ၸူဝ်းထုတ်ႉ
ၸွမ်သိုၵ်း ၸူဝ်းထုတ်ႉ (ၵိူတ်ႇ 1960 မၢတ်ႉၶျ် 29[1]) ၼႆႉ ပဵၼ် ၽွင်းလူင်မိူင်းႁူမ်ႈတုမ် တီႈ ထၢၼ်ၽွင်းလူင် ၵၢၼ်ၼႂ်းမိူင်း လႄႈ ထၢၼ်ၽွင်းလူင် ၵၢၼ်လုမ်းလူင်ပွင်ၸိုင်ႈမိူင်းႁူမ်ႈတုမ မိူင်းမျၢၼ်ႇမႃႇယဝ်ႉ။
| ၸွမ်သိုၵ်း ၸူဝ်းထုတ်ႉ | |
|---|---|
| ၽွင်းလူင် ထၢၼ်ၽွင်းလူင် ၵၢၼ်ၼႂ်းမိူင်း | |
|
တိုၵ်ႉႁၢပ်ႇၵၢၼ်ဝႆႉ | |
|
တႄႇႁၢပ်ႇပုၼ်ႈၽွၼ်း 2020 ၾႅပ်ႇဝႃႇရီႇ 10 | |
| ၸဝ်ႈၸွမ်ၸိုင်ႈ |
ဢူးဝိၼ်းမျိၼ်ႉ ဢူးမျိၼ်ႉသူၺ်ႇ (ၸူဝ်ႈၵႅပ်ႉ) |
| ၵေႃႉဢွၼ်တၢင်း | ၸွမ်သိုၵ်း ၵျေႃႇသူၺ်ႇ |
| ၽွင်းလူင် ထၢၼ်ၽွင်းလူင် ၵၢၼ်လုမ်းလူင်ပွင်ၸိုင်ႈမိူင်းႁူမ်ႈတုမ် | |
|
တိုၵ်ႉႁၢပ်ႇၵၢၼ်ဝႆႉ | |
|
တႄႇႁၢပ်ႇပုၼ်ႈၽွၼ်း 2021 ၾႅပ်ႇဝႃႇရီႇ 1 | |
| ၵေႃႉဢွၼ်တၢင်း | ဢူးမိၼ်းတူႇ |
| ၶေႃႈမုၼ်း ပိုၼ်းၵႅပ်ႈ | |
| ၵိူတ်ႇႁၼ်ၼႃႈ |
မၢတ်ႉၶျ် 29၊ 1960 ဝဵင်းတႃႈလိူဝ်ႇ |
| ၶိူဝ်းၵူၼ်း | မျၢၼ်ႇမႃႇ |
ၸွမ်သိုၵ်းၸူဝ်းထုတ်ႉ ၼႆႉ ပဵၼ်လုၵ်ႈၸၢႆး ၵႅမ်ၸွမ်ႁၢၼ်လုၼ်းမွင်ႇ ဢၼ်ပဵၼ်ၽွင်းလူင်လုမ်းၸွမ်ၽွင်းလူင် ဢၼ်လႆႈ သဵင်ႈၵႂႃႇ မိူဝ်ႈပဵၼ် လွင်ႈႁိူဝ်းမိၼ်မႅင်းမီႈ ၸွမ်သိုၵ်းလူင်တိၼ်ႇဢူး ၽူႈၼမ်းၼႂ်း (2) လုတူၵ်း မိူဝ်ႈပီ 2001 ၼၼ်ႉယဝ်ႉ။[1]
ပဵၼ်ၵူၼ်းလူင်း ၵၢၼ်သွၼ်သိုၵ်း ၸုပ်ႈ 64 (OTS - 64) သေ လႆႈႁၢပ်ႇၵၢၼ်မႃး တီႈ ငဝ်ႈငုၼ်းတိူင်းသိုၵ်း ပွတ်းဢွၵ်ႇ လႄႈ ငဝ်ႈငုၼ်းတိူင်းသိုၵ်း ပွတ်းၵၢင် လႄႈသင်၊ လႆႈႁၢပ်ႇၵၢၼ် ႁူဝ်ၼႃႈၵၢၼ် ပၵ်းပိူင်မၢႆမီႈသိုၵ်း ၸၵႂႃႇၸိူဝ်းၼႆႉယဝ်ႉ။ တႄႇဢဝ် ပီ 2016 မႃးသေ လႆႈသိုပ်ႇႁၢပ်ႇၵၢၼ် ႁူဝ်ၼႃႈၸုမ်းၽႅၼ်သိုၵ်းၶိုၵ်ႉတွၼ်း မၢႆ (6) လုမ်းၽူႈပွင်ၵၢၼ်သိုၵ်း (ၵွင်း) လႄႈ ၸွမ်ပွင်ၵၢၼ် ၽၢႆႇႁူမ်ႇလူမ်ႈ ၵၢၼ်သိုၵ်းတပ်ႉမတေႃႇ ၼၼ်ႉယဝ်ႉ။[1]
ႁၢပ်ႇၵၢၼ် ၽွင်းလူင် မႄးထတ်း
ဝၢႆးသေ ၸွမ်သိုၵ်း ၵျေႃႇသူၺ်ႇ လိုဝ်ႈၵၢၼ်ၵႂႃႇယဝ်ႉ ၸွမ်ပွင်ၵၢၼ်သိုၵ်းတပ်ႉမတေႃႇ လႆႈတၢင်ႇၸိုဝ်ႈဝႃႈ ၶႂ်ႈဢဝ် ၸွမ်သိုၵ်းၸူဝ်းထုတ်ႉ တၢင်ႇပဵၼ်ၽွင်းလူင်ၼႆလႄႈ ဢဝ်တင်း ၶေႃႈၽွမ်ႉၸႂ် သၽႃးမိူင်းႁူမ်ႈတုမ်သေ ၸွမ်ပွင်ၸိုင်ႈ လႆႈယိုၼ်ႈဢၢပ်ႈတႃႈၶုၼ်မႃး မိူဝ်ႈပီ 2020 ၾႅပ်ႇဝႃႇရီႇ 10 ဝၼ်းၼၼ်ႉယဝ်ႉ။[2]
ဝၢႆးသေ တပ်ႉမတေႃႇ သိမ်းဢဝ် ဢၢမ်းၼၢတ်ႈ မိူဝ်ႈ ပီ 2021 ၾႅပ်ႇဝႃႇရီႇ 1 ဝၼ်း ၼၼ်ႉယဝ်ႉသေ လႆႈပၼ်ပုၼ်ႈၽွၼ်း ၸွမ်သိုၵ်းၸူဝ်းထုတ်ႉ ပဵၼ် ၽွင်းလူင်မိူင်းႁူမ်ႈတုမ် တႃႇ ထၢၼ်ၽွင်းလူင် ၵၢၼ်ၼႂ်းမိူင်း လႄႈ ထၢၼ်ၽွင်းလူင် လုမ်းလူင်ပွင်ၸိုင်ႈမိူင်းႁူမ်ႈတုမ်ယဝ်ႉ။