ႁူင်းႁေႃဝဵင်းလူင်တႃႈၵုင်ႈ ၼႆႉ မီးဝႆႉတီႈ ဝဵင်းတႃႈၵုင်ႈ၊ ၸႄႈတိူင်းတႃႈၵုင်ႈ ၼၼ်ႉယဝ်ႉ။ ပဵၼ် ယူင်ႈသၢင်ႈ ဢၼ်ၶဝ်ႈပႃးၼႂ်းသဵၼ်ႈမၢႆ ၵိုၵ်းပိုၼ်းမိူဝ်ႈၵွၼ်ႇ ဢၼ်ၼိုင်ႈယဝ်ႉ။ ပဵၼ်ဢွင်ႈတီႈ ပၵ်းလုမ်း ၵေႃႇမတီႇ ဝဵင်းမူၼ်းၵူၼ်းၵိုၼ်း ၸႄႈလူင်တႃႈၵုင်ႈ ၵေႃႈၸႂ်ႈယဝ်ႉ။ ႁူင်းႁေႃလူင်ဝဵင်းတႃႈၵုင်ႈၼႆႉ ၵေႃႉဢၼ်ပဵၼ် မေႃမိုဝ်းလူင်မၢၼ်ႈ ၸီႇတူႇဢူးတိၼ်ႇ လႆႈၸၼ်ႁၢင်ႈၽၢင်မၼ်းသေ ၵေႃႇသၢင်ႈမႃးယဝ်ႉ။ လႆႈတႄႇၵေႃႇသၢင်ႈမႃး မိူဝ်ႈပီ 1926 သေ လႆႈယဝ်ႉတူဝ်ႈ ပီ 1936 လိူၼ်မေႇ[1] ၼၼ်ႉယဝ်ႉ။ မိူဝ်ႈၵွၼ်ႇတႄႉ ႁွင်ႉဝႃႈ ယူင်ႉသၢင်ႈ ၵေႃႇပူဝ်ႇရေးသျိၼ်း ယၢၼ်ႇၵူင်ႇမျူႇၼီႇၸီႇပႄႇ ၼႆသေ ၸိူဝ်းပဵၼ် ၽူႈၼၢမ်း ၵေႃႇပူဝ်ႇရေးသျိၼ်းၼၼ်ႉ တႄႇဢဝ် ပီ 1934 မႃး ႁွင်ႉဝႃႈ ပဵၼ် ၶုၼ်ၽွင်းဝဵင်း (မြို့တော်ဝန်) ၼႆယဝ်ႉ။
တွၼ်ႈတႃႇ ၵေႃႇသၢင်ႈ ႁူင်းႁေႃဝဵင်းလူင်တႃႈၵုင်ႈ ဢၼ်မီးတီႈ ၽၢႆႇၼႃႈ သူၼ်မွၵ်ႇ မႁႃႇပၼ်ႇတုလ ၼၼ်ႉ လႆႈတႅပ်းတတ်းမႃးတီႈႈ ပၢင်ၵုမ်မျူႇၼီႇၸီႇပႄႇ ဢၼ်ႁဵတ်းတီႈ ရိတ်ႉပုၼ်ႇႁေႃး မိူဝ်ဝၼ်းထ 1928 ဢွၵ်ႇထူဝ်ႇပႃႇ 9 ဝၼ်းၼၼ်ႉယဝ်ႉ။ ၵေႃႇမသျိၼ်ႇၼႃႇ လႆႈဢဝ် ၽၢင်ႁၢင်ႈ ၶွင် ဢိၼ်ႇၵျီႇၼီႇယႃႇꧤရေး သေၼႄမႃးသေတႃႉ ယွၼ်ႉပိူဝ်ႈဝႃး မၼ်းဢမ်ႇဢွၵ်ႇ ၽၢင်ႈႁၢင်ႈမၢၼ်ႈလႄႈ ဢူးꧤႃႉꧤေ လႆႈသၢၼ်ၶတ်းမႃးယဝ်ႉ။ ဝၢႆးသေၼၼ်ႉ တီႈပၢင်ၵုမ် ဢၼ်ႁဵတ်းမႃး မိူဝ်ႈပီ 1929 ၼူဝ်ႇဝႅမ်ႇပႃႇ 5 ဝၼ်းၼၼ်ႉ လႆႈပၼ်ပုၼ်ႈၽွၼ်း ဢိၼ်ႇၵျိၼ်ႇၼီႇယႃႇ ၸီႇတူႇ ဢူးတိၼ်ႇ ႁႂ်ႈၼပ်ႉတႂၢၵ်ႈၸၼ်ၽၢင်ႁၢင်သေ တၢင်ႇၼႄ ၼႆယဝ်ႉ။ လႆႈၽွမ်ႉၸႂ်သေ လႆႈတႄႇၵေႃႇသၢင်ႈမႃး မိူဝ်ႈ ပီ 1934 လိူၼ်ဢေႇပရႄႇ ၼၼ်ႉယဝ်ႉ။[1]
 ရန်ကုန်မြို့တော်ခန်းမ | ရန်ကုန်မြို့တော်ခန်းမ |
 ႁူင်းႁေႃဝဵင်းလူင်တႃႈၵုင်ႈ မိူဝ်ႈပီ 1945 ဝၢႆး သိုၵ်းၵမ်ႇၽႃႇပွၵ်ႈသွင်ယဝ်ႉ | ႁူင်းႁေႃဝဵင်းလူင်တႃႈၵုင်ႈ မိူဝ်ႈပီ 1945 ဝၢႆး သိုၵ်းၵမ်ႇၽႃႇပွၵ်ႈသွင်ယဝ်ႉ |
 ႁူင်းႁေႃဝဵင်းလူင်တႃႈၵုင်ႈ (2012) | ႁူင်းႁေႃဝဵင်းလူင်တႃႈၵုင်ႈ (2012) |
|
- ↑ 1.0 1.1 တင်နိုင်တိုး (ဒီဇင်ဘာ ၂၀၁၃). မြန်မာပြည်တစ်ခွင် လမ်းညွှန်. မဇ္ဈိမစာပေ, ၁၃.
.jpg)
