ၵုၺ်ၸရဝိမႃဝတ်ထု ၼၢင်းၽီၶီႇၸၢင်ႉၵႅဝ်ႈ
5-ၵုၺ်ꩡရဝိမႃၼဝတ်ထု မႄးထတ်း
- 31-2။ ၼၢင်းၽီ ဢၼ်မီးမၢၵ်ႇတႃ မိူၼ်ၼင်ႇၵၢပ်ႇမွၵ်ႇမူဝ်ပတုမႃႇ... ၸၢင်ႉၵႅဝ်ႈ ဢၼ်မႂ်းၼၢင်းၶီႇ ၼၼ်ႉ ဢဝ်ၵႅဝ်ႈရတၼႃႇၵူႈပိူင်ပိူင် ႁၢင်ႈၶိူင်ႈဝႆႉယဝ်ႉ။ လီၵေႃႈလီႁၢၼ်ႉၸႂ်တႄႉတႄႉ။ ႁႅင်ႈၵေႃႈမီးတႄႉတႄႉ။ လွင်ႈတၢင်းၽႂ်းၶၼ်ၵေႃႈ တဵမ်ထူၼ်ႈယဝ်ႉ။ တမ်ႈတီႈ ၼိူဝ်ၵၢင်ႁၢဝ်ၵေႃႈ မေႃၵႂႃႇၼိမ်ၸိုင်ႈလီတႄႉယဝ်ႉ။ ငဝ်းမွၵ်ႇမူဝ်ၶွင်ႇပတုမႃႇၵေႃႈ မီးဝႆႉယဝ်ႉ။ တီႈတူဝ်မၼ်းၼၼ်ႉၵေႃႈ သမ်ႉမိူတ်ႇဝႆႉငဝ်းလိူင်ဝႃမူဝ်ပတုမႃႇယဝ်ႉ။ ႁၢင်ႈၽၢင်မွၵ်ႇမူဝ်ၶမ်းၵေႃႈ ၵိုၵ်းဝႆႉယဝ်ႉ။
- 33။ တမ်ႈတီႈ ၼိူဝ်သဵၼ်ႈတၢင်း ဢၼ်မိူတ်ႇဝႆႉ မွၵ်ႇမူဝ်ပတုမႃႇ ဢၼ်ဢဝ်မႂ်မွၵ်ႇမူဝ်ပတုမႃႇ ႁၢင်ႈၶိူင်ႈဝႆႉၼၼ်ႉ ၸၢင်ႉၵႅဝ်ႈပႆၵႂႃႇလွႆးလွႆးယဝ်ႉ။ ၵႂႃႇဢမ်ႇထိူင်း ဢမ်ႇဝႂ်းယဝ်ႉ။
- 34။ ၽွင်းမိူဝ်ႈၸၢင်ႉၵႂႃႇၼၼ်ႉ ႁိင်ႇၶမ်းတင်းၼမ် ဢွၵ်ႇသဵင်လီထွမ်ႇလီၽင်းယဝ်ႉ။ သဵင်ႁိင်ႇ ၸိူဝ်းၼၼ်ႉ လႆႈငိၼ်းမိူၼ်ၼင်ႇ သဵင်တူႇရိယႃႇ ဢၼ်မီးပၵ်းပိူင်ႁႃႈဢၼ်ၼၼ်ႉယဝ်ႉ။
- 35။ ၼၢင်းၽီ ဢၼ်မီးဝႆႉၼိူဝ်ၵွင်းလင်ၸၢင်ႉ ဢၼ်ၼုင်ႈမႆဝႆႉ သိူဝ်ႈၶူဝ်းၸိုၼ်ႈသႂ် မႂ်းၼၢင်းၼႆႉ ဢူငဝ်းမႂ်းၼၢင်း တွၼ်ႈၵႄးႁၢင်ႈလီလိူဝ်သေ ၼၢင်းၽီတင်းၼမ်ယူႇယဝ်ႉ။
- 36။ ၼၢင်းၽီ ၽွၼ်းလီမႂ်းဢၼ်ၼႆႉ ပဵၼ်ၽွၼ်းလီ တႃႇၼတၢင်းလူႇႁ?၊ ဢမ်ႇၼၼ် ပဵၼ်ၽွၼ်း လီသိၼ်သီႇလႁ?၊ ဢမ်ႇၼၼ် ပဵၼ်ၽွၼ်းလီ ၸိူဝ်းဢၼ်ၼႆႈႁွမ်းမိုဝ်းဝႆႈၼၼ်ႉ? မႂ်းၼၢင်း တွပ်ႇပၼ် ၵဝ် ၶေႃႈထၢမ် ဢၼ်ၵဝ်ထမ်ၼၼ်ႉတ။
- 37။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇထၢမ်လွင်ႈတၢင်းမၼ်းလႄႈ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ၸင်ႇၶိုၼ်းတွပ်ႇလၢတ်ႈၼႄ လွင်ႈတၢင်းမၼ်းၵႂႃႇ ၸွမ်းၼင်ႇၶေႃႈထၢမ်ၼၼ်ႉယဝ်ႉ။
- 38။ ၶႃႈၼၢင်းလႆႈႁၼ် ၸဝ်ႈၽူႈလီ ဢၼ်မီးၵုင်ႇၵုၼ်းမုၼ်ငဝ်း (သႃႇဝၵ)တဵမ်ထူၼ်ႈ ဢၼ်သိူဝ်း လူၺ်ႈၸွမ်းတြႃးသၢၼ်ႇသေ လႆႈဢဝ်မွၵ်ႇမူဝ် ၸၢတ်ႇပိုၼ်သႂ်ႇၼိူဝ်ၽႅၼ်ႇသိူဝ်ႇတီႈၼင်ႈသေ လူႇတၢၼ်းမႃး ၶႃႈယဝ်ႉ။
- 39။ ၶႃႈၼၢင်း မီးၸႂ်ၼပ်ႉယမ်သေလႄႈ (ၼႂ်းမတ်ႉမွၵ်ႇမူဝ်) တၢမ်တူဝ် လႆႈဢဝ်မွၵ်ႇမူဝ်ၶိုင်ႈၼိုင်ႈ ၸဵမ်မွၵ်ႇၸဵမ်ၵၢပ်ႇ ၸၢတ်ႇပိုၼ်သႂ်ႇ တီႈဢွင်ႈၼင်ႈၼၼ်ႉယဝ်ႉ။
- 40။ ၽွၼ်းလီၶႃႈၼၢင်းဢၼ်ၼႆႉ ပဵၼ်ၽွၼ်းလီၵုသူဝ်ႇဢၼ်ၼၼ်ႉဢေႃႈ။ ၽီၶဝ်ၵေႃႈ ၼပ်ႉယမ်ၶႃႈ ၼၢင်းဢေႃႈ။ ဝႆႉၼၵ်းၶႃႈၼၢင်းဢေႃႈ။ ပူႇၸေႃႇၶႃႈၼၢင်းဢေႃႈ။
- 41။ ၵူၼ်းၵေႃႉၼၼ်ႉ တေလႆႈမီးၸႂ်ၼပ်ႉယမ်သေ ၵိုင်ႇလီလူႇတၢၼ်းတီႈယူႇပၼ် ၸဝ်ႈၽူႈလီၶဝ် ၸိူဝ်းဢၼ်ဢွၵ်ႇမူၼ်ႉပူၼ်ႉလွတ်ႈၵိလေႇသႃႇ၊ ဢၼ်တိုဝ်းၵမ်လီတွၼ်းၼၼ်ႉယူႇယဝ်ႉ။ ၵူၼ်းၵေႃႉၼၼ်ႉ တၵ်းတေလႆႈႁူမ်ၸူမ်း ၸိူင်ႉၼင်ႇ ဢၼ်ၶႃႈၼၢင်းလႆႈႁူမ်ၸူမ်း တီႈလဵဝ်ၼႆႉယူႇတႄႉယဝ်ႉ။
- 42။ ၵွပ်ႈၼၼ် ၵေႃႉဢၼ် မီးၸႂ်တႂ်းမွင်း ၶႂ်ႈလႆႈၽွၼ်းပၢင်ႈယႂ်ႇၼမ် ပုၼ်ႈၸဝ်ႈၵဝ်ႇၼၼ်ႉ ၵိုင်ႇလီလူႇတၢၼ်း တီႈယူႇတၼ်းသဝ်းပၼ် တမ်ႈတီႈ ၸဝ်ႈရႁၢၼ်းတႃႇ ဢၼ်ပဵၼ်ၽူႈမီးၶၼ်ႇထႃႇၵမ်း လိုၼ်းသုတ်းၼႆႉယူႇယဝ်ႉ။
ၵုၺ်ၸရဝိမႃၼဝတ်ထု ႁူဝ်ႁႃႈ သုတ်းယဝ်ႉ။
ၽိုၼ်ဢိင် မႄးထတ်း
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ဢိၻ်ꩪိဝိမႃၼ၊ ပီၻဝၷ်ၷ၊ ၵုၺ်ꩡရဝိမႃၼဝတ်ထု