ၻုတိယၵရၼီယဝိမႃၼဝတ်ထု၊ ၶုၼ်ၽီ ဢၼ်ၼပ်ႉယမ် ၸဝ်ႈရႁၢၼ်း

7 - ၻုတိယၵရၼီယဝိမႃၼဝတ်ထု၊ ၶုၼ်ၽီ ဢၼ်ၼပ်ႉယမ် ၸဝ်ႈရႁၢၼ်း မႄးထတ်း

လွင်ႈၶုၼ်ၽီပႃးၼိုင်ႈ မီးၸႂ်သတ်ႉထႃႇ ၼပ်ႉယမ် ၸဝ်ႈရႁၢၼ်းပႃးၼိုင်ႈ လႆႈႁဵတ်းၵၢၼ်တႃႇၼလႄႈ လႆႈၵႂႃႇ ၸၢမ်ႇပူၺ်ႈ ႁေႃပြသၢတ်ႈ ၸဵတ်းပၢၵ်ႇ ၸိူင်ႉၼင်ႇ ၶုၼ်ၽီပႃႈၼႃႈၼၼ်ႉ-

  • 935။ ႁေႃဝိမၢၼ်ႇ ဢၼ်ပဵၼ်သဝ်သႅင်လႅင်ၼႆႉ သုင်တႄႉယဝ်ႉ။ တၢင်းသုင်မၼ်း မီးသီပ်းသွင်ယူႇၸၼႃႇယဝ်ႉ။ ႁေႃပြသၢတ်ႈပၢႆလႅမ် ၵႂၢင်ႈၵူင်လူင် ၸဵတ်းပၢၵ်ႇလင် ဢၼ်ဢဝ်ပတ်းလမ် ႁဵတ်းပဵၼ်သဝ်မၼ်းၼၼ်ႉ ပိုၼ်ႉသိူဝ်ႇမၼ်း ဢဝ်ၶႅပ်းၶမ်း သိူဝ်ႇဝႆႉလႄႈ ၶိုၵ်ႉလိုၵ်ႉတႄႉတႄႉ။
  • 936။ (မႂ်းၶုၼ်ၽီၸမ်ႉ) ယူႇသဝ်း တမ်ႈတီႈ ႁေႃဝိမၢၼ်ႇၼၼ်ႉသေ သူတ်ႉၵေႃႈ သူတ်ႉ ၵိၼ်ၵေႃႈ ၵိၼ်ယဝ်ႉ။ သဵင်တိင်ႇၽီၶဝ်ၵေႃႈ ဢူၼ်ႈဢွၼ်ႇ လီထွမ်ႇတႄႉယဝ်ႉ။ တမ်ႈတီႈ ႁေႃဝိမၢၼ်ႇၼႆႉ ၵႃႇမၵုင်ႇႁႃႈပိူင် ၸီးၸိမ်ႇၽီ မီးဝႆႉ တဵမ်ထူၼ်ႈယဝ်ႉ။ ၸိူဝ်းၶဝ်ၼၢင်းၽီဢွၼ်ႇ ဢၼ်ဢဝ် တၼ်းသႃႇၶမ်း ႁၢင်ႈၶိူင်ႈဝႆႉၼၼ်ႉၵေႃႈ ၵႃႈမူၼ်ႈယူႇယဝ်ႉ။
  • 937-8။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေ လႆႈမႃးမီး ဢူငဝ်းၼင်ႇၼႆၼေႃး။ ပ ။ ဢူငဝ်းမႂ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇၼေႃး။ (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
  • 939။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
  • 940။ ၽူႈမီးပၺ်ႇၺႃႇ ဢၼ်မေႃႁူႉဝႃႈ ပုၼ်ႈၸဝ်ႈၵဝ်ႇ မီးၽွၼ်းလီ ဢမ်ႇမီးၽွၼ်းလီၼၼ်ႉ ၵိုင်ႇလီႁဵတ်း (ၸိူဝ်းတႃႇၼ)ၵုသူဝ်ႇတၢင်းလီပၼ် တမ်ႈတီႈ မုၼ်ၶမ်းၽြႃး ဢၼ်မီးတၢင်းတိုဝ်းၵမ်လီၼၼ်ႉယဝ်ႉ။ တၢင်းလူႇ ဢၼ်လူႇ ထိုင်တီႈ မုၼ်ၶမ်းၽြႃးၼၼ်ႉ ၽွၼ်းလီမၼ်း ယႂ်ႇမျၢတ်ႈတႄႉယဝ်ႉ။
  • 941။ ပုၼ်ႈတႃႇ ၽွၼ်းပၢင်ႈ ၶႃႈတပႄးသေ ၸဝ်ႈရႁၢၼ်းၼႆႉ လုၵ်ႉတီႈၵျွင်းၸေႇတၼဝၼ်ႇသေ ႁွတ်ႈမႃး ထိုင် မိူင်းသႃႇဝတ်ႉထိယဝ်ႉ။ ၶႃႈတပႄးၼႆႉ ယွၼ်ႉပိူဝ်ႈ ၸႂ်ၼပ်ႉယမ် ၸဝ်ႈရႁၢၼ်းၼၼ်ႉသေ လႆႈၵႂႃႇႁွတ်ႈထိုင် မိူင်းၽီ ယူႇယဝ်ႉ။
  • 942-3။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈလႆႈမႃးမီး ဢူငဝ်းၼင်ႇၼႆယဝ်ႉ။ ပ။ ဢူငဝ်းၶႃႈႁဝ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွၵ်ႇၵႂႃႇၼင်ႇၼႆယဝ်ႉ)။

ၻုတိယၵရၼီယဝိမႃၼဝတ်ထု ႁူဝ်ၸဵတ်း သုတ်းယဝ်ႉ။

ၽိုၼ်ဢိင် မႄးထတ်း

  1. ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ ၻုတိယၵရၼီယဝိမႃၼဝတ်ထု