ဝီႇၶီႇၽီးတီးယႃး:Autoconfirmed users

ၼႃႈၵၢၼ်မၢင်ၸိူဝ်း တီႈၼိူဝ်ဝီႇၶီႇၽီးတီးယႃးၼႆႉ ဢိင်ၼိူဝ် ဢႃယုႇၸႂ်ႉတိုဝ်း လႄႈ ႁူဝ်ၵမ်းလွင်ႈမႄးထတ်းသေ လႆႈမၵ်းမၢႆဝႆႉလႄႈ ၽူႈၸိူဝ်းငမ်ႇမႅၼ်ႈၵၼ်တင်း လွင်ႈမၵ်းမၢႆၼႆႉ ဢဝ်သႂ်ႇတီႈၼႂ်း ၸုမ်း ၽူႈၸႂ်ႉတိုဝ်း ၸိူဝ်းၼႄႉၼွၼ်းတူဝ်ႁင်းၵူၺ်း (autoconfirmed) ၼၼ်ႉယဝ်ႉ။ လွင်ႈၸႂ်ႈ ပဵၼ်ၵေႃႉဢၼ်ၽႅဝ်ၸၼ်ႉ ဢၼ်ၼႄႉၼွၼ်းတူဝ်ႁင်းၵူၺ်းႁႃ ဢမ်ႇၽႅဝ်ဢၼ်ဝႃႈၼၼ်ႉ ၽွင်းမိူဝ်ႈႁဵတ်းသၢင်ႈ လွင်ႈႁဵတ်းသၢင်ႈ ဢၼ်မၵ်းၶၢၼ်းဝႆႉၼၼ်ႉ မိူဝ်ႈလႂ်ၵေႃႈ ၵူတ်ႇထတ်းၸွမ်းယဝ်ႉ။ ယွၼ်ႉဢဝ် သွပ်ႉၾ်ဝႄးရ်သေ ထတ်းလႄႈ ဢမ်ႇၸၢင်ႈပၢၵ်ႈပႅတ်ႈၶိုၼ်း။ တွၼ်ႈတႃႇ ၽႅဝ်ႁွတ်ႈ ၸၼ်ႉၼႄႉၼွၼ်းတူဝ်ႁင်းၵူၺ်းၼၼ်ႉ ၶေႃႈဢၼ်လူဝ်ႇမီးမၼ်း မီးလွင်ႈပႅၵ်ႇပိူင်ႈဝႆႉယဝ်ႉ။ ဢႃႇယုႇၸႂ်ႉ တီႈ ဝီႇၶီႇၽီးတီးယႃးၼႆႉ လူဝ်ႇလႆႈမီး (4) ဝၼ်း၊ တေလႆႈႁဵတ်း လွင်ႈမႄးထတ်း တီႈဢေႇသုတ်း (10) ဢၼ်ၼႆသေ ၵူၼ်းၵေႃႉၼၼ်ႉ ထုၵ်ႇမၵ်းမၼ်ႈပဵၼ် ၽူႈၸႂ်ႉတိုဝ်းၼႄႉၼွၼ်းတူဝ်ႁင်းၵူၺ်းယဝ်ႉ။ ၵူၺ်းၵႃႈဝႃႈ ပေႃးၸႂ်ႉ ၵွင်ႉသၢၼ်လပ်ႉတူဝ် (Tor Network) သေ မႄးထတ်းၼႆတႄႉ တူဝ်းယႂ်ႇသေ ပေႃး ဢႃႇယုၸႂ်ႉ မီး (90) လႄႈ ပေႃးႁဵတ်း လွင်ႈမႄးထတ်း မီး (100) ၸင်ႇၵွႆႈ ၶဝ်ႈသဵၼ်ႈမၢႆယဝ်ႉ။

ၸၼ်ႉၼႄႉၼွၼ်းတူဝ်ႁင်းၵူၺ်းၼၼ်ႉ သင်ဝႃႈလူဝ်ႇႁဵတ်း လွင်ႈၶၢႆႉၼႃႈလိၵ်ႈ၊ တႃႇမႄးထတ်း ၼႃႈလိၵ်ႈ ၸိူဝ်းႁႄႉၵင်ႈဝႆႉပဵၼ်ပွတ်းပဵၼ်တွၼ်ႈ၊ တႃႇ လူတ်ႇၶိုၼ်ႈၾၢႆႇ လႄႈ တႃႇဢဝ်ၾၢႆႇဢၼ်မႂ်ႇ တႅၼ်းတၢင်တီႈ ၾၢႆႇယၢမ်းလဵဝ် ၸၵႂႃႇၸိူဝ်းၼႆႉႉယဝ်ႉ။ ၽူႈၸႂ်ႉတိုဝ်းၼႄႉၼွၼ်းတူဝ်ႁင်းၵူၺ်းၼႆႉ ပေႃးႁဵတ်းၵၢၼ်ၵမ်ႉပႃႈၼမ်ၼႆႉ တေဢမ်ႇလူဝ်ႇႁဵတ်း လိၵ်ႈၽၢမ်းႁၢင်ႈ (CAPTCHA) ယဝ်ႉ။ တေမီးသုၼ်ႇမၵ်းမၢႆ ၼႃႈလိၵ်ႈလိၵ်ႈပဵၼ် ၼႃႈလိၵ်ႈဢၼ်ၵူတ်ႇထတ်းယဝ်ႉ (Patrolled Page) ၼၼ်ႉယဝ်ႉ။