ထၢၼ်ၽွင်းလူင် ၵၢၼ်လုမ်းၸွမ်ၸိုင်ႈ
ထၢၼ်ၽွင်းလူင် ၵၢၼ်လုမ်းၸွမ်ၸိုင်ႈ (ထႅင်ႈလၢႆးၼိုင်ႈ လုမ်းၸွမ်ၸိုင်ႈ မိူင်းႁူမ်ႈတုမ်မိူင်းမျၢၼ်ႇမႃႇ၊ ဢိင်းၵလဵတ်ႈ: Office of the President of the Republic of the Union of Myanmar) ၼႆႉ ပဵၼ် လုမ်း ၸဝ်ႈၸွမ်ၸိုင်ႈ ႁၢပ်ႇၵၢၼ် တီႈ ထၢၼ်ၽွင်းလူင်ၼၼ်ႉယဝ်ႉ။
ၸုမ်းလူင်ပွင်ၸိုင်ႈ  မျၢၼ်ႇမႃႇ | |
|---|---|
| လုမ်းၸွမ်ၸိုင်ႈ | |
 | |
.jpg) ၽွင်းလူင်မိူင်းႁူမ်ႈတုမ် | |
| ပိုၼ်းၵႅပ်ႈ ၸုမ်းလူင်ပွင်ၸိုင်ႈ | |
| မဵဝ်းၸုမ်း | ထၢၼ်ၽွင်းလူင် |
| ငဝ်ႈၸိုင်ႈ | ၼေႇပျီႇတေႃႇ |
| ၽွင်းလူင်ၶဝ် | ဢွင်ႇသၢၼ်းၸုၵျီႇ |
| ဝႅပ်ႉသၢႆႉ |
www |
ပိုၼ်း
မႄးထတ်းလႆႈတႄႇၽွတ်ႈႁႅၼ်း မိူဝ်ႈပီ 2011 ၽွင်းလုၵ်ႉဢဝ် လူင်ပွင်ၸိုင်ႈသိုၵ်း လႅၵ်ႈလၢႆႈပဵၼ် လွင်ႈဢုပ်ႉပိူင်ႇတီႇမူဝ်ႇၶရေႇၸီႇၼၼ်ႉယဝ်ႉ။ တွၼ်ႈတႃႇႁဵတ်းသၢင်ႈ ၵၢၼ်ငၢၼ်းလွင်ႈငမ်းယဵၼ်ၸိုင်ႈမိူင်း၊ တွၼ်ႈတႃႇႁပ်ႉႁွင်းၸတ်းႁဵတ်း ပၢင်ပွႆလဵၼ်ႈႁႅင်း ဢေးသျႃးၸဵင်ႇၸၢၼ်းဝၼ်းဢွၵ်ႇ 2013 လႄႈ တွၼ်ႈတႃႇ ႁပ်ႉႁွင်းၸတ်းႁဵတ်း ပၢင်ၵုမ်ထႅၼ်ႈ ဢႃႇၸီႇယႅၼ်ႇ 2014 ၼၼ်ႉသေ ပီ 2012၊ သႅပ်ႇထႅမ်ႇပႃႇ 4 ၼၼ်ႉ ဢဝ် ထၢၼ်ၽွင်းလူင် ၵၢၼ်လုမ်းၸွမ်ၸိုင်ႈၼႆႉ လႆႈၶႂၢၵ်ႈႁဵတ်းပဵၼ် ထၢၼ်ၽွင်းလူင် 6 ဢၼ်ယဝ်ႉ။[1] ပီ 2013၊ ၸၼ်ႇဝႃႇရီႇ 9 ဝၼ်းၼၼ်ႉ ၸဝ်ႈၸွမ်ၸိုင်ႈဢူးတဵင်းၸဵင်ႇ ဢဝ် ဢူးယႄးထုတ်ႉ ဢၼ်ပဵၼ် ၵႅမ်ၽွင်းလူင်တီႈ ထၢၼ်ၽွင်းလူင် ၵၢၼ်ပိုၼ်ၽၢဝ်ႇၼၼ်ႉ ပၼ်ၵၢၼ်ပဵၼ် ၽူႈမီးသုၼ်ႇလၢတ်ႈ ႁင်း လုမ်းၸွမ်ၸိုင်ႈ ၵေႃႉဢွၼ်တၢင်းသုတ်းယဝ်ႉ။[2] ဝၢႆးသေၼၼ်ႉ ဢူးၸေႃႇထေး ၶုၼ်ပွင်ၵၢၼ်လုမ်းၸွမ်ၸိုင်ႈ လႆႈသိုပ်ႇဢဝ်ပုၼ်ႈၽွၼ်းမႃးယဝ်ႉ။ ထိုင်ပၢၼ် ၸဝ်ႈၸွမ်ၸိုင်ႈ ဢူးထိၼ်ႇၵျေႃႇၼၼ်ႉ လႆႈယွၼ်ႇယွမ်းပဵၼ် ထၢၼ်ၽွင်းလူင်ဢၼ်လဵဝ်ၵူၺ်းသေ တေႃႇဢွင်ႇသၢၼ်းၸုၵျီႇ လႆႈပဵၼ် ၽွင်းလူင်မႃးယဝ်ႉ။
ပိူင်ၽွတ်ႈႁႅၼ်း
မႄးထတ်း- ၸုမ်းလုမ်းၽွင်းလူင်မိူင်းႁူမ်ႈတုမ်
- လုမ်းၸဝ်ႈၸွမ်ၸိုင်ႈၵွၼ်း
- လုမ်းၵႅမ်ၸွမ်ၸိုင်ႈ (1) ၵွၼ်း
- လုမ်းၵႅမ်ၸွမ်ၸိုင်ႈ (2) ၵွၼ်း
- ႁွင်ႈၵၢၼ်လူင်ပၢႆးမိူင်း လႄႈ ပၢႆးႁူမ်ႇလူမ်ႈ
- ႁွင်ႈၵၢၼ်လူင်ပၢႆးမၢၵ်ႈမီး
- ႁွင်ႈၵၢၼ်လူင် လွင်ႈၵူၼ်း လႄႈ ၾိင်ႈငႄႈ
- ႁွင်ႈၵၢၼ်လူင် ၵၢၼ်တမ်းၽႅၼ် လႄႈ ၵၢၼ်ငိုၼ်းတွင်း
- ႁွင်ႈၵၢၼ်လူင် ႁိူၼ်းၵႅဝ်ႈ
- ႁွင်ႈၵၢၼ်လူင် ၸဝ်ႈၼႃႈတီႈၽၢႆႇႁူမ်ႇလူမ်ႈ
- ႁွင်ႈၵၢၼ်လူင် ၽၢႆႇၶူၼ်ႉၶႂႃႉ၊ ၽၢႆႇပိုၼ်ၶၢဝ်ႇ လႄႈ ၽၢႆႇလိူၵ်ႈတိူင်ႇ[3]
ၽူႈၵိူဝ်းၵုမ် ၸဝ်ႈၸွမ်ၸိုင်ႈ (2011-2016)
မႄးထတ်းမိူဝ်ႈပၢၼ် ၸဝ်ႈၸွမ်ၸိုင်ႈ ဢူးတဵင်းၸဵင်ႇၼၼ်ႉ လႆႈပၼ်ၵၢၼ် ၽူႈၵိူဝ်းၵုမ်ၽၢႆ ပၢႆးမၢၵ်ႈမီး၊ ၽၢႆႇသႃႇသၼႃႇ၊ ၽၢႆႇၾိင်ႈမိူင်း၊ ၽၢႆႇပၢႆးပႆႇၺႃႇ ၸိူဝ်းၼႆႉယဝ်ႉ။ မိူဝ်ႈပီ 2011၊ ဢႄႇပရႄႇ 19 ဝၼ်းၼၼ်ႉ လႆႈပၼ်ၵၢၼ် ၵူၼ်း 9 ၵေႃႉ[4] ၸိူဝ်းပဵၼ်ၽူႈၶဝ်ႈၸုမ်းၵိူဝ်းၵုမ် ၸဝ်ႈၸွမ်ၸိုင်ႈ ၼၼ်ႉယဝ်ႉ။[5]
ပီ 2014 ၵျုၼ်ႇ 18 ၼၼ်ႉ လႆႈဢဝ် ဢူးမျိၼ်ႉမွင်ႇ လႄႈ ဢူးၸဵင်ႇဝိၼ်းဢွင်ႇၶဝ် ပၼ်ၵၢၼ်ပဵၼ် ၽူႈၵိူဝ်းၵုမ် ၵဵဝ်ႇလူၺ်ႈလွင်ႈၵၢၼ်သႃႇသၼႃႇယူႇယဝ်ႉ။[6][7][8]
ၽူႈၵိူဝ်းၵုမ်ၸဝ်ႈၸွမ်ၸိုင်ႈ တေႃႇထိုင် ပီ 2014 ၼႆႉ ပဵၼ်ၼင်ႇၸိူဝ်းၽၢႆႇတႂ်ႈၼႆႉယဝ်ႉ။
- ပၢႆးမိူင်း: ဢူးၵူဝ်ႇၵူဝ်ႇလႅင်ႇ[9]
- ပၢႆးမၢၵ်ႈမီး: ဢူးမျိၼ်ႉ[9]
- ၾိင်ႈမိူင်း: ဢူးၸိတ်ႉဢေး[9]
- ၽၢႆႇသႃႇသၼႃႇ: ဢူးမျိၼ်ႉမွင်ႇ[7]
- ပၢႆးပႆႇၺႃႇ: တေႃႇယိၼ်ႇယိၼ်ႇၼွႆႇ[7]
ၽိုၼ်ဢိင်
မႄးထတ်း- ↑ Nyein Nyein။ "Four New Ministries Created in President’s Office"၊ The Irrawaddy၊ 4 September 2012။
- ↑ "Burma President’s Office Appoints First Spokesperson"၊ The Irrawaddy၊ 9 January 2013။
- ↑ "နိုင်ငံတော်သမ္မတရုံးဝန်ကြီးဌာန"၊ National Web Portal။[ႁဵင်းၵွင်ႉဢၼ်တၢႆႇ]
- ↑ "Myanmar president pledges to work for best of nation with advisory board"၊ CCTV၊ 5 April 2011။ Archived from the original on 7 July 2015။
- ↑ Notification No. 53/2013. Republic of the Union of Myanmar President Office (7 August 2013).
- ↑ Mathieson၊ David Scott။ "Burma: the Clash of Church, State, and Society"၊ Human Rights Watch၊ 9 July 2014။
- ↑ 7.0 7.1 7.2 Notification (No. 40/2014). Republic of the Union of Myanmar Union Government (18 June 2014).
- ↑ Kyaw Hsu Mon။ "Burmese President Appoints New Religious Advisors"၊ The Irrawaddy၊ 19 June 2014။
- ↑ 9.0 9.1 9.2 "Advisory Board"၊ Alternative Asean Network on Burma၊ 9 September 2013။ Archived from the original on 5 December 2014။