ဝိသႃလၵ်ၶိဝိမႃၼဝတ်ထု၊ ၼၢင်းၽီ ဝိသႃႇလၵ်ႉၶိ
9. ဝိသႃလၵ်ၶိဝိမႃၼဝတ်ထု၊ ၼၢင်းၽီ ဝိသႃႇလၵ်ႉၶိ
မႄးထတ်း- 666။ ၼၢင်းၽီဢွၼ်ႇ ဢၼ်မီးမၢၵ်ႇတႃၵႂၢင်ႈ ႁၢင်ႈလီႁၢင်ႈလဝ်း၊ မႂ်းၼၢင်း ဢၼ်ၼၢင်းၽီဢွၼ်ႇၼိုင်ႈႁဵင် ဢုမ်ႇလွမ်ႉသေ မႃးဢႅဝ်ႇလႄႇ ၼႂ်းသူၼ်ၸႂ်သိူဝ်း ၸိတ်ႉတလတႃၼႆႉ ၸိုဝ်ႈမႂ်ႈၼၢင်း ႁွင်ႉဝႃႈၼင်ႇႁိုဝ်ၼေႃး။
- 667။ မၢင်ပွၵ်ႈမၢင်လႂ် ၽီမိူင်းတႃႇဝတိမ်ႇသႃႇၶဝ် ၶဝ်ႈမႃးၼႂ်းသူၼ်သိူဝ်းၼႆႉယဝ်ႉ။ ၽွင်းမိူဝ်ႈ ၶဝ်ၶဝ်ႈမႃးၼႂ်း သူၼ်သိူဝ်းၸႂ် ၸိတ်ႉတလတႃႇၼၼ်ႉ ရထႃးၸၢင်ႉ၊ ရထႃးမႃႉၶဝ်ၸိူဝ်းၼၼ်ႉလႄႈ ၽီၶဝ်တင်းသဵင်ႈ ႁၢင်ႈၽၢင်ၶဝ် ႁၢင်ႈလီလိူဝ်တွၼ်း ယွၼ်ႉပိူဝ်ႈ သူၼ်သိူဝ်းၸိတ်ႉတလတႃႇၼၼ်ႉယဝ်ႉ။
- 668။ တမ်ႈတီႈ တူဝ်မႂ်းၼၢင်း ဢၼ်ၽႅဝ်မႃး တီႈသူၼ်သိူဝ်းၼႆႉတႄႉ ဢမ်ႇႁၼ်ငဝ်း(သူၼ်သိူဝ်း) ႁူမ်ႇလူမ်ႈ တူဝ်မႂ်းၼၢင်းလႆႈ။ ၼၢင်းၽီဢွၼ်ႇ ယွၼ်ႉပိူဝ်ႈ ၵၢမ်ႇၵုသူဝ်ႇဢၼ်လႂ်သေလႄႈ ငဝ်းတူဝ်မႂ်ႈၼၢင်း သမ်ႉပေႃးလိူဝ်လူၼ်ႉ ပူၼ်ႉလႆႈ ငဝ်းသူၼ်သိူဝ်းၸိတ်ႉတလတႃႇၼႆႉၼေႃး။ ၽွၼ်းလီဢၼ်ၼႆႉ ပဵၼ်ၽွၼ်းလီၵုသူဝ်ႇဢၼ်လႂ်ၼေႃး။ ၵဝ် ထၢမ်မႂ်းယူႇယဝ်ႉ။ တွပ်ႇမႃးလႄႈ(ၼႆ ၸဝ်ႈၶုၼ်ဢိၼ်းထၢမ်ၵႂႃႇယဝ်ႉ)။
- 669။ ၸွမ်ၽီမီးမုၼ် ၸဝ်ႈၶုၼ်ဢိၼ်းတီႈၶႃႈ... ယွၼ်ႉပိူဝ်ႈ ၵၢမ်ႇၵုသူဝ်ႇၸိူဝ်းၼၼ်ႉလႄႈ ငဝ်းတူဝ် ၶႃႈၼၢင်း လႄႈသင်၊ တၢင်းၵႂႃႇၵတိၶႃႈၼၢင်းလႄႈသင်၊ တၼ်းၶူဝ်းၶႃႈၼၢင်းလႄႈသင်၊ ဢႃႇၼုၽေႃႇၶႃႈၼၢင်းလႄႈသင် (ၸင်ႇပဵၼ် ၼႆမီးၼႆတီႈၶႃႈယဝ်ႉ) ထွမ်ႇငိၼ်းဢဝ် ၵုသူဝ်ႇၶႃႈၼၢင်းၼၼ်ႉၶႃႈလႄႈ။
- 670။ ၸၢတ်ႈၵွၼ်ႇဝၼ်းလင် ၶႃႈၼၢင်းႁိၵ်ႈၸိုဝ်ႈဝႃႈ သုၼၼ်ႇတႃႇၼႆသေ ယူႇသဝ်းတမ်ႈတီႈ ဝဵင်းရႃႇၸၵႁ တီႈလီသိူဝ်းၸႂ်ၼၼ်ႉယဝ်ႉ။ လွင်ႈယုမ်ႇယမ် (သတ်ႉထႃႇ)လႄႈ လွင်ႈတိုဝ်းၵမ် (သီႇလ) တဵမ်ထူၼ်ႈမႃးယူႇယဝ်ႉ။ တိုၼ်းမူၼ်ႈသိူဝ်းလူၺ်ႈ လွင်ႈၸႃႇၵလူႇတၢၼ်းယိုၼ်ႈမႅင်ႇၼၼ်ႉမႃးတႃႇသေႇယူႇ။
- 671။ မီးၸႂ်ယုမ်ႇယမ် တမ်ႈတီႈ ၸဝ်ႈရႁၢၼ်းၶဝ် ဢၼ်မီးၸႂ်သိုဝ်ႈယူဝ်းၼၼ်ႉသေ လႆႈဢဝ် ၽႃႈဝၢတ်ႈလႄႈ သင်၊ သွမ်းလႄႈသင်၊ ၵျွင်းတီႈယူႇတီးသဝ်းလႄႈသင်၊ ၽႆးလႄႈသင် လူႇတၢၼ်းမႃးယူႇယဝ်ႉ။
- 672။ မိူဝ်ႈဝၼ်းၽိတ်ႈ လိူၼ်မႂ်ႇသိပ်းသီႇၶမ်ႈ လိူၼ်လပ်းသိပ်းသီႇၶမ်ႈလႄႈသင်၊ ဝၼ်းသိပ်း ႁႃႈၶမ်ႈလႄႈ သင်၊ ဝၼ်းပႅတ်ႈၶမ်ႈလႄႈသင် ဝၼ်းၽိတ်ႈပႅတ်ႇၶမ်ႈလႄႈသင် ဝၼ်းဢွၵ်ႇသိၼ်ၼၼ်ႉလႄႈသင် ၶႃႈၼၢင်းၼႆႉ တိုဝ်းၵမ်သိၼ်ပႅတ်ႇ ႁႂ်ႈတဵမ်ထူၼ်ႈမႃးၶႃႈဢေႃႈ။
- 673။ ႁပ်ႉသိၼ်ဢုပုတ်ႈယဝ်ႉ။ သိၼ်သီႇလၵေႃႈ ႁႂ်ႈမၼ်ႈၵိုမ်းမႃးတႃႇသေႇယဝ်ႉ။ ပႂ်ႉပႃး(တူဝ် လႄႈ သူပ်း) ယဝ်ႉ။ ၸႅၵ်ႇၽႄလူႇတၢၼ်းမႃးယဝ်ႉ။ (ၵွပ်ႈၵုသူဝ်ႇၼၼ်ႉသေ) ၶႃႈၼၢင်းလႆႈယူႇသဝ်း တီႈႁေႃ ဝိမၢၼ်ႇၼႆႉယဝ်ႉ။
- 674။ ၶႃႈၼၢင်းၼႆႉ လွင်ႈဢဝ်တၢႆသၢႆၸႂ်ပိူၼ်ႈၵႄႃႈ ငိူင်ႉဝႄႈယဝ်ႉ။ လွင်ႈလၢတ်ႈမၢပ်ႇပႅတ်ႉလႅၼ်ၼၼ်ႉ လႄႈသင်၊ လွင်ႈလၵ်ႉဢဝ် ၶူဝ်းဢၼ်ၸဝ်ႈပိူၼ်ႈဢမ်ႇပၼ်လႄႈသင်၊ လွင်ႈပူၼ်ႉပႅၼ် ၽူဝ်သေ ၵႂႃႇၵူတ်ႉၵူၼ်းၸၢႆး တၢင်ႇၵေႃႉၼၼ်ႉလႄႈသင်၊ လွင်ႈၵိၼ်လဝ်ႈမဝ်းၵႅပ်ႇလႄႈသင် ငိူင်ႉဝႄႈၵႆၵႆယူႇယဝ်ႉ။
- 675။ ၶႃႈၼၢင်းၼႆႉ မူၼ်ႈသူဝ်းလူၺ်ႈ သိၼ်ႁႃႈသိၼ်ႈယဝ်ႉ။ လၵ်းလႅမ်ႁူႉႁၼ် ဢရိယႃႇသတ်ႉၸႃႇယဝ်ႉ။ ပဵၼ်ဢုပႃႇသိၵႃႇ မုၼ်ၶမ်းၽြႃး ဢၼ်မီးၸၵ်ႉၶုႁႃႈပိူင် ဢၼ်ၸိုဝ်ႈသဵင်လိုဝ်းလင် ဢၼ်မီး ဢလုမ်းဢလၢင်းၼမ်ၼၼ်ႉယဝ်ႉ။
- 676။ ပုၼ်ႈတႃႇ ၶႃႈၼၢင်းၼၼ်ႉ ၶႃႈၼၢင်း ဢဝ်မွၵ်ႇတမ်ႈတီႈ ႁိူၼ်ႈပေႃႈမႄႈမႃး တႃႇသေႇယဝ်ႉ။ မွၵ်ႇၸိူဝ်း ၼၼ်ႉတင်းသဵင်ႈ ၶႃႈၼၢင်း ဢဝ်လူႇတၢၼ်းပူႇၸေႃႇပၼ် တမ်ႈတီႈ ထၢတ်ႈၸေႇတီႇ မုၼ်ၶမ်းၽြႃးယဝ်ႉ။
- 677။ ဝၼ်းသိၼ်ဢုပတ်ႈ (ဝၼ်းသိၼ်လူင်)ၼၼ်ႉတႄႉ မီးၸႂ်ၼပ်ႉယမ် ယႂ်ႇၼမ်သေ တၢမ်တူဝ်ၶႃႈၼၢင်း ၵေႃႉၵွႃႇတမ်ႈတီႈ ထၢတ်ႈၸေႇတီႇ ဢဝ်မွၵ်ႇ ဢဝ်ၼၢမ်ႇသႃႇ လူႇတၢၼ်းယဝ်ႉ။
- 678။ ၸဝ်ႈၶုၼ်ဢိၼ်း ယွၼ်ႉပိူဝ်ႈ ၵုသူဝ်ႇ ဢၼ်လႆႈလူႇမွၵ်ႇတမ်ႈတိႈ ထၢတ်ႈၸေႇတီႇၼၼ်ႉလႄႈ ငဝ်းတူဝ် ၶႃႈၼၢင်းလႄႈသင်၊ တၢင်းၵႂႃႇၵတိၶႃႈၼၢင်းလႄႈသင်၊ တၼ်းၶူဝ်းၶႃႈၼၢင်းလႄႈသင်၊ ဢႃႇၼုၽေႃႇၶႃႈၼၢင်းလႄႈသင် (ၸင်ႇပဵၼ်မႆမီးၼႆယဝ်ႉ)။
- 679။ ၸဝ်ႈၶုၼ်ဢိၼ်း ၶႃႈၼၢင်းၼႆႉ ပဵၼ်ၵေႃႉဢၼ်မီးသိၼ်မၼ်ႈမႃးဢေႃႈ။ ၽွၼ်းလီသိၼ်ၼၼ်ႉ ပႆႇပၼ် ၽွၼ်းမၼ်း တမ်ႈတီႈ ၶႃႈၼၢင်း။ ၶႃႈၼၢင်းမုင်ႈမွင်းဝႆႉဝႃႈ ယွၼ်ႉပိူဝ်ႈ လွင်ႈတၢင်းဢၼ်လႂ်သေ ၶႃႈၼၢင်းတေလႆႈပဵၼ် ၼၢင်းယိင်းသၵတႃႇၵၢမ်ႇၼေႃး ၼႆယူႇ။
ဝိသႃလၵ်ၶိဝိမႃၼဝတ်ထု ႁူဝ်ၵဝ်ႈ သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပႃရိၸ်ꧡတ်တၵဝၷ် ဝိသႃလၵ်ၶိဝိမႃၼဝတ်ထု၊