ၵၼ်ႊႁဵၼ်းပၢႆးလႅင်ႊမိူင်း

ၵၼ်ႊႁဵၼ်းပၢႆးလႅင်ႊမိူင်း

လႅင်ႊမိူင်း English ဝႃႈ Geography - လႅင်ႊမိူင်းဢၼ်ဝႃႈၼႆႉ ပဵၼ်ၵႂၢမ်းတႆးႁဝ်း ဢၼ်မီးတီႈပွင်ႇဝႃႈ ၼင်ႇၵႃႊၸုမ်းၸိူဝ်း ဢၼ်ၵဵဝ်ႇၵပ်းပႃးလူၺ်ႈ တင်းမိူင်း တင်းလိၼ်တီႈယူႇ။ မိူၼ်ၼင်ႇ- လိၼ်၊ ၼမ်၊ လွႆ၊ ထိူၼ်၊ လူမ်း၊ ၾိင်ႈၾႃႉ၊ ၵၢင်ႁၢဝ်၊ တူဝ်မီးၸႂ်၊ ဢၼ်ဢမ်ႇမီးၸႂ်တင်းလူင် ဢၼ်ၵွင်ႉၵၢႆႇဝႆႉတင်း မိူင်းၵူၼ်းႁဝ်းၼႆႉတင်းသဵင်ႈၼႆႉ ၶဝ်ႈပႃးဝႆႉၼႂ်းၸုမ်းသိူင်းပၢႆးလႅင်ႊမိူင်းယဝ်ႉ။

ပၢႆးလႅင်ႊမိူင်း - ပၢႆးလႅင်ႊမိူင်းဢၼ်ဝႃႈၼႆႉ ပဵၼ်ၵၢၼ်လဵပ်ႈႁဵၼ်း ႁႂ်ႈႁူႉလွင်ႈလႅင်ႊမိူင်း ဢၼ်ၵပ်းၵၢႆႇလူၺ်ႈလႅင်ႊမိူင်းတင်းသဵင်ႈၼႆႉ လႆႈႁွင်ႉဝႃႈ ပၢႆးလႅင်ႊမိူင်းၼႆယဝ်ႉ။

လိၼ်၊ ၼင်လိၼ်၊ လိၼ်မိူင်း - တီႈဢၼ်ၵူၼ်း၊ သတ်း၊ တူၼ်ႈ၊ တူဝ်မီးၸႂ်ၶဝ် လႆႈပိုင်ႈယူသဝ်းပဵၼ်ၸႂ်ဝႆႉယူႇၼိူဝ်မၼ်းၼႆႉ ႁွင်ႉဝႃႈ "လိၼ်" ဢမ်ႇၼၼ် "ၼင်ႇလိၼ်" ၼႆယဝ်ႉ။ ၼိူဝ်ၼင်လိၼ်ၼႆံ ၶဝ်ႈပႃးဝႆႉ ၼမ်ႉ၊ လိၼ်၊ လူမ်း၊ ႁိၼ်ၽႃ။ တၢင်းဢၼ်ပဵၼ်တီႈယူႇတႃႇ တူဝ်မီးၸႂ် မေႃႁူႉ ဢမ်ႇမေႃႁူႉၶဝ်တင်းသဵင်ႈ ယူႇၸွမ်းၵၼ်ၼႆႉ လႆႈႁွင်ႉဝႃႈ "လိၼ်မိူင်း" ၼႆယဝ်ႉ။