သၵ်ၶလိၵႃၻႃယိၵႃဝိမႃၼဝတ်ထု (25)၊ ၼၢင်းၽီ လူႇတၢၼ်း ၶႅပ်းၼမ်ႉဢွႆႈ
36- သၵ်ၶလိၵႃၻႃယိၵႃဝိမႃၼဝတ်ထု (25)၊ ၼၢင်းၽီ လူႇတၢၼ်း ၶႅပ်းၼမ်ႉဢွႆႈ
မႄးထတ်း- 610။ ၼၢင်းၽီ မိူၼ်ၼင်ႇလၢဝ်မႃမွင်း ပ။ ယွၼ်ႉပိူဝ်ႈ ၵုသူဝ်ႇသင်သေ မႂ်းၼၢင်း မႃးလႆႈပူၺ်ႈၽီ တၼ်းၸႂ်ၼင်ႇၼႆၼေႃး။
- 611။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်းၼင်ႇၼႆၼေႃး။ ပ။ယွၼ်ႉပိူဝ်ႈ ၵုသူဝ်ႇသင်သေ ငဝ်း တူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး။
- 612။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇထၢမ်လွင်ႈတၢင်းမၼ်းလႄႈ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ၸင်ႇၶိုၼ်းတွပ်ႇလၢတ်ႈၼႄ လွင်ႈတၢင်းမၼ်းၵႂႃႇ ၸွမ်းၼင်ႇၶေႃႈထၢမ်ၼၼ်ႉယဝ်ႉ။
- 613။ ၶႃႈၼၢင်းယၢမ်ႈလႆႈလူႇတၢၼ်း ၶႅပ်းၼမ်ႉဢွႆႈ တမ်ႈတီႈ ၸဝ်ႈရႁၢၼ်းၶဝ် ဢၼ်မႃး တုင်းသွမ်း ၼၼ်ႉဢေႃႈ။ ပ။
- 614။ တူၺ်းႁၢင်ႈႁေႃဝိမၢၼ်ႇၵဝ်ၶႃႈလႄႈ။ ၶႃႈၼၢင်းၼႆႉ ပဵၼ်ၼၢင်းၽီ ဢၼ်မီးႁၢင်ႈၽၢင် တဵမ်တၼ်းၸႂ်ၼၼ်ႉယဝ်ႉ။ ၶႃႈၼၢင်းၼႆႉ ၶိုၵ်ႉတွၼ်းလိူဝ်သေ ၼၢင်းၽီဢလုမ်းဢလၢင်း ႁဵင်းၵေႃႉၼၼ်ႉ ယဝ်ႉ။ တူၺ်းႁၼ်ထိုင် ၽွၼ်းလီၵုသူဝ်ႇတႃႉ။
- 615။ ယွၼ်ႉပိူဝ်ႈ ၵုသူဝ်ႇၼႃးမုၼ်ဢၼ်ၼၼ်ႉသေ ၶႃႈၼၢင်းၸင်ႇမႃးမီး ငဝ်းတူဝ်ႁိူဝ်ႈလႅင်းပိူင်း ၼင်ႇၼႆယဝ်ႉ။ ပ။ ၵွပ်ႈၵုသူဝ်ႇၼၼ်ႉသေ ဢူငဝ်းၶႃႈႁဝ်းၼႆႉၵေႃႈ ႁိူဝ်ႈႁိူင်း ပိူင်းသႂ်ၵႂႃႇ ၵူႈပႃႈၵူႈၽၢႆႇၶႃႈဢေႃႈ။
- 617။ လႆႈႁၼ် ၸိူဝ်းၼၢင်းၽီၶဝ် ဢၼ်မီးဢူငဝ်းတၼ်းၸႂ်ၼၼ်ႉယဝ်ႉ။ ၵွပ်ႈၼႆ ဢၼ်ၵဝ်လႆႈ ႁွတ်ႈၽႅဝ်မႃး မိူင်းၽီတႃဝတိမ်ႇသႃႇၼႆႉ ပဵၼ်လွင်ႈႁွတ်ႈၽႅဝ်လီယဝ်ႉ။ ၼႃႈမိူင်းလႅင်းမိူဝ်ႈၼႆႉ ပဵၼ်ၼႃႈ မိူင်းလႅင်းလီတႄႉယဝ်ႉ။ ဝၼ်းမိူဝ်ႈၼႆႉ ဢၼ်ၵဝ်လုၵ်ႉတိုၼ်ႇမႃးၼႆႉ ပဵၼ်လွင်ႈလုၵ်ႉတိုၼ်ႇလီတႄႉယဝ်ႉ။
- 618။ ၵွပ်ႈပိူဝ်ႈ လႆႈထွမ်ႇငိၼ်း တြႃးၵုသူဝ်ႇၼၢင်းၽီၶဝ် ၸိူဝ်းၼၼ်ႉသေ လွင်ႈလူႇတၢၼ်းၼၼ်ႉ လႄႈသင်၊ လွင်ႈတိုဝ်းၵမ်လီၼၼ်ႉလႄႈသင်၊ လွင်ႈပႂ်ႉပႃးသိၼ်ၼၼ်ႉလႄႈသင်၊ လွင်ႈသင်ႇသွၼ် ဢိၼ်ႇတရေႇ ၼၼ်ႉလႄႈသင် (ၵဝ်) တေႁဵတ်းၵၢၼ်လီၵုသူဝ်ႇတင်းၼမ်ယူႇယဝ်ႉ။ ပေႃးႁွတ်ႈၽႅဝ်တီႈ ၼိပ်ႉပၢၼ်ႇ ၼၼ်ႉယဝ်ႉၸိုင် ဢမ်ႇလႆႈၶီမႆႈသင်ယဝ်ႉ။ ၵဝ်ၸမ်ႉ တေႁဵတ်းၵုသူဝ်ႇတင်းၼမ်သေ တေၵႂႃႇတီႈၼိပ်ႉ ပၢၼ်ႇ တီႈဢမ်ႇလႆႈၶီမႆႈၼၼ်ႉယဝ်ႉ(ၼႆ သြႃႇၵုတ်ႉတိလ ဝႃႈၼင်ႇၼႆယဝ်ႉ)။
ၵုတ်တိဝိမႃၼဝတ်ထု ႁူဝ်ႁႃႈ သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ၵုတ်တိလဝိမႃၼ၊ သၵ်ၶလိၵႃၻႃယိၵႃဝိမႃၼဝတ်ထု