ဢမ်ပဝိမႃၼဝတ်ထု၊ ၼၢင်းၽီ လူႇမၢၵ်ႇမူင်ႈ
8. ဢမ်ပဝိမႃၼဝတ်ထု၊ ၼၢင်းၽီ လူႇမၢၵ်ႇမူင်ႈ မႄးထတ်း
ၼၢင်းၽီဢွၼ်ႇ မိူဝ်ႈပဵၼ်ၵူၼ်းၼၼ်ႉ လႆႈဢဝ်ဝတ်ႉၵျွင်း ဢၼ်မီးတူၼ်ႈမၢၵ်ႇမူင်ႈ လွမ်ႉႁွပ်ႈဝႆႉၼၼ်ႉ လူတၢၼ်းသင်ႇၶႃႇၸဝ်ႈ ၶဝ်သေ မိူဝ်ႈပွႆးယၢတ်ႇၼမ်ႉၵျွင်းၸမ်ႉ တမ်ႈတီႈ တူၼ်ႈမၢၵ်ႇမူင်ႈၸိူဝ်းၼၼ်ႉ သမ်ႉဢဝ် သိူဝ်ႈၶူဝ်းႁွႆႈႁဵတ်းပဵၼ် တူၼ်ႈပတေႇသႃႇသေ တႆႈၽႆးသေ လူႇတၢၼ်းသၢင်ႇၶႃႇၸဝ်ႈၶဝ်လႄႈ တမ်ႈတီႈ မိူင်းၽီၼႆႉ လႆႈမႃး မီးႁၢင်ႈႁေႃဝိမၢၼ်ႇၶိုၵ်ႉလူင် ၼႂ်းၵႄႈၵၢင် သူၼ်မၢၵ်ႇမူင်ႈလူင်သေ သဵင်တူႇရိယႃႇဝၢၼ်ႁူဢွၼ်ႇ လင်မေႃး၊ ၼၢင်းၽီဢွၼ်ႇ တင်းၼမ် ဢဝ်တၢင်းၵႃႈသေ မူၼ်ႈသိူဝ်းၸႂ်ပၼ်ယူႇလႄႈ
- 783။ သူၼ်မၢၵ်ႇမူင်ႈၽီမႂ်းၼႆႉ လီမူၼ်ႈသိူဝ်းတႄႉယဝ်ႉ။ ႁေႃဝိမၢၼ်ႇၶိုၵ်ႉယႂ်ႇ မႂ်းၼၢင်း ဢၼ်မီး ၼႂ်းသူၼ်မၢၵ်ႇမူင်ႈလူင်ၼႆႉ သဵင်တူႇရိယႃႇလင်မေႃးသမ်ႉပေႃးဢမ်ႇထၢတ်ႇ ၼၢင်းၽီဢွၼ်ႇၶဝ် ၵႃႈမူၼ်ႈသိူဝ်းပၼ် ပေႃးဢမ်ႇထၢတ်ႇ ဝႆႉယဝ်ႉ။
- 784။ ႁေႃပြသၢတ်ႈၼႆႉၵေႃႈ သီၽႆးၶမ်း ႁိူဝ်ႈလႅင်းဝႆႉယူႇတႃႇသေႇယဝ်ႉ။ တူၼ်ႈပတေႇသႃႇ ဢၼ်မီး သိူဝ်ႈၶူဝ်းၽီ ၸိူင်ႉၼၢင်ႇမၢၵ်ႇမၼ်းၼၼ်ႉ ဢုမ်ႇလွမ်ႉဝႆႉယူႇယဝ်ႉ။
- 785။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်းၼင်ႇၼႆၼေႃး။ ပ။ ယွၼ်ႉပိူဝ်ႈ ၵုသူဝ်ႇသင်သေ ငဝ်းတူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး (ၼႆ ၸဝ်ႈမွၵ်ႉၵလၢၼ်ႇ ထၢမ်ၵႂႃႇယဝ်ႉ)။
- 787။ ၼၢင်းၽီၼၼ်ႉၵေႃႈ ၸူမ်းသိူဝ်းသေ ။ ပ ။ ၶိုၼ်းတွပ်ႇလၢတ်ႈပၼ် လွင်ႈတၢင်း ၵၢမ်ႇၽၢၼ်ႇ ဢၼ် ပဵၼ်မႃးၼၼ်ႉယူႇ။
- 788။ မိူဝ်ႈၽဝႃႉ ပဵၼ်ၵူၼ်းၼၼ်ႉ ပုၼ်ႈတႃႇ သင်ႇၶႃႇၸဝ်ႈၶဝ်ၼႆ ၶႃႈၼၢင်းလႆႈၸႂ်ႉႁႂ်ႈႁဵတ်းလူႇ ၵျွင်းဢၼ်မီး သူၼ်မၢၵ်ႇမူင်ႈ ဢုမ်ႇလွမ်ႉဝႆႉၼၼ်ႉယဝ်ႉ။
- 789-790။ ပေႃးဝႃႈ ႁဵတ်းၵျွင်းယဝ်ႉတူဝ်ႈယဝ်ႉၼႆ မိူဝ်ႈၽွင်းပွႆးယၢတ်ႇၼမ်ႉၵျွင်းၼၼ်ႉ ဢဝ်ၽႅၼ်ႇႁဵတ်း ပူၵ်ႉႁဵတ်းၸွၵ်း ႁဵတ်းပဵၼ်မၢၵ်ႇမူင်ႈ ႁွႆႈသႂ်ႇတီႈတူၼ်ႈမၢၵ်ႇမူင်ႈသေ တႆးၽႆးလႅင်းၸွတ်ႇတူဝ်ႈ လႆႈလူႇၶဝ်ႈသွမ်းသင်ႇၶႃႇၸဝ်ႈၶဝ် ဢၼ်မျၢတ်ႈတွၼ်းလိူဝ် ၽီၵူၼ်းတင်းသဵင်ႈယဝ်ႉသေ ဝႆႉၸႂ်ၽိူၵ်ႇၽိူၵ်ႇၸိုၼ်ႈၸိုၼ်ႈ ဢဝ်ၵျွင်းၼၼ်ႉ လူႇတၢၼ်းထိုင် ၼႂ်းမိုဝ်းသင်ႇၶႃႇၸဝ်ႈယဝ်ႉ။
- 791။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ သူၼ်မၢၵ်ႇမူင်ႈၶႃႈၼၢင်းၼႆႉ လီသိူဝ်းၸႂ်တႄႉၶႃႈယဝ်ႉ။ ႁေႃပြ သၢတ်ႈယႂ်ႇၶိုၵ်ႉလူင် ဢၼ်မီးၼႂ်းသူၼ်မၢၵ်ႇမူင်ႈၼႆႉၵေႃႈ သဵင်တူႇရိယႃႇ လင်မေႃးထုၵ်ႇႁူသေ သဵင်ၵႂၢမ်းဝၢၼ် ၼၢင်းၽီဢွၼ်ႇၶဝ် ဢူၼ်ၼၼ်ႈဝႆႉယူႇယဝ်ႉ။
- 792။ တမ်ႈတီႈ ႁေႃပြသၢတ်ႈၼႆႉ ၽႆးသီၶမ်းၵေႃႈ ႁိူဝ်ႈလႅင်းယူႇတႃႇသေႇယဝ်ႉ။ တူၼ်ႈမႆႉဢၼ်မီး သိူဝ်ႈၶူဝ်းၽီ ၸိူင်ႉၼင်ႇမၢၵ်ႇမၼ်းၼၼ်ႉၵေႃႈ ဢုမ်ႇလွမ်ႉဝႆႉယဝ်ႉ။
- 793။ ယွၼ်ႉပိူဝ်ႈ ၵုသူဝ်ႇၼႃးမုၼ် ဢၼ်ၼၼ်ႉသေ ၶႃႈၼၢင်းၸင်ႇမႃးမီး ငဝ်းတူဝ်ႁိူဝ်ႈလႅင်းပိူင်း ၼင်ႇၼႆယဝ်ႉ။ ပ။ ၵွပ်ႈၵုသူဝ်ႇၼၼ်ႉသေ ဢူငဝ်းၶႃႈႁဝ်းၼႆႉၵေႃႈ ႁိူဝ်ႈႁိူင်း ပိူင်းသႂ်ၵႂႃႇ ၵူႈပႃႈၵူႈၽၢႆႇၶႃႈဢေႃႈ (တွပ်ႇၵႂႃႇ ၼင်ႇၼႆယဝ်ႉ)။
ဢမ်ၿဝိမႃၼဝတ်ထု ႁူဝ်ပႅတ်ႇသုတ်းယဝ်ႉ။
ၽိုၼ်ဢိင် မႄးထတ်း
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ မၺ်ꩡိꩦ်ꩧၵဝၷ်၊ ဢမ်ပဝိမႃၼဝတ်ထု၊