လွင်ႈၸွႆႈထႅမ်:သိုပ်ႇမိုတ်ႈ လၵ်းၵၢၼ် လႄႈ ၵႅမ်မိုဝ်း/2

လၵ်းၵၢၼ် လႄႈ ၵႅမ်မိုဝ်း
ႁဵတ်းသင်လႄႈ ၸိူဝ်းၼႆႉ လႆႈမီးဝႆႉ

လမ်းၼႂ်း
ပၵ်းပိူင် တွၼ်ႈတႃႇ လွင်ႈတႅမ်ႈလိၵ်ႈႁွမ်တွမ်

လွင်ႈႁဵတ်းသၢင်ႈ
ၵပ်းသိုပ်ႇသိူၵ်ႈသမ်ႇတင်း ၵူၼ်းတၢင်ႇၸိူဝ်း

ႁုပ်ႈ
ၸဝ်ႈၵဝ်ႇ ႁူႉသင်ၵႂႃႇယဝ်ႉ

တူၺ်းတင်းသဵင်ႈ တီႈၼႃႈလိၵ်ႈလဵဝ်

<< ႁူၼ်ၸူး မႄးၼူးၵၢၼ်ႁဵၼ်း

ဝီႇၶီႇၽီးတီးယႃးၼႆႉ မၼ်းပဵၼ် ပပ်ႉသႅၼ်သမ်ႇဢၼ်ၼိုင်ႈသေ တူင်ႇဝိူင်းၸိူဝ်းဢၼ်ႁူမ်ႈၵၼ် မႄးထတ်းယူႇၼၼ်ႉ ၶဝ်ဢွၼ်ၵၼ်ၶတ်းၸႂ်တႄႉတႄႉဝႃႈဝႃႈ ႁႂ်ႈမၼ်းမီးလွင်ႈတႅတ်ႈတေႃးမၢၼ်ႇမႅၼ်ႈလီၼၼ်ႉယဝ်ႉ။ လိၵ်ႈႁွမ်တွမ်ၼႆႉ မၼ်းလူဝ်ႇလႆႈပဵၼ် ၽဵင်ႇၽဵင်ႇပဵင်းပဵင်း သေ မၼ်းထုၵ်ႇလီၶဝ်ႈပႃး ၶေႃႈမုၼ်း လွင်ႈၼႄႉၼွၼ်းမၵ်းမၼ်ႈလႆႈ ၸိူဝ်းဢၼ်ၼႄဝႆႉတီႈ ငဝ်ႈငႃႇ ဢၼ်မၼ်ႈၵႅၼ်ႇလီ ၼၼ်ႉယဝ်ႉ။

တၢင်းႁၼ်ထိုင် ဢၼ်ဢမ်ႇၸွမ်းၽၢႆႇ (ဢမ်ႇၼၼ် NPOV) ဢၼ်ဝႃႈၼႆႉ မၼ်းပဵၼ် လွင်ႈတႅမ်ႈဝႆႉ ဢၼ်ဢမ်ႇမီးလွင်ႈၸွမ်းၽၢႆႇ၊ လွင်ႈပေႉပႃႉၽၢႆႇလႂ်သေၵေႃႈ တႅမ်ႈဝႆႉၸွမ်း လွင်ႈမၢၼ်ႇမႅၼ်ႈလီလီၼၼ်ႉယဝ်ႉ။ လွင်ႈတၢင်းယိူင်းဢၢၼ်း ပပ်ႉသႅၼ်သမ်ႇၼိုင်ႈဢၼ်ၼႆႉၵေႃႈ တီႈၼႂ်းလိၵ်ႈႁွမ်တွမ်ၼႆႉ မၼ်းတေဢမ်ႇလႆႈပႃး လွင်ႈၵမ်ႉၵႅမ်ဢၼ်ၸွမ်းၽၢႆႇၼၼ်ႉယဝ်ႉ။ လွင်ႈႁဵတ်းသၢင်ႈႁၢဝ်ႈႁႅင်း ဢၼ်ဢမ်ႇၸွမ်းၽၢႆႇၼၼ်ႉ မၼ်းတေၸၢင်ႈၸွႆႈထႅမ်ပၼ် ယႃႇႁႂ်ႈ လိၵ်ႈႁွမ်တွမ်ၸိူဝ်းၼႆႉ မိူၼ် လိၵ်ႈပိုၼ်ၽၢဝ်ႇ ဢမ်ႇၼၼ် လိၵ်ႈၽႄႈတိုၼ်းပၢႆးဝူၼ်ႉ(ဝႃႇတ) ၼၼ်ႉယဝ်ႉ။

ၸၢမ်းတွပ်ႇတူၺ်း လွင်ႈသိူင်ႇငိူၼ်ႈ ဢမ်ႇၸွမ်းၽၢႆႇ

လွင်ႈၼႄႉၼွၼ်းမၵ်းမၼ်ႈလႆႈ ဢၼ်ဝႃႈၼႆႉ တီႈၼႂ်း လိၵ်ႈႁွမ်တွမ်ၼႆႉ မၼ်းထုၵ်ႇလီၶဝ်ႈပႃး ငဝ်ႈငႃႇ ဢၼ်မၼ်ႈၵႅၼ်ႇလီ ၸိူဝ်းပဵၼ် လွင်ႈတၢင်း ၸိူဝ်းဢၼ်ပႃးမႃးဝႆႉ တီႈၼႂ်း လိၵ်ႈၽိုၼ်ၶၢဝ်ႇ လႄႈ ၵျႃႇၼႄႇပၢႆးပႆႇၺႃႇ ဢၼ်လႆႈၼပ်ႉယမ်ၼၼ်ႉၼႆယဝ်ႉ။ လွင်ႈတၢင်းၵူႈဢၼ် ၸိူဝ်းဢၼ်ပႃးၼႂ်း လိၵ်ႈႁွမ်တွမ်ၼႆႉ မၼ်းထုၵ်ႇလီၵမ်ႉထႅမ်ဝႆႉပၼ် ၶေႃႈဢၢင်ႈဢိင်ႈသေတႃႉ ပေႃးပဵၼ်လွင်ႈတၢင်း ဢၼ်မဵဝ်းၸၢင်ႈပဵၼ် လွင်ႈထဵင်ၵၼ် လွင်ႈမီးၶေႃႈထၢမ်ၵၼ်ၶိုၼ်းၼႆတႄႉ လွင်ႈဢၢင်ႈဢိင်ၼႆႉ တိုၼ်းလူဝ်ႇလႆႈမီး ဢမ်ႇမီးဢမ်ႇပဵၼ်ယဝ်ႉ။ လွင်ႈတၢင်း ၸိူဝ်းဢမ်ႇၶဝ်ႈပႃး ၶေႃႈဢၢင်ႈဢိင်ၼၼ်ႉ မၼ်းၸၢင်ႈထုၵ်ႇဢဝ်ပႅတ်ႈလႆႈ ၵူႈၶၢဝ်းယၢမ်းသေ တွၼ်ႈတႃႇသၢင်ႈ ၶေႃႈဢၢင်ႈဢိင် ဢၼ်ငဝ်ႈငႃႇမၼ်းမၼ်ႈၵႅၼ်ႇလီၼၼ်ႉတႄႉ မၼ်းတေပဵၼ် ပုၼ်ႈၽွၼ်း ၽူႈမႄးထတ်း ဢၼ်ဢဝ် လွင်ႈတၢင်းၼၼ်ႉ သႂ်ႇတီႈၼႂ်း လိၵ်ႈႁွမ်တွမ်ယဝ်ႉ။

တေဢမ်ႇလႆႈပဵၼ် လွင်ႈၶူၼ်ႉၶႂႃႉ ဢၼ်တူဝ်ၸဝ်ႈၵဝ်ႇ ၵေႃႉႁႃႁၼ်ဝႆႉ ဢၼ်ဝႃႈၼၼ်ႉတႄႉ ၸိူဝ်းပဵၼ်လွင်ႈတၢင်း ဢၼ်ဢမ်ႇယၢမ်ႈၶဝ်ႈပႃးမႃးတီႈ လွင်ႈပိုၼ်ႈဢွၵ်ႇသေပွၵ်ႈ၊ မိူၼ်ၼင်ႇ လွင်ႈထဵင်မေႃးၵၼ်၊ လွင်ႈတၢင်းႁၼ်ထိုင်၊ ၶေႃႈမုၼ်း၊ ဢမ်ႇၼၼ် တီႇဢူဝ်ႇရီႇ ၸၵႂႃႇၸိူဝ်းၼႆႉ ဢမ်ႇထုၵ်ႇလီဢဝ်သႂ်ႇပႃးတီႈ လိၵ်ႈႁွမ်တွမ် ၼႆယဝ်ႉ။ လွင်ႈဢၼ်ၼႆႉၼႆႉ ပဵၼ်လွင်ႈႁႄႉႁၢမ်ႈဝႆႉ ယႃႇပေႁႂ်ႈဢဝ် လွင်ႈၶူၼ်ႉၶႂႃႉသုၼ်ႇတူဝ်၊ လွင်ႈၸႅၵ်ႇလဵပ်ႈႁဵၼ်း ၶွင် ၽူႈမႄးထတ်း သႂ်ႇတီႈၼႂ်း လိၵ်ႈႁွမ်တွမ် ၼႆယဝ်ႉ။ ပိုၼ်ႉထၢၼ်မၼ်းတႄႉ ဝီႇၶီႇၽီးတီးယႃးၼႆႉ မၼ်းပဵၼ်လွင်ႈတၢင်ႇၽိုၼ်မၢႆတွင်း ႁူဝ်ႁုပ်ႇ ၸိူဝ်းပဵၼ် တၢင်းႁူႉႁၼ်ၵူၼ်း လႄႈ ၸဵင်ႇမုင်ႈႁၼ် ၸိူဝ်းဢၼ်လႆႈ ပိုၼ်ဢွၵ်ႇမႃးသေ မီးမႃးသေတီႈတီႈၼၼ်ႉယဝ်ႉ။

သိုပ်ႇၼႃႈ >>

<< ႁူၼ်လင်