လွၵ်းလၢႆးၸဵတ်းလၢႆး တႃႇၸွပ်ႇႁူႉလႆႈ ၸႂ်ၵူၼ်း
- ႁႃလွင်ႈတၢင်းၵဵဝ်ႇလူၺ်ႈ လွင်ႈပၺ်ႁႃ (ပျႃႉသၼႃႇ) ၵၢၼ်မိူင်း မႃးတွင်ႈထၢမ်မၼ်း လွင်ႈၼႆႉ တႃႇလဵပ်ႈႁဵၼ်းတူၺ်းဝႃႈ မၼ်းမီးတၢင်းႁၼ်ထိုင် ဢမ်ႇၼၼ် မီးလွင်ႈတၢင်းၶႂ်ႈႁဵၻ်းၶႂ်ႈပဵၼ်ၸိူင်ႉႁိုဝ်။
- ႁႃပၺ်ႁႃ လၢႆလၢႆမဵဝ်းမႃးတွင်ႈထၢမ်မၼ်းတူၺ်း မၼ်းတေတွပ်ႇၶိုၼ်း လႄႈ ၸႂ်ႉၺၢၼ်ႇပၺ်ႇၺႃႇၵႄႈလိတ်ႈပၺ်ႁႃၸိူင်ႉႁိုဝ်။
- တွင်ႈထၢမ်မၼ်း လွင်ႈၽႅၼ်ၵၢၼ်လၢႆလၢႆမဵဝ်း လွင်ႈၼႆႉ တႃႇလဵပ်ႈႁဵၼ်းတူၺ်းဝႃႈ မၼ်းမီးလွင်ႈႁူႉတၢင်းႁၼ်ပဵၼ်ၸိူင်ႉႁိုဝ်။
- တမ်းဝၢင်းပၼ်ၵၢၼ် ဢၼ်ယၢပ်ႇၽိုတ်ႇလႄႈ မီးၽေး ႁႂ်းမၼ်းႁဵတ်းတူၺ်း လွင်ႈၼႆႉ တႃႇလဵပ်ႈႁဵၼ်းတူၺ်းဝႃႈ ၸွင်ႇမၼ်းမီးတၢင်းႁတ်းႁၢၼ်လႄႈ တၢင်းယိူၼ်ႉၵၼ်ႈ။
- ႁႃလဝ်ႈမႃးလဵင်ႉလူ ႁႂ်ႈပေႃးမဝ်း လွင်ႈၼႆႉ တႃႇလဵပ်ႈႁဵၼ်းတူၺ်းဝႃႈ မၼ်းမီးဢၵျၢင်ႉပဵၼ်ၸိူင်ႉႁိုဝ်။
- ႁႃယိူဝ်ႇမႃးယွၵ်ႇၸႂ် လွင်ႈၼႆႉ တႃႇလဵပ်ႈႁဵၼ်းတူၺ်းဝႃႈ ၸွင်ႇမၼ်းပဵၼ်ၵူၼ်းၵေႃႉဢၼ်သိုဝ်ႈယူဝ်း။
- တမ်းဝၢင်းၵၢၼ်ပၼ်မၼ်းႁဵတ်း ႁႂ်းၶိၼ်းၶၢဝ်းယၢမ်းဝႆႉပၼ်ပႃး လွင်ႈၼႆႉ တႃႇလဵပ်ႈႁဵၼ်းတူၺ်းဝႃႈ ၸွင်ႇမၼ်းမီးသၸ်ႉၸႃႇ ႁဵတ်းၸွမ်းၵႂၢမ်းလၢတ်ႈလႄႈ ႁဵတ်းၵၢၼ် ႁႂ်ႈယဝ်ႉတူဝ်ႈၸွမ်းယၢမ်းၶိၼ်း။
ၼႂ်းၵႃႈလၢႆးပွင်ႇႁူႉၸႂ်ၵူၼ်း ၸဵတ်းလၢႆးဝႃႈမႃးၼႆႉ ပဵၼ်လၢႆးၼိူဝ်သဵၼ်ႈတၢင်း တႃႇတေလဵပ်ႈႁဵၼ်းၵူၼ်း ႁႂ်ႈပွင်ႇၸႅင်ႈလႅင်းၸႂ် တၢင်းၽၢႆႇၼွၵ်ႈလႄႈ ၽၢႆႇၼႂ်းသေ ၸင်ႇၵွႆႈဢဝ်ၸႂ်ႉတိုဝ်းၵၢၼ် လႄႈ ဢၢပ်ႈပၼ်ၼႃႈၵၢၼ် ႁႂ်ႈႁဵတ်း၊ ပေႃးႁဵတ်းၼႆ ၽူးၼမ်း ၸင်ႇတမ်းၸႂ်လႆႈဝႃႈ ၵၢၼ်ငၢၼ်းၸင်ႇဢွၵ်ႇမႃးလႆႈ ၸွမ်းၽႅၼ်ၵၢၼ်ဢၼ်တမ်းဝၢင်းဝႆႉၼၼ်ႉယဝ်ႉ။
ၽိုၼ်ဢိင် မႄးထတ်း
- ထဵၼ်းၶျႆး ဢဵမ်ႇဝရမဵတ်ႉ "ၽိုၼ်ပၢႆးဝူႉၶွင်ၶူင်ၿဵင်ႈ" (ၸူးၵတ်းလႅင်)၊ ပေႃႉတီႈဝဵင်းမိူင်းၵွၵ်ႇ၊ ပီၶရိတ်ႉ 1973
- ၼႃႈလိၵ်ႈ - ႑႓႓၊ ပပ်ႉသႅင်တဵၼ်း၊Vol.5, ပီ 2000