ၻုတိယဢုပသ်သယၻႃယၵႃဝိမႃၼဝတ်ထု၊ ၶုၼ်ၽီ လူႇၵျွင်း
5 - ၻုတိယဢုပသ်သယၻႃယၵႃဝိမႃၼဝတ်ထု၊ ၶုၼ်ၽီ လူႇၵျွင်း မႄးထတ်း
ၶုၼ်ၽီ မိူဝ်ႈပဵၼ်ၵူၼ်းၼၼ်ႉ တမ်ႈတီႈ ၸဝ်ႈရႁၢၼ်းပႃးၼိုင်ႈ လႆႈႁဵတ်းၵျွင်းလူႇလႄႈသင်၊ လႆႈလူႇတၢၼ်း ၶဝ်ႈသွမ်း၊ ၼမ်ႉဝၢၼ်၊ သၢင်ႇၵၢၼ်းၸိူဝ်းၼႆႉလႄႈ တမ်ႈတီႈ ၼိူဝ်ၵၢင်ႁၢဝ် လႆႈမႃးမီးႁေႃဝိမၢၼ်ႇ ႁိူဝ်ႈႁိူင်းပိူင်းသႂ် မိူၼ်ၼင်ႇၶုၼ်လိူၼ်သေ လႆႈၸၢမ်ႇပူၺ်ႈယူႇ
- 1075။ ၶုၼ်ၽီ ႁေႃဝိမၢၼ်ႇၶုၼ်ဝၼ်းၼၼ်ႉ ႁိူဝ်ႈႁိူင်းၸိုၼ်ႈသႂ် ဢမ်ႇမီးမွၵ်ႇၵုမ်ႈ သုမ်ႇငိုပ်းတၼ်သင်သေ ႁွၼ်ႈယူႇ ၼိူဝ်ၵၢင်ႁၢဝ်ၼင်ႇၼၼ် ႁေႃဝိမၢၼ်ႇမႂ်းၵေႃႈ မီးၼိူဝ်ၵၢင်ႁၢဝ်သေ ႁိူဝ်ႈႁိူင်းပိူင်းသႂ်ဝႆႉယူႇယဝ်ႉ။
- 1076။ မႂ်းၶုၼ်ၽီ ဢၼ်ဢႃႇၼုၽေႃႇ ၽုင်းတၼ်းၶူဝ်းယႂ်ႇဢိူၺ်း မိူဝ်ႈပဵၼ်ၵူၼ်းၼၼ်ႉ လႆႈႁဵတ်း ၵုသူဝ်ႇ လၵ်ႇလၢႆးၼင်ႇႁိုဝ်ၼေႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးဢၼ်လႂ်သေ လႆႈမႃးမီး ဢူငဝ်းႁိူဝ်ႈႁိူင်းပိူင်းသႂ် ၼင်ႇၼႆၼေႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေလႄႈ ဢူငဝ်းမႂ်း ႁိူဝ်ႈႁိူင်းပိူင်းသႂ်ၸွတ်ႇၵႂႃႇ ၵူႈၼႃႈၵူႈၽၢႆႇၼေႃး။ (ၼႆ ၸဝ်ႈ မွၵ်ႉၵလၢၼ်ႇ ထၢမ်ၵႂႃႇယဝ်ႉ)။
- 1077။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈ ၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
- 1078။ ၸဝ်ႈႁဝ်းတီႈၶႃႈ တမ်ႈတီႈမိူင်းၵူၼ်းၼၼ်ႉ ၶႃႈတပႄးလႄႈသင် မေးၶႃႈတပႄးလႄႈသင် လႆႈလူႇ တၢၼ်းပၼ် ၵျွင်းဢွၼ်ႇလင်ၼိုင်ႈ တႃႇၸဝ်ႈရႁၢၼ်း ၽူႈၵိုင်ႇႁပ်ႉတၢင်းပူႇၸေႃႇမူးၸႃးၼၼ်ႉ ၶႃႈဢေႃႈ။ မီးၸႂ်ၽိူၵ်ႇၸိုၼ်ႈၶၢဝ်သႂ်သေ ၶဝ်ႈသွမ်းလႄႈသင်၊ ၼမ်ႉဝၢၼ်လႄႈသင်၊ သၢင်ႇၵၢၼ်းတင်းၼမ်လႄႈသင် လႆႈလူႇမႃး ၼပ်ႉၼပ်ႉယမ်ယမ်ယဝ်ႉ။
- 1079။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇၼၼ်လႄႈ ၶႃႈၸင်ႇမႃးလႆႈ ၵုသူဝ်ႇလၢၵ်ႇလၢႆးၼင်ႇၼႆယဝ်ႉ။ ပ။ ဢူငဝ်းၶႃႈႁဝ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွပ်ႇၵႂႃႇၼင်ႇၼႆယဝ်ႉ)။
ၻုတိယဢုပသ်သယၻႃယၵဝိမႃၼဝတ်ထု ႁူဝ်ႁႃႈ သုတ်းယဝ်ႉ။
ၽိုၼ်ဢိင် မႄးထတ်း
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ ပႃယႃသိဝၷ်၊ ပꩪမဢၷႃရိယဝိမႃၼဝတ်ထု