆပုမ်ႇပႃပုမ်ႇ

မီးဝႆႉၽၢႆႇဢွၵ်ႇဝဵင်းသေ တၢင်းသုင် မီး (၂၈၉၆) ထတ်းယဝ်ႉ။ ၽၢႆႇၼိုင်ႈၼႆႉ ၸၼ်းပေႃးၼင်ႇသၢမ်ၸဵင်ႇတင်ႈသေတႃႉ ထႅင်ႈၽၢႆႇၼိုင်ႈတႄႉ လုၵ်ႉဢဝ်တိၼ်လွႆတေႃႇၸိၵ်းလွႆ ၸၢင်ႈၶိုၼ်ႈလႆႈငၢႆႈငၢႆႈယူႇယဝ်ႉ။

လွႆပုမ်ႇလမ်ႇပုမ်ႇ

တၢင်းသုင်မီး (၅၄၀၅) ထတ်းသေ သၢင်ႇထုၵ်ႇတွၼ်ႈတႃႇႁဵတ်း ဢွင်ႈတီႈၼိူဝ်လွႆယဝ်ႉ။ ၽၢင်ႁၢင်ႈမၼ်းၼႆႉ လုၵ်ႉဢဝ်တိၼ်လွႆတေႃႇ ၸိၵ်းလွႆ ပဵၼ်ဢၼ်ၶႅမ်ႉလႅပ်ႈသေ တူၼ်ႈပႅၵ်ႇၸိူဝ်းၼႆႉၵေႃႈ ဢွၵ်ႇဝႆယဝ်ႉ။ တူဝ်သတ်း ၼင်ႇ ၵႂၢင်၊ တိုင်၊ ၸၵႂႃႇၸိူဝ်းၼႆႉၵေႃႈ မီးဝႆႉယဝ်ႉ။

ႁဵင်းၵွင်ႉၽၢႆၼွၵ်ႈ

• Satellite map at Maplandia.com