ၵၵ်ၵꩦၵရသၻႃယၵဝိမႃၼဝတ်ထု၊ ၶုၼ်ၽီ လႆႈလူႇၽၵ်းသွမ်းပူႇ
4. ၵၵ်ၵꩦၵရသၻႃယၵဝိမႃၼဝတ်ထု၊ ၶုၼ်ၽီ လႆႈလူႇၽၵ်းသွမ်းပူႇ
မႄးထတ်းၶုၼ်ၽီ မိူဝ်ႈပၢၼ်ပဵၼ်ၵူၼ်း လႆႈဢဝ် ၽၵ်းသွမ်းပူလူႇတၢၼ်းလႄႈ တမ်ႈတီႈ မိူင်းၽီၼၼ်ႉ ႁေႃဝိမၢၼ်ႇမၼ်း လႆႈမိူဝ်းမီး ၽၵ်းတူၵႅဝ်ႈ ဢၼ်ပဵၼ်ႁၢင်ႈပူၶမ်းသေ လႆႈၸၢမ်ႇပူၺ်ႈ တၢင်းၵႃႈတၢင်းဝႅၼ် ပရိသတ်ႈတင်းၼမ်။
- 910။ ႁေႃဝိမၢၼ်ႇ ဢၼ်ပဵၼ်သဝ်သႅင်လႅင်ၼႆႉ သုင်တႄႉယဝ်ႉ။ တၢင်းသုင်မၼ်း မီးသိပ်းသွင်ယူႇၸၼႃႇယဝ်ႉ။ ႁေႃပြသၢတ်ႈပၢႆလႅမ် ၵႂၢင်ႈၵူင်လူင် ၸဵတ်းပၢၵ်ႇလင် ဢၼ်ဢဝ်ပတ်းလမ် ႁဵတ်းပဵၼ်သဝ်မၼ်းၼၼ်ႉ ပိုၼ်ႉသိူဝ်ႇမၼ်း ဢဝ်ၶႅပ်းၶမ်း သိူဝ်ႇဝႆႉလႄႈ ၶိုၵ်ႉလိုၵ်ႉတႄႉတႄႉ။
- 911။ (မႂ်းၶုၼ်ၽီၸမ်ႉ) ယူႇသဝ်း တမ်ႈတီႈ ႁေႃဝိမၢၼ်ႇၼၼ်ႉသေ သူတ်ႉၵေႃႈ သူတ်ႉ ၵိၼ်ၵေႃႈ ၵိၼ်ယဝ်ႉ။ သဵင်တိင်ႇၽီၶဝ်ၵေႃႈ ဢူၼ်ႈဢွၼ်ႇ လီထွမ်ႇတႄႉယဝ်ႉ။ တမ်ႈတီႈ ႁေႃဝိမၢၼ်ႇၼႆႉ ၵႃႇမၵုင်ႇႁႃႈပိူင် ၸီးၸိမ်ႇၽီ မီးဝႆႉ တဵမ်ထူၼ်ႈယဝ်ႉ။ ၸိူဝ်းၶဝ်ၼၢင်းၽီဢွၼ်ႇ ဢၼ်ဢဝ် တၼ်းသႃႇၶမ်း ႁၢင်ႈၶိူင်ႈဝႆႉၼၼ်ႉၵေႃႈ ၵႃႈမူၼ်ႈယူႇယဝ်ႉ။
- 912။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးသင်သေ လႆႈမီးဢူငဝ်းႁၢင်ႈၽၢင် ၼင်ႇၼႆၼေႃး။ ယွၼ်ႉပိူဝ်ႈ ၵုသူဝ်ႇလၵ်ႇလၢႆး ဢၼ်လႂ်သေ တမ်ႈတီႈၼႆႈ (လွင်ႈၽွၼ်းလီသိူဝ်းသႃႇ) မႃးလႆႈတဵမ်ထူၼ်ႈယူႇၼေႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးဢၼ်လႂ်သေ မႂ်းလႆႈမီး လွင်ႈသိူဝ်းၸႂ် ၸီးၸိမ်ႇတင်းသဵင်ႈ တဵမ်ထူၼ်ႈၼေႃး။
- 913။ ၶုၼ်ၽီဢၼ်ဢႃႇၼုၽေႃႇ ၽုင်းယႂ်ႇ။ ၵဝ်ထၢမ်မႂ်းယဝ်ႉ။ မိူဝ်ႈပဵၼ်ၵူၼ်းၼၼ်ႉ လႆႈႁဵတ်း ၵုသူဝ်ႇလၢၵ်ႇ လၢႆးၼင်ႇႁိုဝ်ၼေႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေ မႂ်းမႃးလႆႈမီး ၽူင်းတၼ်းၶူဝ်း ႁိူဝ်ႈႁိူင်းၼင်ႇၼႆၼေႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေ ဢူဢၢႆသၢႆငဝ်းမႂ်း ႁိူဝ်ႈႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇၼေႃး (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
- 914။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈဢဝ်တၢင်းမၼ်း တွပ်ႇလၢတ်ႈၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
- 915။ ယွၼ်ႉပိူဝ်ႈ ၽွၼ်းလီၵုသူဝ်ႇ ဢၼ်လႆႈလူႇတၢၼ်း ၽၵ်းပူၼၼ်ႉလႄႈ ၶႃႈၸင်ႇမႃးလႆႈ ၸီးၸိမ်ႇၽီ ၼင်ႇၼႆယဝ်ႉ။ ၼင်ႇႁိုဝ်တေပဵၼ် တီႈၶုၵ်းၸႂ်လႆႈ ၵုသူဝ်ႇတၢင်းလီၼၼ်ႉ တီႈၽၵ်းတူ ၸင်ႇမႃးမီးဝႆႉ ႁၢင်ႈပူၶမ်း ဢၼ်မီးတိၼ်သိပ်းၶွၼ်ၼၼ်ႉယဝ်ႉ။
- 916။ ယွၼ်ႉပိူဝ်ႈ ၽွၼ်းလီၵုသူဝ်ႇ ဢၼ်လႆႈလူႇတၢၼ်း ၽၵ်းပူၼၼ်ႉလႄႈ ၶႃႈၸင်ႇမႃးလႆႈ ၸီးၸိမ်ႇၽီ ၼင်ႇၼႆယဝ်ႉ။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၵဝ်ၶႃႈ မႃးလႆႈ(ၽွၼ်းလီ)တဵမ်ထူၼ်ႈ တီႈမိူင်းၽီၼင်ႇၼႆယဝ်ႉ။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈႁဝ်း လႆႈမီးလွင်ႈသိူဝ်းၸႂ် ၸီးၸိမ်ႇတင်းသဵင်ႈ တဵမ်ထူၼ်ႈယဝ်ႉ။
- 917။ ၸဝ်ႈရႁၢၼ်း ဢၼ်ဢူမုၼ်ၽုင်းယႂ်ႇ၊ တွပ်ႇလၢတ်ႈၼႄပၼ် ၸဝ်ႈႁဝ်းတီႈၶႃႈယဝ်ႉ။ မိူဝ်ႈၽွင်း ပဵၼ်ၵူၼ်းၼၼ်ႉ ၶႃႈတပႄး လႆႈႁဵတ်း ၵုသူဝ်ႇလၢၵ်ႇလၢႆးၼင်ႇၼႆယဝ်ႉ။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇၼႆလႄႈ ၶႃႈလႆႈမီး ၽုင်းတၼ်းၶူဝ်း ႁိူဝ်ႈႁိူင်းၼင်ႇၼႆယဝ်ႉ။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇၼႆလႄႈ ငဝ်းတူဝ်ၶႃႈတပႄးႁဝ်း ႁိူဝ်ႈလႅင်းၵႂႃႇ ၵူႈၼႃႈၵူႈၽၢႆႇယဝ်ႉ။
ၵၵ်ၵꩦၵ ရသ ၻႃယၵဝိမႃၼဝတ်ထု ႁူဝ်သီႇ သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ ၵၵ်ၵꩦၵရသၻႃယၵဝိမႃၼဝတ်ထု၊