လႄႇသျီး၊ ဝဵင်း

ဝဵင်းလႄႇသျီး (မၢၼ်ႈ: လေရှီးမြို့ ; ဢိင်းၵလဵတ်ႈ: Leshi ; Shan pronunciation: [lɛ̀ sʰí]) ၼႆႉ ပဵၼ် ဝဵင်းပၵ်းလုမ်းၸႄႈဝဵင်း ၸႄႈဝဵင်းလႄႇသျီး၊ ၼႃႈလိၼ် ၼႃႇၵ ၽွင်းငမ်းႁင်းၶေႃ၊ ၸႄႈတိူင်းၸႄႈၵႅင်း၊ မိူင်းမျၢၼ်ႇမႃႇၼၼ်ႉယဝ်ႉ။ မီးဝႆႉတီႈႁိမ်းၸမ် လႅၼ်လိၼ် မိူင်းဢိၼ်ႇတိယၼၼ်ႉယဝ်ႉ။ လုၵ်ႉတီး ဝၢၼ်ႈထမၢၼ်ႇသီႇ သေ မီးတၢင်းၵႃး ၵၢႆႇသိုပ်ႇၸူး ဝဵင်းႁုင်းမၢၵ်ႇလၢင်းယဝ်ႉ။

ဝဵင်းလႄႇသျီး
ဝဵင်း
ဝဵင်းလႄႇသျီး
ၵူဝ်ႇဢေႃးတိၼဵတ်ႉ: 25°27′31″N 94°57′34″E
မိူင်း	မျၢၼ်ႇမႃႇ
ၸႄႈတိူင်း	ၸႄႈၵႅင်း
ၸႄႈတွၼ်ႈ	ၼႃႈလိၼ် ၼႃႇၵ ၽွင်းငမ်းႁင်းၶေႃ
ၸႄႈဝဵင်း	ၸႄႈဝဵင်းလႄႇသျီး
ႁူဝ်ၼမ်ၵူၼ်း (2014)
• ႁုပ်ႈ	1,705
ၶၢဝ်းယၢမ်း ၼႃႈလိၼ်	MST (UTC+6.30)

လႄႇသျီးဢၼ်ဝႃႈၼႆႉ လုၵ်ႉတီး ၽႃႇသႃႇၵႂၢမ်းၵတႄး လၢႆႇသျီးၼႆသေ မၼ်းတီႈပွင်ႇဝႃႈ ပဵၼ်တီႈၼႃႈလိၼ် ၽုၼ်ႇလိၼ်မၼ်းလိၼ်ႁႅင်ႈၼႆယဝ်ႉ။

ဝၢႆးသေ မိူင်းမၢၼ်ႈတင်းမိူင်း တူၵ်းတႂ်းမိုဝ်းဢင်းၵိတ်ႉယဝ်ႉ မိူဝ်ႈပီ 1917 ၼၼ်ႉ ဢင်းၵိတ်ႉၶဝ် ၶဝ်ႈမႃးတီႈၼႂ်းၼႃႈလိၼ်လႄႇသျီးသေ ဢဝ်တပ်ႉ တမ်းတီႈ ထဵင်ႇၵူတ်ႉ ဢၼ်မီးတီႈ ၸဵင်ႇၸၢၼ်းဝၼ်းတူၵ်းလႄႇသျီးၼၼ်ႉယဝ်ႉ။ ဝၢႆးသေၼၼ်ႉ မိူဝ်ႈပီ 1923 လႆႈလုၵ်ႉဢဝ် ထဵင်ႇၵူတ်ႉ ၶၢႆႉၸူး လႄႇသျီးသေ မၵ်းမၼ်ႈပဵၼ် ဝဵင်းယဝ်ႉ။

ယၢမ်းလဵဝ်တႄႉ ၸွမ်းလူၺ်ႈ လၵ်းမိူင်း 2008 သေ မိူဝ်ႈ 2008 လိူၼ်မေႇ 29 ၼၼ်ႉ လႆႈဢဝ် ၸႄႈဝဵင်း လႄႇသျီး၊ လႁႄႇ လႄႈ ၼၢၼ်းယုၼ်း 3 ၸႄႈဝဵင်းၼႆႉ ႁူမ်ႈၵၼ်သေ မၵ်းမၼ်ႈပဵၼ် ၼႃႈလိၼ် ၼႃႇၵ ၽွင်းငမ်းႁင်းၶေႃယဝ်ႉ။