ၼိၵ်းၵီႉ မီႇၼၢတ်ႇ
ဢူဝ်ႇၼီႇၵႃႇ ထၢၼ်ႇယႃႇ မႃႇရၢတ်ႇ (ဢိင်းၵလဵတ်ႈ: Onika Tanya Maraj) ႁိုဝ် ဢၼ်ၵူၼ်းတၢင်းၼမ်ႁူႉၸၵ်းၸိုဝ်ႈဝႃႈ ၼိၵ်းၵီႉ မီႇၼၢတ်ႇ (ဢိင်းၵလဵတ်ႈ: Nicki Minaj) ၼႆႉ ပဵၼ်ၽူႈႁွင်ႉၵႂၢမ်းၸၢဝ်းဢမေႇရိၵၼ်ႇၵေႃႉၼိုင်ႈ။ မၼ်းၼၢင်းၵိူတ်ႇတီႇသႅၼ်းၸဵမ်းသ်၊ ဝဵင်းၽွတ်ႉ-ဢွၾ်ႉ-သပဵၼ်ႇ ၼႂ်းမိူင်းတရိၼိတႅတ်ႉလႄႈ တူဝ်ႇပေႇၵူဝ်ႇသေ ၶၢႆႉမႃးယူႇသဝ်းၼႂ်းမိူင်းၶႂိၼ်းသ်၊ မိူင်းၽွမ်ႉႁူမ်ႈဢမေႇရိၵႃႉ မိူဝ်ႈဢသၢၵ်ႈတိုၵ်ႉလႆႈ 5 ပီႊ။
| ၼိၵ်းၵီႉ မီႇၼၢတ်ႇ | |
|---|---|
 | |
| ၸိုဝ်ႈမိူဝ်ႈလဵၵ်ႉ | ဢူဝ်ႇၼီႇၵႃႇ ထၢၼ်ႇယႃႇ မႃႇရၢတ်ႇ |
| ၵိူတ်ႇ |
တီႇသႅမ်ႇပႃႇ 8၊ 1982[1] ၽွတ်ႉ-ဢွၾ်ႉ-သပဵၼ်ႇ၊ မိူင်းထရီႇၼီႇတၢတ်ႈ လႄႈ ထူဝ်ႇပေးၵူဝ်ႇ |
| ၵူၼ်းမိူင်း | ၶႂိၼ်းသ်၊ ၸေႊမိူင်းၼိဝ်းယွၵ်ႉ၊ မိူင်းၽွမ်ႉႁူမ်ႈဢမေႇရိၵႃႉ |
| ပၢႆးပႆႇၺႃႇ | Fiorello H. LaGuardia High School |
| ၼႃႈၵၢၼ် | ရႅပ်ႇပႃႇ၊ ၽူႈႁွင်ႉၵႂၢမ်း၊ ၽူႈတႅမ်ႈၵႂၢမ်း |
| ပီတူင်ႉၼိုင်မႃး | 2002 – ယၢမ်းလဵဝ် |
| ၽူႈႁွင်ႉၵႂၢမ်း ႁိပ်ႉႁွပ်ႉ၊ ပွပ်ႉ၊ R&B | |
| ၼႃႈႁိူၼ်း | Kenneth Petty (m. 2019) |
| ဝႅပ်ႉသၢႆႉ | https://www.nickiminajofficial.com/ |
| လၢႆးမိုဝ်း | |
ဝၢႆးလင်လႆႈဝၢင်းၶၢႆၶႅပ်းၵႂၢမ်း ၼႂ်းပီႊ 2007 လႄႈ 2009 သေ လႆႈႁူမ်ႈလူင်းလၢႆးမိုဝ်းလိၵ်ႈၵိၼ်ၵႅၼ်ႇ ၸွမ်းၸုမ်းယင်းမၼ်းၼီး ဢႅၼ်ႇထိူဝ်ႇထဵၼ်းမႅၼ်ႉ (ဢိင်းၵလဵတ်ႈ: Young Money Entertainment)။ မိူဝ်ႈလိူၼ်ဢေႃးၵၢတ်ႉ၊ ပီႊ 2009 ၼၼ်ႉ မၼ်းၼၢင်းလႆႈဝၢင်းၶၢႆၶႅပ်းၽဵင်းၵႂၢမ်းၸဝ်ႈၵဝ်ႇ ဢၼ်မီးၸိုဝ်ႈဝႃႈ ၽိင်ႉၶ်ၾရၢႆးၻေး ၼႂ်းလိူၼ်ၼူဝ်ဝႅမ်ႇပႃႇ၊ ပီႊ 2010 သေ လႆႈတၢင်းဢွင်ႇမၢၼ်ထိုင်တီႈၵႂႃႇၵမ်းလဵဝ်။[2][3] ၽဵင်းၵႂၢမ်းမၼ်းၼၢင်း လႆႈၶိုၼ်ႈ ပဵၼ် ထီႉၼိုင်ႈ တီႈၼိူဝ် Billboard 200 လႄႈ လႆႈႁပ်ႉသူးၶိုၵ်ႉတွၼ်းသီၶမ်းၶၢဝ် ၶွင်မုၵ်ႉၸုမ်းတူင်ႉၼိုင်ပၢႆးမၢၵ်ႈမီးၾၢႆႇၽဵင်းၵႂၢမ်း မိူင်းဢမေႇရိၵၼ်ႇ (RIAA)။ ဝၢႆးသေဝၢင်းၶၢႆၽဵင်းၵႂၢမ်းဢွၵ်ႇၵႂႃႇယဝ်ႉသေ မၼ်းၼၢင်းလႆႈၶိုၼ်ႈပဵၼ် ၽူႈႁွင်ႉၵႂၢမ်းၵေႃႉဢွၼ်တၢင်းသုတ်း ဢၼ်မီးၽဵင်းၵႂၢမ်းၶိုၼ်ႈယူႇၸၼ်ႉထီႉၸဵတ်း တီႈၼိူဝ် Billboard Hot 100 မိူဝ်ႈၶၢဝ်းၼၼ်ႉ[4]။ ၽဵင်းၵႂၢမ်းထီႉသွင်မၼ်းၼၢင်း ဢၼ်ၸိုဝ်ႈဝႃႈ "Your Love" ၼၼ်ႉၵေႃႉ လႆႈၶိုၼ်ႈၽႅဝ်ဝႆႉထီႉၼိုင်ႈ တီႈၼႂ်း Billboard Hot Rap Songs သေ ႁဵတ်းႁႂ်ႈမၼ်းၼၢင်းလႆႈပဵၼ်မႃး ၽူႈႁွင်ႉၵႂၢမ်းရႅပ်ႇပႃႇ ၵေႃႉဢမ်ႇလႆႈတၢင်းၵမ်ႉၸွႆႈတီႈၽႂ်သေ ၶိုၼ်ႈပဵၼ်ၽူႈထႅၼ်ႈမႃးၵေႃႉၼိုင်ႈလႆႈ တႄႇၸဵမ်မိူဝ်ႈပီႊ 2002 ၼၼ်ႉယဝ်ႉ [5]။ မၼ်းၼၢင်းတင်းလႆႈပဵၼ် ၽူႈႁွင်ႉၵႂၢမ်းၼၢင်းယိင်းၵေႃႉဢွၼ်တၢင်းသုတ်း ဢၼ်လႆႈၶဝ်ႈႁူမ်ႈၼႂ်း MTV's Annual Hottest MC List[6] ။ မၼ်းၼၢင်းလႆႈထုၵ်ႇမၵ်းမၼ်ႈၸိုဝ်ႈသဵင် တီႈRising Stars ၼႂ်းပိုၼ်းမၢႆတွင်း Billboard Studio ထႅင်ႈၵွၼ်ႇ။ Album မၢႆသွင်မၼ်းၼၢင်း ဢၼ်ပဵၼ် Pink Friday: Roman Reloaded လႆႈဢွၵ်ႇဝၢင်းၶၢႆ မိူဝ်ႈဝၼ်းထီႉ 3၊ လိူၼ်ဢေႇပရႄႇ၊ ပီႊ 2012 ။
ၼႃႈၵၢၼ်ၽဵင်းၵႂၢမ်း
မႄးထတ်းသဵၼ်ႈမၢႆဢႅလ်ႇပမ်ႇၽဵင်းၵႂၢမ်း ၼိၵ်းၵီႉ မီႇၼၢတ်ႇ
မႄးထတ်း- Pink Friday(2010)
- Pink Friday: Roman Reloaded (2012)
- The Pinkprint (2014)
- Queen (2018)
ဢိင်ဢၢင်ႈ
မႄးထတ်း- ↑ Dallas Police Department Report. TMZ.Com. Retrieved on November 10, 2011။
- ↑ Nicki Minaj Chart History at Billboard. Billboard. Retrieved on February 16, 2011။
- ↑ RIAA Gold & Platinum. Retrieved on January 4, 2011။
- ↑ "Nicki Minaj Makes History With Seven Billboard Hot 100 Songs"၊ MTV News။ ၶိုၼ်းမႄးၵူတ်ႇထတ်းဝႆႉယဝ်ႉမိူဝ်ႈ - October 29, 2010။။
- ↑ Chart Beat Wednesday: Train, Dirty Heads, Nicki Minaj. Billboard. Retrieved on October 29, 2010။
- ↑ MTV's Hottest MC List. Retrieved on February 16, 2011။
သိုပ်ႇတူၺ်း
မႄးထတ်း
|
ပိုတ်ႇတီႈပွင်ႇ တီႈ ဝီႇသျိၼ်ႇၼရီႇ |
|
မီႇတီႇယႃႇ တီႈ Commons |
|
ၶၢဝ်ႇ တီႈ ဝီႇၶီႇၶၢဝ်ႇ |
|
ၶေႃႈပူင်လၢတ်ႈ တီႈ ဝီႇၶီႇၽိုၼ်ဢိင် |
- ၶွင်ႉယူႇထုပ်ႉ ၼိၵ်းၵီႉမီႇၼၢတ်ႇ Nicki Minaj Official Youtube Channel
- ၾဵသ်ႉၿုၵ်ႉၶ် ၼိၵ်းၵီႉမီႇၼၢတ်ႇ Nicki Minaj facebookfanpage
- တႂိတ်ႇတႃႇ ၼိၵ်းၵီႉမီႇၼၢတ်ႇ Nicki Minaj Official Twitter
- ဢိၼ်ႇသတႃႇၵရႅမ်ႇ ၼိၵ်းၵီႉမီႇၼၢတ်, Nicki Minaj Official Instagram