ဝၢၼ်ႈၸၢဝ်းၶိူဝ်းတႆး လႆႈႁၼ်မီးၶဵင်ႇၸႂ်ဝၢၼ်ႈ ပဵၼ်တီႈတႆးႁဝ်းၼပ်ႉထိုဝ်မႃးၸဵမ် ၸူဝ်ႈပူႇပၢၼ်မွၼ်ႇ၊ တီႈဝႆႉၶဵင်ႇၸႂ်ဝၢၼ်ႈၼၼ်ႉ တေလႆႈလိူၵ်ႈတီႈဢၼ်သၢင်ႇထုၵ်ႇၵၢင်ပၢင်ႇ ၵွင်းလွႆ ငဝ်ႈမႆႉလူင် ဢၼ်ႁၼ်ငၢႆႈလႄႈ မီးႁိၵ်ႈႁၢၼ်ႇ (ၽုင်း) ပဵၼ်တီႈၽူႈၵူၼ်းဢမ်ႇႁၸတ်း ႁဵတ်းႁၢႆႉႁဵတ်းမိူၵ်ႈလႄႈ ပဵၼ်ၸဝ်ႈၸွမ် ဢၼ်ႁၵ်ႉသႃ လုမ်းလႃးဝၢၼ်ႈၶူင်ႇၼၼ်ႉယဝ်ႉ။

သဝ်ၶဵင်ႇၸႂ်ဝၢၼ်ႈၼႆႉ မၢင်တီႈၸူးဢဝ်တူၼ်ႈမႆႉယႂ်ႇမႆႉလူင်တၢင်တႅၼ်း၊ မၢင်တီႈလႆႈဢဝ်မႆႉမူင်းၶူၼ်း(မင်ႇၵလႃႇ) မွၵ်ႈ 4 သွၵ်ႇ၊ ပဵၼ်သဝ်ၵၢင် သမ်ႉမီးထႅင်ႈ 4 သဝ် လွမ်ႉႁွပ်ႈ ၵႂၢင်ႈမွၵ်ႈ 3 သွၵ်ႇ၊ မီးသုမ်ႉၵျွင်းယွတ်ႈသုမ်ႇမုင်းဝႆႉ၊ တီးႁူဝ်သဝ်ၼၼ်ႉ ပဵၼ်ႁၢင်ႈ တုမ်ႇမွၵ်ႇမူဝ်သေ တဵၵ်းၶမ်းဝႆႉယဝ်ႉ။

ၶဵင်ႇၸႂ်ဝၢၼ်ႈ ဝၢၼ်ႈထိူတ်ႉထႆးၼႆႉ မီးႁိမ်းဝတ်ႉၵႃၶမ်း၊ မီးတုင်းလႅင်တုင်းၶၢဝ် ပူၵ်းယႆလွမ်ႉႁွပ်ႈဝႆႉ၊ ႁဵတ်းႁႂ်ႈၽုင်းယႂ်ႇ၊ ၼိုင်ႈပီလႂ်ၼိုင်ႈပွၵ်ႈ၊ ၽွင်းၶၢဝ်းသွၼ်းၼမ်ႉဝၢႆးၶိုၼ်ႈဝတ်ႉၶိုၼ်းၵျွင်းယဝ်ႉ ထိုင်မႃးဝၼ်းထိ 16 လိူၼ်ႁႃႈ သၢင်းၵျၢၼ်ႇပဵၼ်ဝၼ်း ပၢၵ်ႇပီၸင်ႇဢွၼ်ၵၼ်သိုပ်ႇၸႃႇတႃႇ မႄးဝၢၼ်ႈမႄးမိူင်းလႄႈ လႆႈလူႇၸႂ်ဝၢၼ်ႈသေ မိူဝ်ႈႁူဝ်ၶမ်ႈဝၼ်းထိ 15 ၼၼ်ႉ? ဢွၼ်ၵၼ်ႁၢင်ႈႁႅၼ်း ပၢင်းၸရေးမႃးႁေႃးလိၵ်ႈ၊ လဵင်ႉၶဝ်ႈတူမ်ႈလႅမ်သေ ၵူၼ်းထဝ်ႈဢွၼ်ၵၼ် ၼွၼ်းပႂ်ႉ။

ၾႃႉပၢင်မိူင်းလႅင်း ၵူၼ်းဝၢၼ်ႈဢဝ်မူၵ်ႇၼမ်ႉမူၵ်ႇသၢႆး၊ မႆႉၵမ်ႉ ၼမ်ႉမၢၵ်ႇႁၼ်၊ သိူဝ်ႈၶူဝ်း ၵူၺ်ႈဢွႆႈ၊ ၸေႃႈတုင်း မၢၵ်ႇမႆႉႁူဝ်မၼ်း ၵႃႈၼင်ႇဝၵ်ႉမႃးႁႃလႆႈ ပုၼ်ႈတႃႇ မႃးႁပ်ႉမင်ႇၵလႃႇ ဢၼ်ၽိတ်ႈပၢင်းမုၼ်ၸဝ်ႈ 4 တူၼ်​မႃးႁေႃထမ်း သုတ်ႇမုၼ်းၼၼ်ႉယဝ်ႉ။

ၽိုၼ်ဢိင် မႄးထတ်း

ၼႃႈလိၵ်ႈ (25)၊ ပပ်ႉႁိူၼ်းတႆး၊ ၸၢႆးၶိူဝ်းလိူၼ် (ၵဵင်းတုင်)