ၸဝ်ႈသြႃႇလူင်ရႃၸိၼ်တ

ၸဝ်ႈသြႃႇလူင်ရႃၸိၼ်တ (ဢၵ်ႉၵမႁႃႇပၼ်တိတ)
ႁူဝ်ပဝ်ႈလူင် မၢႆ (4)
ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး
ၵျွင်းလူင်မိူင်းၼၢင်း ဝဵင်းၵေးသီး

ၸႃႇတိလႄႈပေႃႈမႄႈ

သြႃႇၸဝ်ႈၼႆႉ ၵိူတ်ႇမႃး မိူဝ်ႈပီၵေႃးၸႃႇ 1293 ၼီႈ၊ လိူၼ် 8 တုတိယမႂ်ႇ 7 ၶမ်ႈ၊ ဝၼ်းပုတ်ႉ၊ တီႈဝၢၼ်ႈလူင် မိူင်းၼၢင်း တူင်ႇဝဵင်းၵျေးသီး။ ပေႃႈမႄႈၸဝ်ႈ ၸိုဝ်ႈဝႃႈ လုင်းသေႃးပီႇတ+ပႃႈႁိုင်းၵျူႇ။ ၸိုဝ်ႈမိူဝ်ႈလဵၵ်ႉႁွင်ႉဝႃႈ ၸၢႆးလႃႉ။

ပဵၼ်သၢင်ႈလႄႈၸၢင်း

မၼ်းၸဝ်ႈ ပဵၼ်သၢင်ႇ မိူဝ်ႈပီ 1304 ၼီႈ။ ပဵၼ်ၸၢင်းမိူဝ်ႈ 1312 ၼီႈ။

ယၢမ်ႈသွၼ်ႁဵၼ်းမႃး

ယၢမ်ႈသွၼ်ႁဵၼ်းမႃးတီႈၵျွင်းလူင် မိူင်းၼၢင်း၊ ဝဵင်းတႃႈလိူဝ်သေ ပီ 1322 ၼီႈၼၼ်ႉ ဢွင်ႇၸၼ်ႉၶူးသွၼ် သႃႇသၼထၸသိရီပဝရထမ်ႇမႃႇၸရိ။ ဝၢႆးဢွင်ႇၸၼ်ႉၶူးယဝ်ႉ ၵႂႃႇၸွႆႈထတ်းပိတၵၢတ်ႈတႆး တႄႇလိူၼ် 12 တေႃႇ လိူၼ်သီႇ။ ပီ 1324 ၼီႈ မႃးၶိုၼ်းတီႈၵျွင်းလူင်မိူင်းၼၢင်းသေ သွၼ်ပၼ်လိၵ်ႈ၊ ဢွၼ်ႁူဝ်ႁဵတ်းပဵၼ်ပၢင် ပွႆးၶူၼ်ႉၶႆႈ/တႅမ်ႈတွပ်ႈလိၵ်ႈၵူႈပီပီယဝ်ႉ။

ၼႃႈၵၢၼ်သႃႇသၼႃႇဢၼ်ၸဝ်ႈႁဵတ်းမႃး

မိူဝ်ႈပီ 1350-ၼီႈ လႆႈပဵၼ် ၽူႈၶဝ်ႈၸုမ်းၽၢႆႇႁၢပ်ႇၵၢၼ် ငဝ်ႈငုၼ်းမုၵ်ႉၸုမ်း လူင်သင်ႇၶႃႇၸိုင်ႈမိူင်း လႄႈ ၽူႈတတ်းသိၼ်ၽၢႆႇသင်ႇၶႃႇၸိုင်ႈမိူင်း၊ ပီ 1352-ၼီႈ လႆႈ ဢၵ်ႉၵမႁႃပၼ်ႇတိတ၊ လႆႈ ပဵၼ်ႁူဝ်ပဝ်ႈလူင် ငဝ်ႈငုၼ်းၸုမ်းလူင်သင်ႇၶႃႇၸိုင်ႈတႆးယဝ်ႉ။

လႆႈႁပ်ႉမိူင်းၾႃႉ၊ ယႃႇမိူင်းလုမ်ႈ

ၸဝ်ႈသြႃႇလူင်ႁဝ်းၼႆႉ လႆႈႁပ်ႉမိူင်းၾႃႉ၊ ယႃႇမိူင်းလုမ်ႈ မိူဝ်ႈပီ 1358-ၼီႈ၊ လိူၼ်ႁူၵ်းလွင်ႈ 14 ၶမ်ႈ၊ ဝၼ်းပုတ်ႉ၊ ယၢမ်းၵၢင်ၼႂ် 11:15 တီႈႁူင်းယႃသင်ႇၶႃႇ ဝဵင်းၵျေးသီး ၼၼ်ႉယဝ်ႉ။

ပပ်ႉမၼ်းၸဝ်ႈတႅမ်ႈဢွၵ်ႇဝႆႉ

1. ၾိင်ႈငႄႈပုတ်ႉထ
2. ၸၼ်ႉသွၼ်ဢၽိထမ်ႇမႃႇ
3. သၢင်ႇတိုဝ်းၵမ်ထၢမ်/တွၵ်ႇ
4. ပႃႇတိမွၵ်ႈၽၢႆႇတႆး
5. သၢင်းၵျူဝ်ႇၽၢႆႇတႆး
6. သတ်ႉတႃႇၽၢႆႇတႆး
7. မိလိၼ်ႇတထၢမ်/တွပ်ႇမၢႆ 1
8. ၵမ်မဝႃႇၸႃႇ 9 တွၼ်ႈ
9. သံယုတ်ႉတၼိၵႃႇယ ၽၢႆတႆး
10. ႁိတေႃးပတေႇသ
11. ၸဝ်ႈမႁေႃႇသထႃႇ
12. ၵႃႇလီႇတႃႇသ
13. ပိုၼ်းၼၢင်းသုၼၼ်ႇတႃႇရီႇ
14. မိလိၼ်ႇတထၢမ်/တွပ်ႇမၢႆ 2
15. ထမ်မပတ
16. ဢင်ႇၵုတ်ႉတရၼိၵႃႇယၽၢႆႇတႆး