ၻုတိယၼႃၷဝိမႃၼဝတ်ထု၊ ၶုၼ်ၽီသိၼ်မၼ်ႈ လူႇၶဝ်ႈသွမ်း ၼမ်ႉဝၢၼ်

11 - ၻုတိယၼႃၷဝိမႃၼဝတ်ထု၊ ၶုၼ်ၽီသိၼ်မၼ်ႈ လူႇၶဝ်ႈသွမ်း ၼမ်ႉဝၢၼ် မႄးထတ်း

ၶုၼ်ၽီ ဢၼ်ဢမ်ႇဢဝ်တၢႆသၢႆၸႂ်ပိူၼ်ႈ၊ ဢၼ်ဢမ်ႇလၵ်ႉ ၶူဝ်းပိူၼ်ႈ၊ ဢၼ်ဢမ်ႇၵိၼ်လဝ်ႈ၊ ဢၼ်ဢမ်ႇလၢတ်ႈ ပႅတ်ႉလႅၼ်၊ ဢၼ်ငိူင်ႉဝႄႈ ၵႃႇမေႇသုသေ မီးၸႂ်ၽိူၵ်ႇၸိုၼ်ႈၶၢဝ်သႂ် လႆႈလူႇတၢၼ်း ၶဝ်ႈသွမ်းလႄႈ ၼမ်ႉဝၢၼ်မႃး သေ လႆႈၸၢမ်ႇပူၺ်ႈလူၺ်ႈ ၶီႇၸၢင်ႉၽိူၵ်ႇ-

  • 968။ မိူၼ်ၼင်ႇလၢဝ်မႃမွင်း ႁိူဝ်ႈလႅင်း ၵူႈပႃႈၵူႈၽၢႆႇၼၼ်ႉ မႂ်းၶိုၼ်ႈၶီႇၼိူဝ်ၸၢင်ႉၽိူၵ်ႇ ဢၼ်မီးၼၢင်းၽီတင်းၼမ် ဢုမ်ႇလွမ်ႉသေ ႁဵတ်းႁႂ်ႈၵူႈပႃႈၵူႈၽၢႆႇ ႁိူဝ်ႈလႅင်း ဢႅဝ်ႇလႄႇ ထိူၼ်ႇၼိုင်ႈယဝ်ႉထိူၼ်ႇၼိုင်ႈ ယူႇယဝ်ႉ။
  • 969-70။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေ လႆႈမႃးမီး ဢူငဝ်းၼင်ႇၼႆၼေႃး။ ပ ။ ဢူငဝ်းမႂ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇၼေႃး။ (ၼႆ ၸဝ်ႈဝင်ႇၵီႇသ ထၢမ်ၵႂႃႇယဝ်ႉ)။
  • 971။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈၶေႃႈထၢမ် ၸဝ်ႈဝင်ႇၵီႇသၵႂႃႇယဝ်ႉ။
  • 972။ မိူဝ်ႈၶႃႈတပႄး ပဵၼ်ၵူၼ်းတီႈမိူင်းၵူၼ်းၼၼ်ႉ ပဵၼ်ဢုပႃႇသၵႃႇ တပႄးမုၼ်ၶမ်းၽြႃး ဢၼ်မီး ဢၼ်မီး ၸၵ်ႉၶုႁႃႈပိူင်ၼၼ်ႉယဝ်ႉ။ ငိူင်ႉဝႄႈ လွင်ႈဢဝ်တၢႆပိူၼ်ႈယဝ်ႉ။ ငိူင်ႉဝႄႈ လွင်ႈလၵ်ႉဢဝ် ၶူဝ်းဢၼ်ၸဝ်ႈပိူၼ်ႈ ဢမ်ႇပၼ် ၼၼ်ႉယဝ်ႉ။
  • 973။ လဝ်ႈၵေႃႈ ဢမ်ႇၵိၼ်မႃး။ ၵႂၢမ်းဢမ်ႇမၢၼ်ႇမႅၼ်ႈၵေႃႈ ဢမ်ႇလၢတ်ႈ။ ၵူၺ်းႁၢၼ်ႉၸႂ်လူၺ်ႈၸွမ်း မေး ၸဝ်ႈၵဝ်ႇၵူၺ်း။ မီးၸႂ်ၽိူၵ်ႇၸိုၼ်ႈၶၢဝ်သႂ်သေ ၶဝ်ႈသွမ်းလႄႈသင် ၼမ်ႉၸဵမ်းၼမ်ႉဝၢၼ်လႄႈသင် တၢင်းလူႇတၢင်ႇ ပိူင်လႄႈသင် လူႇတၢၼ်းၵႂႃႇ ၼပ်ႉၼပ်ႉယမ်ယမ်တီႈၶႃႈယဝ်ႉ။
  • 974-5။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈလႆႈမႃးမီး ဢူငဝ်းၼင်ႇၼႆယဝ်ႉ။ ပ။ ဢူငဝ်းၶႃႈႁဝ်း ၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွပ်ႇၵႂႃႇၼင်ႇၼႆယဝ်ႉ)။

ၻုတိယၼႃၷဝိမႃၼဝတ်ထု ႁူဝ်သိပ်းဢဵတ်း သုတ်းယဝ်ႉ။

ၽိုၼ်ဢိင် မႄးထတ်း

  1. ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ ၻုတိယၼႃၷဝိမႃၼဝတ်ထု