ၸဝ်ႈရသေး တႃႇရုၸီႇရီႇယ

ဝဵင်းၼၼ်ႇလႃႇသုပ်ႉပႃႇရႃႇၵၼႆႉ ၵႆယၢၼ်တင်း ဝဵင်းမုမ်ႇပၢႆးယမ်းလဵဝ် ႕႐ လၵ်း၊ ၸဵမ်မိူဝ်ပူၼ်ႉမႃးပီမိူင်း ႒႕႐႐ လိူဝ်လိူဝ်ၼၼ်ႉ ပဵၼ်ဝဵင်းမီးတႃႈႁိူဝ်း ဢၼ်ၸိုဝ်ႈသဵင်လိုဝ်းလင် ၼႂ်းဝဵင်းမိူင်းဢိၼ်းတီးယႃးဝဵင်းၼိုင်ႈ။

မိူင်ႈၽွင်းၼၼ်ႉ ၼႂ်းဝဵင်းသုပ်ႉပႃႇရႃႇၵၼႆႉ မီးရသေးထဝ်ႈၵေႃႉၼိုင်ႈ၊ ၼုင်ႈၶူဝ်းမၼ်ႈ ဢၼ်ဢဝ်ပိူၵ်ႇမႆႉယွမ်ႉဝႆႉၵွႆး။ ပိူၼ်ႈဢွၼ်ၵၼ်ႁွင်ႉမၼ်းဝႃႈ ရသေး တႃႇရုၸီႇရီယ ၼႆယူႇယဝ်ႉ။ မီးဝၼ်းၼိုင်ႈ ၵူၼ်းၵေႃႉဢၼ်ၶႂ်ႈႁႂ်ႈမီးၽွၼ်းလီတႃႇရသေးၼၼ်ႉ ၸင်ႇဝႃႈ "ၸဝ်ႈၼႆႉ တေႃႈယၢမ်းလဵဝ်ပႆႇပဵၼ်ရႁၢၼ်းတႃႇ၊ ၸဝ်ႈၼႆႉ ပႆႇၽႅဝ်ၼိူဝ်သဵၼ်ႈတၢင်းဢၼ်ရႁၢၼ်းတႃႇၶဝ်ၽိုၵ်းသႃၵွၼ်ႇ" ဝႃႈၼႆႉ၊ ယၢမ်းၼၼ်ႉ ၸဝ်ႈရသေးၵေႃႈ တိူဝ်ႉၸႂ်မၼ်းၵႂႃႇသေ "ပေႃးဝႃႈၼၼ် ၼႂ်းလေႃးၵလူင်ၼႆႉ ၸွင်ႇမီးရႁၢၼ်းတႃႇသေၸဝ်ႈၸဝ်ႈႁႃႉ၊ ဢမ်ႇၼၼ် ၸွင်ႇမီးၽူႈဢၼ်တေၸီႉၼႄ ႁႂ်ႈပေႃးပဵၼ်ရႁၢၼ်းတႃႇႁႃႉ"၊ "မီးဢေႃႈ၊ တေႃႈလဵဝ်ၽြႃးပဵၼ်ၸဝ်ႈ သမ်ႇမႃႇသမ်ႇပုတ်ႉထ မီးဝႆႉယူႇမိူင်းသႃႇဝတ်ႉထိ တီႈၵျွင်းၸေႇတဝၼ်ႇၼၼ်ႉဢေႃႈ"

ပေႃးလႆႈငိၼ်းၵႂၢမ်းဢၼ်ၼႆႉယဝ်ႉၵေႃႈ ၸဝ်ႈရသေးၼႆႉ ၵိုင်ႉၵၢင်ႉဢွၵ်ႇၵႂႃႇၸူးမိူင်းသႃႇဝတ်ႉထိၵမ်းလဵဝ်ယူႇယဝ်ႉ။ လတ်းပႆၶၢဝ်းတၢင်းၵႆယၢဝ်းသေ ပေႃးဝႃႈ ၽႅဝ်ၵႂႃႇတီႈၵျွင်းၸေႇတဝၼ်ႇၵေႃႈ ပိူၼ်ႈၸိူဝ်းဢၼ်မီးယူႇတီႈၵျွင်းၼၼ်ႉ ၸင်ႇဝႃႈ "ၽြႃးပဵၼ်ၸဝ်ႈတိုၵ်ႉၵႂႃႇတုင်းသွမ်းၼႂ်းဝဵင်းဢိူဝ်ႈ၊ ပေႃးၵႅပ်ႉၼိုင်ႈ တေၽႅဝ်မႃးၶိုၼ်းယဝ်ႉ၊ ယင်ႉလိုဝ်ႈၵွၼ်ႇလႄႈ" ဝႃႈၼႆႁင်းမၼ်း။

ၵူၺ်းၵႃႈ ရသေးလူင် ၵေႃႉလႆႈထမ်ႇမသင်ႇဝေႇၵယူႇၼႆႉ ဢမ်ႇမီးၸႂ်ၶႂ်ႈယင်ႉလိုဝ်ႈ။ မၼ်းၸင်ႇသိုပ်ႇၶဝ်မႃးၼႂ်းဝဵင်းၵမ်းလဵဝ်။ ပေႃးပႆမႃးယဝ်ႉတၢၼ်ႇတၢၼ်ႇ လႆႈထူပ်ႁၼ်ၽြႃးပဵၼ်ၸဝ်ႈ တိုၵ်ႉပႆတုင်းသွမ်းယူႇ။ ဝၢႆးၼၼ်ႉ မၼ်းၸင်ႇၵႂႃႇၶုပ်ႉၶဝ်ႇၽၢႆႇၼႃႈၽြႃးပဵၼ်ၸဝ်ႈသေ ၼွမ်းႁူဝ်ဝႆႈသႃတီႈတိၼ်ၽြႃးပဵၼ်ၸဝ်ႈယူႇယဝ်ႉ။

"ၽြႃးပဵၼ်ၸဝ်ႈတီႈၶႃႈ၊ ၶႅၼ်းတေႃႈ သွၼ်ပၼ်ထမ်ႇမတြႃး ဢၼ်ၸိုဝ်ႈၸႂ်မၼ်း ပၼ်ၶႃႈႁဝ်းယၢမ်းလဵဝ်ၼႆႉသေၵမ်းတီႈၶႃႈ"
"တႃႇတေသွၼ်ပထမ်ႇမတြႃးၼၼ်ႉ ပႆႇမႅၼ်ႈၶၢဝ်းယၢမ်းမၼ်းၵွၼ်ႇ ရသေးဢိူၺ်း၊ မိူဝ်းၽႅဝ်ႇၵျွင်းၸင်ႇတေသွၼ်ပၼ်ၵႂႃႈ"
"ၽြႃးပဵၼ်ၸဝ်ႈတီႈၶႃႈ၊ ၸူဝ်ႈပၢၼ်ၵူၼ်းၼႆႉ တေလႆႈႁဵတ်းႁိုဝ်ယုမ်ႇၶႃႈလႃႇ၊ ၶႅၼ်းတေႃႈသွၼ်ပၼ်ထမ်ႇမယၢမ်းလဵဝ်ၼႆႉၶႃႈလႃႈ"
ၸဝ်ႈရသေးလူင်ယိုၼ်ႈယွၼ်းမႃး သၢမ်ပွၵ်ႈသၢမ်ၵမ်းလႄႈ ၽြႃးပဵၼ်ၸဝ်ႈၵေႃႈ ၸင်ႇယူႇၼိူဝ်တၢင်းသေ ႁေႃးၼႄထမ်ႇမတြႃးတီႈၵႅပ်ႈမၼ်မၼ်းယူႇယဝ်ႉ။
"ၽိုၵ်းၵျၢင်ႉၼင်ႇၼႆလႄႈ။ ꩦိတ်ထေ တိတ်ꩧမၼ်တံ ꧤဝိသ်သတိ" ပေႃးႁၼ်ၵေႃႈႁၼ်၊ ႁဵၼ်းႁႂ်းႁႈႉယူႇႁဵၼ်းၼၼ်ၵွႆးလႄႈ"
ရသေးလူင်ၵေႃႈ လႆႈႁူႉႁၼ်ၵႂႃႇတေႇသၼႃႇ ၽြႃးပဵၼ်ၸဝ်ႈတီႈၵႅပ်ႈမၼ်းလိုၵ်ႉလိုၵ်ႉလမ်ႇလမ်ႇယူႇယဝ်ႉ။ တီႈဢိတ်ႇတရေႇ ဢၼ်လႂ်ဢမ်ႇဝႃႈ လွင်ႈၵမ်းမၢႆဢဝ်ဝႆႉ၊ လွင်ႈတုမ်ႉတွပ်ႇၶိုၼ်း၊ လွင်ႈလႆႈသမ်ႇဝေႇၵ ၸိူဝ်းၼၼ်ႉ ၵိုတ်းယိုတ်းၵႂႃႇယႅတ်ႈယူႇယဝ်ႉ။
ရသေးလူင်ၼႆႉ ယွၼ်ႉပႃႇရမီႇၸဝ်ႈ ထႅမ်မႃးလၢႆလၢႆၽဝလႄႈ လႆႈဢွၵ်ႇမူၼ်ႉပူၼ်ႉလွတ်ႈၽဝသမ်ႇသရႃႇၵႂႃႇယူႇယဝ်ႉ။ လႆႈၸူမ်းသိူဝ်းသေ လွတ်ႈဢွၵ်ႇလင်ႈမိုတ်ႈမၵ်ႉယဝ်ႉ လႆႈၽႅဝ်ထိုင်ၸၼ်ႉၼိပ်ႉပၢၼ်ႇၵႂႃႇယူႇယဝ်ႉ။

ၽိုၼ်ဢိင်

ၼႃႈလိၵ်ႈ ႗႗၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)