ၻွႃရပႃလၵဝိမႃၼဝတ်ထု၊ ၶုၼ်ၽီ ဢၼ်ဢဝ်သူပ်းလၢတ်ႈ ပၼ်တီႈယူႇရႁၢၼ်း

5 - ၻွႃရပႃလၵဝိမႃၼဝတ်ထု၊ ၶုၼ်ၽီ ဢၼ်ဢဝ်သူပ်းလၢတ်ႈ ပၼ်တီႈယူႇရႁၢၼ်း မႄးထတ်း

ၶုၼ်ၽီ မိူဝ်ႈပဵၼ်ၵူၼ်းၼၼ်ႉ လႆႈဢဝ်ၸႂ် ၽိူၵ်ႇၸိုၼ်ႈၶၢဝ်သႂ်သေ လဝ်ႈလၢတ်ႈဝႃႈ “ယူႇသဝ်းတီႈၼႆႈၶႃႈလႄႈ” ၼႆလႄႈ တမ်ႈတီႈ မိူင်းၽီၼၼ်ႉ လႆႈၵႂႃႇမီးႁၢင်ႈႁေႃဝိမၢၼ်ႇ ဢၼ်သဝ်မၼ်း ပဵၼ်သႅင်လႅင်၊ ႁေႃပြသၢတ်ႈ ဢၼ်သဝ်မၼ်းပဵၼ် ပတ်းလမ်

  • 918။ ႁေႃဝိမၢၼ်ႇ ဢၼ်ပဵၼ်သဝ်သႅင်လႅင်ၼႆႉ သုင်တႄႉယဝ်ႉ။ တၢင်းသုင်မၼ်း မီးသီပ်းသွင်ယူႇၸၼႃႇယဝ်ႉ။ ႁေႃပြသၢတ်ႈပၢႆလႅမ် ၵႂၢင်ႈၵူင်လူင် ၸဵတ်းပၢၵ်ႇလင် ဢၼ်ဢဝ်ပတ်းလမ် ႁဵတ်းပဵၼ်သဝ်မၼ်းၼၼ်ႉ ပိုၼ်ႉသိူဝ်ႇမၼ်း ဢဝ်ၶႅပ်းၶမ်း သိူဝ်ႇဝႆႉလႄႈ ၶိုၵ်ႉလိုၵ်ႉတႄႉတႄႉ။
  • 919။ (မႂ်းၶုၼ်ၽီၸမ်ႉ) ယူႇသဝ်း တမ်ႈတီႈ ႁေႃဝိမၢၼ်ႇၼၼ်ႉသေ သူတ်ႉၵေႃႈသူတ်ႉ ၵိၼ်ၵေႃႈ ၵိၼ်ယဝ်ႉ။ သဵင်တိင်ႇၽီၶဝ်ၵေႃႈ ဢူၼ်ႈဢွၼ်ႇ လီထွမ်ႇတႄႉယဝ်ႉ။ တမ်ႈတီႈ ႁေႃဝိမၢၼ်ႇၼႆႉ ၵႃႇမၵုင်ႇႁႃႈပိူင် ၸီးၸိမ်ႇၽီ မီးဝႆႉ တဵမ်ထူၼ်ႈယဝ်ႉ။ ၸိူဝ်းၶဝ်ၼၢင်းၽီဢွၼ်ႇ ဢၼ်ဢဝ် တၼ်းသႃႇၶမ်း ႁၢင်ႈၶိူင်ႈဝႆႉၼၼ်ႉၵေႃႈ ၵႃႈမူၼ်ႈယူႇယဝ်ႉ။
  • 920-1။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေ လႆႈမႃးမီး ဢူငဝ်းၼင်ႇၼႆၼေႃး။ ပ ။ ဢူငဝ်းမႂ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇၼေႃး။ (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
  • 922။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
  • 923။ ဢႃႇယုၽီၶႃႈႁဝ်းၼႆႉ ပဵၼ်ႁဵင်ပီယဝ်ႉ။ ၶႃႈႁဝ်းၼႆႉ မိူဝ်ႈၸၢတ်ႈၵွၼ်ႇၼၼ်ႉ ၶႃႈယၢမ်ႈဢဝ် ၶေႃႈၵႂၢမ်း သေ လၢတ်ႈပၼ်ၸဝ်ႈရႁၢၼ်းဝႃႈ “ၼင်ႈတီႈၼႆႈၶႃႈလႄႈ”ၼႆယဝ်ႉ။ (ၸဝ်ႈႁဝ်းၶဝ်ၼႆႉ ႁၵ်ႉသႃ သိၼ်သီႇလယဝ်ႉ။ ထႅမ်သၢင်ႈ ၵၢၼ်လီၵုသူဝ်ႇယဝ်ႉ) ၼႆသေ ဢဝ်ၸႂ် ၼပ်ႉယမ် ၸဝ်ႈၶဝ်ယဝ်ႉ။ ၵွမ်ႉၵူၺ်း (ဢဝ်သူပ်းဢွၼ်ႇဝႃႈ ၸႂ်ဢွၼ်ႇ ၼပ်ႉယမ်)ၼင်ႇၼႆၵူၺ်း ၵေႃႉဢၼ်မီးၵုသူဝ်ႇၼၼ်ႉ တေလႆႈၵႂႃႇႁွတ်ႈမိူင်းၽီ လႆႈမီးၸီးၸိမ်ႇၽီ တဵမ်ထူၼ်ႈယူႇယဝ်ႉ။
  • 924-5။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈလႆႈမႃးမီး ဢူငဝ်းၼင်ႇၼႆယဝ်ႉ။ ပ။ ဢူငဝ်းၶႃႈႁဝ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွၵ်ႇၵႂႃႇၼင်ႇၼႆယဝ်ႉ)။

ၻွႃရပႃႇၵဝိမႃၼဝတ်ထု ႁူဝ်ႁႃႈ သုတ်းယဝ်ႉ။

ၽိုၼ်ဢိင် မႄးထတ်း

  1. ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ ၻွႃရပႃႇၵဝိမႃၼဝတ်ထု