ၵေသၵႃရီဝိမႃၼဝတ်ထု၊ ၼၢင်းၽီႁေႃႁိူဝ်ႈႁိူင်း ဢလုမ်းလၢင်းၼမ်
17-ၵေသၵႃရီဝိမႃၼဝတ်ထု၊ ၼၢင်းၽီႁေႃႁိူဝ်ႈႁိူင်း ဢလုမ်းလၢင်းၼမ်
မႄးထတ်း- 150။ ႁေႃဝိမၢၼ်ႇ ဢၼ်ထုၵ်ႇၸႂ် မီးဢူဢၢႆသၢႆငဝ်း ႁိူဝ်ႈႁိူင်းပိူင်းသႂ်မၢပ်ႈမိပ်ႈ ဢၼ်ဢဝ်ပတ်း လမ်ႁဵတ်းသဝ် ဢၼ်ၵႂၢင်ႈၵူင်လူင် ဢၼ်မီးတူၼ်ႈမႆႉၶမ်း ဢုမ်ႇလွမ်ႉဝႆႉႁိမ်းႁွမ်း ဢၼ်ပဵၼ်မႃးၸွမ်း ၽွၼ်းလီၵၢမ်ႇၼၼ်ႉ ပဵၼ်ႁေႃဝိမၢၼ်ၵဝ်ယဝ်ႉ။
- 151။ တီႈႁေႃဝိမၢၼ်ႇၵဝ်ၼၼ်ႉ ၼၢင်းၽီၶဝ်တိုၼ်းမီးဝႆႉ သႅၼ်ၵေႃႉယဝ်ႉ။ ဢိင်ပိုင်ႈလူၺ်ႈ ၵၢမ်ႇသေ မႂ်းၼၢင်းဢၼ်ၽႅဝ်မႃး တီႈလဵဝ်ၼႆႉ ပဵၼ်ၵေႃႉဢၼ် ဢလုမ်းဢလၢင်း တဵမ်ထူၼ်ႈယဝ်ႉ။ (ယွၼ်ႉပိူဝ်ႈ ၵၢမ်ႇဝၼ်းလင်ၸဝ်ႈၵဝ်ႇလႄႈ) ၸင်ႇတေႁိူဝ်ႈႁႅင်းလႅင်းပိူင်းလီလိူဝ် ၼၢင်းၽီၸိူဝ်းမႃးမီးဝႆႉ ဢွၼ်တၢင်းၼၼ်ႉယဝ်ႉ။
- 152။ လိူၼ် ဢၼ်မီးႁၢင်ႈပၢင်တၢႆး ဢၼ်ပဵၼ်ၸဝ်ႈၸွမ်လၢဝ်ၼၵ်ႈၶတ်ႈတႃႇရႃႇ တင်းသဵင်ႈၼႆႉ ႁူမ်ႇလူမ်ႈ လၢဝ်ၼၵ်ႈၶတ်ႈတႃႇရႃႇတင်းသဵင်ႈသေ ၶိုၵ်ႉတွၼ်းၼင်ႇၼၼ် မႂ်းၼၢင်းၵေႃႈ ႁူမ်ႇလူမ်ႈ ၼၢင်းၽီၶဝ်တင်းသဵင်ႈသေ ဢဝ်တင်းဢလုမ်းဢလၢင်း ဢူဢၢႆသၢႆငဝ်း ႁိူဝ်ႈႁိူင်းပိူင်းလႅင်း ၶိုၵ်ႉတွၼ်းယဝ်ႉ။
- 153။ ၼၢင်းၽီ ဢၼ်မီးႁၢင်ႈၽၢင်တဵမ်ထူၼ်ႈ ယဵမ်ႈတူၺ်းဢမ်ႇဢိမ်ႇ မႂ်းၼၢင်းၼႆႉ လုၵ်ႉတီႈ ၽဝလႂ်သေ ႁွတ်ႈၽႅဝ်ထိုင်မႃး တမ်ႈတီႈ ႁေႃဝိမၢၼ်ႇၵဝ်ၼေႃး။ မိူၼ်ၼင်ႇ ၶုၼ်ဢိၼ်းလႄႈ ၽီတႃႇဝတိမ်ႇသႃႇၶဝ် ယဵမ်ႈတူၺ်ႈ ၶုၼ်သၢင် ဢမ်ႇဢိမ်ႇလႆႈၼင်ႇၼၼ် ၸိူဝ်းႁဝ်းတင်းသဵင်ႈ တူၺ်းမႂ်းၼၢင်း ဢမ်ႇဢိမ်ႇလႆႈ (ၼႆ ၶုၼ်ဢိၼ်း တွင်ႈထၢမ်ၵႂႃႇယဝ်ႉ)။
- 154။ ၶုၼ်ဢိၼ်း မႂ်းထၢမ်ၵဝ်ဝႃႈ “လုၵ်ႉတီႈလႂ် တၢႆသေ မႃးပဵၼ်တီႈႁေႃဝိမၢၼ်ႇၵဝ်” ၼႆယဝ်ႉ။ ၶုၼ်ဢိၼ်း တိူင်းၵႃႇသိ မိူင်းပႃႇရၼသီႇဢၼ်ဝႃႈၼၼ်ႉ မီးဝႆႉဢိူဝ်ႈ။ မိူဝ်ႈၸၢတ်ႈၵွၼ်ႇ ၶႃႈၼၢင်းလႆႈ ပဵၼ် ၼၢင်းယိင်း ၵေသၵႃႇရီႇ တီႈမိူင်းပႃႇရႃႇၼသီႇယဝ်ႉ။
- 155။ ၶႃႈၼၢင်းၼႆႉ တမ်ႈတီႈၽြႃးလႄႈသင် တြႃးလႄႈသင် သင်ႇၶႃႇလႄႈသင် မီးၸႂ်ယုမ်ႇယမ်ယဝ်ႉ။ မီးလွင်ႈတၢင်းဢဝ် မၢၼ်ႇမႅၼ်ႈယဝ်ႉ။ ဢမ်ႇမီးလွင်ႈယုမ်ႇၽိတ်း(သမ်ႇသယ)ယဝ်ႉ။ သိၵ်ႈၶႃႇပုတ်ႈ(သိၼ်)ၵေႃႈ ဢမ်ႇပၼ်ႁၵ်း ဢမ်ႇပၼ်လု။ တမ်ႈတီႈ သေႃးတႃႇပတ်ႉတိၽူဝ်ႇၵေႃႈ ႁွတ်ႈထိုင်ယဝ်ႉ။ တမ်ႈတီႈမၵ်ႈၺၢၼ်ႇ ဢၼ်ႁူႉႁၼ် သတ်ႉၸႃႇသီႇပႃးၼၼ်ႉ ဢမ်ႇမီးဢၼ်ယႃႉၵဝ်းသေ မီးသၽေႃးမၼ်ႈၵိုမ်းယဝ်ႉ။
- 156။ ၼၢင်းၽီ ဢၼ်လၢတ်ႈဝႃႈ “တမ်ႈတီႈ ၽြႃးလႄႈသင် တြႃႈလႄႈသင် သင်ႇၶႃႇလႄႈသင် မီးၸႂ်ယုမ်ႇယမ်ယဝ်ႉ။ မီးလွင်ႈတၢင်းဢဝ် မၢၼ်ႇမႅၼ်ႈယဝ်ႉ။ ဢမ်ႇမီးလွင်ႈယုမ်ႇၽိတ်း (သမ်ႇသယ)ယဝ်ႉ။ သိၵ်ႈၶႃႇပုတ်ႈ(သိၼ်)ၵေႃႈ ဢမ်ႇပၼ်ႁၵ်း ဢမ်ႇပၼ်လု။ တမ်ႈတီႈ သေႃးတႃႇပတ်ႉတိၽူဝ်ႇၵေႃႈ ႁွတ်ႈထိုင်ယဝ်ႉ။ တမ်ႈတီႈမၵ်ႈၺၢၼ်ႇ ဢၼ်ႁူႉႁၼ် သတ်ႉၸႃႇသီႇပႃးၼၼ်ႉ ဢမ်ႇမီးဢၼ်ယႃႉၵဝ်းသေ မီးသၽေႃးမၼ်ႈၵိုမ်းယဝ်ႉ”ၼႆၼၼ်ႉ ၸိူဝ်းႁဝ်း ႁၢၼ်ႉၸႂ်ၸူမ်းသိူဝ်းလူၺ်ႈ (လွင်ႈတၢင်းလီမႂ်းတဵမ်ထူၼ်ႈ၊ လွင်ႈပူၺ်ႈၽီမႂ်း တဵမ်ထူၼ်ႈတင်းသွင်ပိူင်)ၼၼ်ႉယဝ်ႉ။ ဢၼ်မႂ်းၼၢင်းႁွတ်ႈမႃးၼႆႉ ပဵၼ်လွင်ႈႁွတ်ႈမႃး ဢၼ်လီယဝ်ႉ။ မႂ်းၼၢင်းၼႆႉ ၵဵဝ်ႇလူၺ်ႈတြႃးၼၼ်ႉလႄႈသင် ဢလုမ်းဢလၢင်းၼၼ်ႉလႄႈသင် ၶိုၵ်ႉၶႅမ်ႉ ယူႇတႄႉယဝ်ႉ။
ၵေသၵႃရိဝိမႃၼဝတ်ထု ႁူဝ်သိပ်းၸဵတ်း သုတ်းယဝ်ႉ။
ဢိတ်ထိဝိမႃၼဝၷ် ဝၵ်ႈႁူဝ်ပိုင်း ပီꩧဝၵ် သုတ်းယဝ်ႉ။
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ဢိၻ်ꩪိဝိမႃၼ၊ ပီၻဝၷ်ၷ၊ ၵေသၵႃရိဝိမႃၼဝတ်ထု