ၵွင်းမူးလူင်ၶုၼ်တိုင်ၶမ်း

ၵွင်းမူးလူင်ၶုၼ်တိုင်ၶမ်း (မၢၼ်ႈ: ကောင်မူးလုန်ရွှေဆတ်မင်းစေတီတော်)ၼႆႉ မီးဝႆႉတီႈ တီႈထုင်ႉၶမ်းတီးလူင် (ၽၢႆႇႁွင်ႇ ၸႄႈဝဵင်းမၢၵ်ႇၸၢင်းပေႃး၊ တီႈၼိူဝ်ၽင်ႇၼမ်ႉၵဵဝ်ၽၢႆႇဢွၵ်ႇ ဢၼ်မီးၽၢႆႇဢွၵ်ႇ ဝဵင်းပူႇတႂ်းယၢၼ် သိပ်းလၵ်း၊ ၵႆယၢၼ် ဝဵင်းမၢၵ်ႇၸၢင်းပေႃး 12 လၵ်း)၊ တီႈ ၸႄႈမိူင်းၶၢင် ဢၼ်မီးပွတ်းႁွင်ႇမိူင်းမျၢၼ်ႇမႃႇ သုတ်းသုတ်းၼၼ်ႉယဝ်ႉ။

မိူဝ်ႈၽြႃးပဵၼ်ၸဝ်ႈ ထႅမ်သၢင်ႈပႃႇရမီႇ လၢႆၸၢတ်ႈလၢႆပၢၼ်သေ ၽွင်းပဵၼ် ၶုၼ်တိုင်ၶမ်းၼၼ်ႉ လႆႈမႃးယူႇသဝ်းတီႈၼႆႈယဝ်ႉ။ ၽိူဝ်ႇၶုၼ်တိုင်ၶမ်း လႆႈသဵင်ႈၵၢမ်ႇၵႂႃႇ ဢၼ်ပဵၼ်တူဝ်မၼ်းၼၼ်ႉ ၵိုတ်းဝႆႉတီႈ ၼိူဝ် ၵွင်းႁၢင်းသႃႇ (ငွၼ်ပိတ်း) ၼၼ်ႉယဝ်ႉ။ ယွၼ်ႉပိူဝ်ႈဝႃႈ ပဵၼ်ဢွင်ႈတီႈဢၼ်ၶၢပ်ႈတူဝ် လုပ်ႇၸဝ်ႈဢလွင်ႈၽြႃးပဵၼ်ၸဝ်ႈၵိုတ်းဝႆႉလႄႈ ၶုၼ်သီရိထမ်မႃသေႃၵ ၼႆႉ ၸင်ႇဢဝ် ၸဝ်ႈရႁၢၼ်းတႃႇ ယသတိꧢမထေရ် ဢွၼ်ႁူဝ်ၼၢမ်းၼႃးသေ လႆႈဢဝ်ထၢတ်ႈတေႃႇသၢမ်သူႇ ၽင်သေၵေႃႈ ၵေႃႇတင်ႈမႃးယဝ်ႉ။ ၶုၼ်သီရထမ်မႃသေႃၵၼႆႉ မၼ်းၸဝ်ႈ လႆႈတႄႇတင်ႈၵွင်းမူး 84000 မႃးၵူႈတီႈတီႈၼၼ်ႉ ၵွင်းမူးဢၼ်ၼႆႉၵေႃႈ ၶဝ်ႈပႃးသူႇၼိုင်ႈယဝ်ႉ။

တီႈၵိူတ်ႇတူၽၢႆႇဢွၵ်ႇ ၵွင်းမူးလူင်ၶုၼ်တိုင်ၶမ်းၼၼ်ႉ မီးဝႆႉ ႁူၼ်ႁၢင်ႈ ၽြႃးၵၵုသၢၼ်ႇ၊ ၶုၼ်ၽီမႃတလိ လႄႈ ႁူၼ်ႁၢင်ႈ မၼုꧢီႁယဝ်ႉ။ တီႈၵိူၼ်ႇတီႇၽၢႆႇႁွင်ႇၸမ်ႉ မီး ႁူၼ်ႁၢင်ႈၽြႃးပဵၼ်ၸဝ်ႈ ၽြႃးၵေႃးၼၵုင်ႇ၊ ၶုၼ်ဢိၼ်း လႄႈ ႁူၼ်ႁၢင်ႈၶုၼ်မီယဝ်ႉ။ တီးၵိူၼ်ႇတူၽၢႆႇတူၵ်းၸမ်ႉ မီးႁူၼ်ႁၢင်ႈၽြႃးပဵၼ်ၸဝ်ႈ ၽြႃးၵတ်ႉသပ၊ ၼၢင်းၽီပႂ်ႉၼင်လိၼ်ဝသုၼ်ႇတရေႇ လႄႈ ႁူၼ်ႁၢင်ႈၶုၼ်သၢင်ႇသီႈ ၸိူဝ်းၼႆႉယဝ်ႉ။ တီႈၵိူတ်ႇတီႇ ၽၢႆႇၸၢၼ်းၸမ်ႉ မီးဝႆႉ ႁူၼ်ႁၢင်ႈၽြႃးပဵၼ်ၸဝ်ႈ ၵေႃးတမ၊ ႁူၼ်ႁၢင်ႈၽီလူး လႄႈ ႁူၼ်ႁၢင်ႈၶုၼ်သိူဝ် ယဝ်ႉ။ တီႈၸဵင်ႇၸၢၼ်းဝၼ်းဢွၵ်ႇၼၼ်ႉ မီးၵွင်းမူးၵႅမ် သူႇၼိုင်ႈလႄႈ မီးႁူၼ်ႁၢင်ႈ ၽြႃးပဵၼ်ၸဝ်ႈဢရိမိတ်ႉတေယယဝ်ႉ။