လၢႆးပိုၼ်မဵတ်ႉတႃႇ သိပ်းဢဵတ်းပိူင် ဢၼ်မႃးၼႂ်း မဵတ်ႉတႃႇသုတ်ႈ

သပ်ႉပသင်ႇၵႁမဵတ်ႉတႃႇ (႑) ပိူင် မႄးထတ်း

႑. သတ်ႉတဝႃႇတၢင်းသဵင်ႈလႂ် ၊ ၶမ်ႈဝၼ်းၼႂ် ၊ တူဝ်ၸႂ်ႁႂ်ႈသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။

ၻုၵမဵတ်ႉတႃႇၽႃႇဝႃႇၼႃႇ (႔) ပိူင် မႄးထတ်း

႒. ၸိူဝ်းဢၼ်မေႃၵူဝ် ၊ ဢမ်ႇမေႃၵူဝ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။
႓. ၸိူဝ်းဢၼ်ႁၼ်တူဝ် ၊ ဢမ်ႇႁၼ်တူဝ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။
႔. ၸိူဝ်းမီးၵႆလႂ် ၊ မီးၸမ်လႂ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။
႕. ၸိူဝ်းၸၢတ်ႈသုတ်းလႂ် ၊ ဢမ်ႇသုတ်းလႂ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။

တိၵမဵတ်ႉတႃႇၽႃႇဝႃႇၼႃႇ (႓) ပိူင် မႄးထတ်း

႖. တူဝ်ပွတ်းယၢဝ်းလႂ် ၊ ပၢၼ်ၵၢင်လႂ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။
႗. တူဝ်လဵၵ်ႉယႂ်ႇလႂ် ၊ ပၢၼ်ၵၢင်လႂ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။
႘. တူဝ်ပီးယွမ်လႂ် ၊ ပၢၼ်ၵၢင်လႂ် ၊ တူဝ်ၸႂ်ႁႂ်းသိူဝ်းသႃႇ။
ၽေးၶဵၼ်သၢင်းလၢင်း ၊မႆႈၸႂ်ၵၢင်း ၊ လွတ်ႈတၢင်းလွင်ႈတုၵ်ႉၶႃႇ။

ဢႁိတႃႇပၼယၼ မဵတ်ႉတႃႇၽႃႇဝႃႇၼႃႇ (႓) ပိူင် မႄးထတ်း

႙. ၵူၼ်းႁဝ်းၼင်ႇၵၼ် ၊ ၵူတ်ႉတေႃႇၵၼ် ၊ ႁႂ်ႈဢၼ်ယၢၼ်ၵၢင်းၵႂႃႇ။
႑႐. ထၢင်ႇလဵၵ်ႉတေႃႇၵၼ် ၊ ၸိူင်ႉၼင်ႇၼၼ် ၊ ႁႂ်ႈဢၼ်ယၢၼ်ၵၢင်းၵႂႃႇ။
႑႑. ၶႂ်ႈႁႂ်ႈၵၼ်ၽၢၼ် ၊ ၸိူင်ႉၼင်ႇၼ် ၊ ႁႂ်ႈဢၼ်ယၢၼ်ၵၢင်းၵႂႃႇ

တီႈပွင်ႇ မႄးထတ်း

႑. ၵႃႈပဵၼ်သတ်ႉတဝႃႇတင်းသဵင်ႈ တူဝ်ၸႂ်သွင်ပိူင် ႁႂ်ႈၵတ်းယဵၼ်သေၵမ်း။
ႁႂ်ႈၽေးၶဵၼ်တၢင်းသဵင်ႈ မူတ်းၵဵင်ႈသေၵမ်း၊ ႁႂ်းၵတ်းယဵၼ်သိူဝ်းသႃႇသေၵမ်း။
႒. (ၵ) ၵွပ်ႈပိူဝ်ႈတိုၵ်ႉမီးၻေႃးသယူႇလႄႈ ပုထုၸၼ်ႇ ၊ သေႃးတႃႇပၢၼ်ႇ ၊ သၵၻႃႇၵၢမ်ႇ ၊ ဢၼ်မေႃၵူဝ် ဢိၵ်ႇလူၺ်ႈ
(ၶ) ၵွပ်ႈပိူဝ်ႈဢမ်ႇမီးၻေႃးသ​ယဝ်ႉလႄႈ ဢၼႃႇၵမ်ႇ ၊ ရႁၢၼ်းတႃႇ ဢၼ်ဢမ်ႇမေႃၵူဝ်ၼၼ်ႉ ႁႂ်ႈတူဝ်ၸႂ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႓. သတ်ႉတဝႃႇ ဢၼ်ဢဝ်တႃႁဝ်းႁၼ်လႄႈသင်၊ ဢမ်ႇႁၼ်လႄႈသင် ႁႂ်ႈတူဝ်ၸႂ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႔. သတ်ႉတဝႃႇ ဢၼ်ယူႇၵႆႁဝ်းၼၼ်ႉလႄႈသင်၊ ဢၼ်ယူႇၸမ်ႁဝ်းၼၼ်ႉလႄႈသင် ႁႂ်ႈတူဝ်ၸႂ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႕. ရႁၢၼ်းတႃႇ ဢၼ်ၸၢတ်ႈၽဝသုတ်းၼၼ်ႉလႄႈသင်၊ ပုထုၸၼ်ႇသၵတႃႇၵၢမ်ႇ ဢၼႃႇၵၢမ်ႇ ဢၼ်ၸၢတ်ႈပႆႇသုတ်းၼၼ်ႉလႄႈသင် ႁႂ်ႈတူဝ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႖. သတ်ႉတဝႃႇ ဢၼ်တူဝ်ယၢဝ်းၼၼ်ႉလႄႈသင်၊ ဢၼ်တူဝ်ပွတ်းၼၼ်ႉလႄႈသင်၊ ဢၼ်တူဝ်ဢမ်ႇပွတ်းဢမ်ႇယၢဝ်းၼၼ်ႉလႄႈသင် ႁႂ်ႈတူဝ်ၸႂ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႗. သတ်ႉတဝႃႇ ဢၼ်တူဝ်ယႂ်ႇၼၼ်ႉလႄႈသင်၊ ဢၼ်တူဝ်လဵၵ်ႉၼွႆႉလႄႈသင်၊ ဢၼ်တူဝ်ဢမ်ႇလဵၵ်ႉဢမ်ႇယႂ်ႇၼၼ်ႉလႄႈသင် ႁႂ်ႈတူဝ်ၸႂ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႘. သတ်ႉတဝႃႇ ဢၼ်တူဝ်ပီးၼၼ်ႉလႄႈသင်၊ ဢၼ်တူဝ်ယွမ်ၼၼ်ႉလႄႈသင်၊ ဢၼ်တူဝ်ဢမ်ႇပီးဢမ်ႇယွမ်ၼၼ်ႉလႄႈသင်၊ ႁႂ်ႈတူဝ်ၸႂ်သွင်ပိူင် ၵတ်းယဵၼ်သိူဝ်းသႃႇသေၵမ်း။
႙. လွင်ႈၵူတ်ႉလႅၼ်ၵၼ် ဢၼ်ပဵၼ် ငိူၼ်ႈတုၵ်ႉၶၼၼ်ႉ ႁႂ်းၵၢင်းယၢၼ်သေၵမ်း။
႑႐. လွင်ႈထၢင်ႇလဵၵ်ႉၵၼ် ဢၼ်ပဵၼ်ငိူၼ်ႈတုၵ်ႉၶၼၼ်ႉ ႁႂ်ႈၵၢင်းယၢၼ်သေၵမ်း။
႑႑. လွင်ႈၶႂ်ႈႁႂ်ႈပိူၼ်ႈတုၵ်ႉၶၶၢၼ်ၸႂ်ၼၼ်ႉ ႁႂ်ႈၵၢင်းယၢၼ်သေၵမ်း။

ၽိုၼ်ဢိင် မႄးထတ်း

ၼႃးလိၵ်ႈ (႑႕႓) ၊ တြႃးပုတ်ႉထၽႃႇသႃႇ (ၸၼ်ႉငဝ်ႈ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999