ႁူင်းႁေႃၸႄႈလူင်တႃႈၵုင်ႈ

ႁူင်းႁေႃၸႄႈလူင်တႃႈၵုင်ႈ ၼႆႉ မီးဝႆႉတီႈ ဝဵင်းတႃႈၵုင်ႈ၊ ၸႄႈတိူင်းတႃႈၵုင်ႈယဝ်ႉ။ ပဵၼ် ယူင်ႉသၢင်ႈၶူဝ်းပူၺ်ႈၵဝ်ႇမွၼ်ဢၼ်ၼိုင်ႈယဝ်ႉ။ ပဵၼ်ဢွင်ႈတီႈပၵ်းလုမ်း ၵေႃႇမတီႇ ဝဵင်းမူၼ်းၵူၼ်းၵိုၼ်း ၸႄႈလူင်တႃႈၵုင်ႈယဝ်ႉ။ ႁူင်းႁေႃၸႄႈလူင်တႃႈၵုင်ႈၼႆႉ ၽူႈလူင်ႉလႅၼ်ႇၽၢႆႇၵၢၼ်မိုဝ်း ၸီႇတူႇဢူးတိၼ်ႇ ၵေႃႉၸၼ်ႁၢင်ႈဢွၵ်ႇသေ ၵေႃႇသၢင်ႈမႃးယဝ်ႉ။ တႄႇၵေႃႇသၢင်ႈမႃး မိူဝ်ႈပီ ၁၉၂၆ ၼၼ်ႉသေ ယဝ်ႉတူဝ်ႈ မိူဝ်ႈပီ ၁၉၃၆ လိူၼ်မေႇ^[1] ၼၼ်ႉယဝ်ႉ။ မိူဝ်ႈဢွၼ်တၢင်းတႄႉ ႁွင်ႉဝႃႈ ယူင်ႉသၢင်ႈ ယၢၼ်ႇၵူင်ႇမျူႇၼီႇၸီႇပႄႇ ၵေႃႇပူဝ်ႇရေးသျိၼ်း ဝႃႈၼႆသေ ၸိူဝ်းပဵၼ်ႁူဝ်ပဝ်ႈ ၵေႃႇပူဝ်ႇရေးသျိၼ်းၼၼ်ႉ တႄႇဢဝ်ပီ ၁၉၃၄ မႃး လႅၵ်ႈလၢႆႈႁွင်ႉဝႃႈ ၶုၼ်ၵွၼ်းဝဵင်း (မၢၼ်ႈ: မြို့တော်ဝန်) ၼႆယဝ်ႉ။

တွၼ်ႈတႃႇၵေႃႇသၢင်ႈ ႁူင်းႁေႃၸႄႈလူင်တႃႈၵုင်ႈ ၽၢႆႇၼႃႈ သူၼ်မွၵ်ႇ မႁႃႇပၼ်ႇတုလၼၼ်ႉ လႆႈတႅပ်းတတ်းမႃးတီႈ ပၢင်ၵုမ်မျူႇၼီႇၸီႇပႄႇ ဢၼ်ၸတ်းႁဵတ်းတီႈ ရိတ်ႉပုၼ်ႇႁေႃး မိူဝ်ႈ ၁၉၂၈ လိူၼ်ဢွၵ်ႇထူဝ်ႇပႃႇ ၉ ၼၼ်ႉယဝ်ႉ။ ၶုၼ်လူင်ၵေႃႇမသျိၼ်ႇၼႃႇ ဢဝ်ပိူင်ႁၢင်ႈ ဢိၼ်ႇၵျိၼ်ႇၼီႇယႃႇပရေးၼၼ်ႉ ၼႄတူၺ်းသေ မၼ်းဢမ်ႇဢွၵ်ႇႁၢင်ႈမျၢၼ်ႇမႃႇႄလႈ ဢူးပပေႇ ၸင်ႇလႆႈသၢၼ်ၶတ်းယဝ်ႉ။ ဝၢႆးသေၼၼ်ႉ ၁၉၂၉ ၼူဝ်ႇဝႅမ်ႇပႃႇ ၅ တီႈပၢင်ၵုမ်ၼၼ်ႉ ၶိုၼ်းပၼ်ပုၼ်ႈၽွၼ်း ဢူးတိၼ်ႇ တွၼ်ႈတႃႇၼပ်ႉသွၼ်ႇတၢင်ႇလၢတ်ႈၼႄယဝ်ႉ။ ဢွၼ်ၵၼ်ၽွမ်ႉၸႂ်လႄႈ ထိုင်မႃး ပီ ၁၉၃၄ လိူၼ်ဢေႇပရႄႇမႃး တႄႇၵေႃႇသၢင်ႈမႃးယဝ်ႉ။^[1]

ႁွင်ႈၼႄၶႅပ်းႁၢင်ႈ

လုၵ်ႉၽၢႆႇၼႃႈ သူၼ်မွၵ်ႇ မႁႃႇပၼ်ႇတုလသေ မုင်ႈႁၼ် ႁူင်းႁေႃၸႄႈလူင်တႃႈၵုင်ႈ

ႁူင်းႁေႃၸႄႈလူင်တႃႈၵုင်ႈ

ႁူင်းႁေႃၸႄႈလူင်တႃႈၵုင်ႈ ပီ ၁၉၄၅ ဝၢႆးသိုၵ်းၵမ်ႇၽႃႇပွၵ်ႈသွင်

ႁူင်းႁေႃၸႄႈလူင်တႃႈၵုင်ႈ (၂၀၁၂)

ၽိုၼ်ဢိင်

↑ ^1.0 ^1.1 တင်နိုင်တိုး (ဒီဇင်ဘာလ၊ ၂၀၁၃). မြန်မာပြည်တစ်ခွင် လမ်းညွှန်. မဇ္ဈိမစာပေ, ၁၃.

[:0-1] 1.0 ^1.1 တင်နိုင်တိုး (ဒီဇင်ဘာလ၊ ၂၀၁၃). မြန်မာပြည်တစ်ခွင် လမ်းညွှန်. မဇ္ဈိမစာပေ, ၁၃.

[1]