ရေႃးႁိၼီႇ၊ ၸၢတ်ႈ
45 - ၸၢတ်ႈရေႃးႁိၼီႇ
မႄးထတ်း(ရေႃႁိၼီ = ၶႃႈယိင်း ဢၼ်ၸိုဝ်ႈ ရေႃးႁိၼီႇ) ၸေႇတၼႃႇမၢၼ်ႇမႅၼ်ႈယူႇသေတႃႉ ပေႃးဝႃႈ တၢင်းႁဵတ်းဢမ်ႇမၢၼ်ႇမႅၼ်ႈၸိုင် ဢမ်ႇမီးၽွၼ်းလီသင်
ဝတ်ႉထု ပၸ်ၸုပ်ႉပၼ်ႇ
မႄးထတ်းၽွင်းမိူဝ်ႈ မုၼ်ၶမ်းၽြႃး တိုၵ်ႉယူႇသဝ်း တမ်ႈတီႈ ၵျွင်းၸေႇတဝၼ်ႇ ဢၼ်သထေးလူင် ဢၼႃႇထပိၼ်ႇ ႁဵတ်းလူႇဝႆႉၼၼ်ႉ ၵဵဝ်ႇၵပ်းလူၺ်ႈ ၶႃႈယိင်းဢၼ်ၸိုဝ်ႈဝႃႈ ရေႃးႁိၼီႇၼၼ်ႉသေ ၸင်ႇ တေႁေႃးၼႄ ၸၢတ်ႈၼႆႉယဝ်ႉ။ ဝၼ်းၼိုင်ႈ ၵေႃႉဢၼ်ပဵၼ်မႄႈ ၶႃႈယိင်းရေႃးႁိၼီႇၶဝ်ၼၼ်ႉ ပေႃႉၶဝ်ႈယူႇတမ်ႈတီႈပိူၼ်ႈပေႃႉ ၶဝ်ႈၼၼ်ႉသေ ပွၵ်ႈမႃးမိူဝ်းႁိူၼ်း မႃးၼွၼ်းဝႆႉယူႇ။ မႅင်းမူၼ်း မႃးတွမ်မႄႈထဝ်ႈၼၼ်ႉ သမ်ႉပေႃး တၢၼ်ႇ ပိူၼ်ႈဢဝ်ၶဵမ်မႃးၸီးတႅင်ႈယဝ်ႉ။ ၵမ်းၼၼ်ႉ မႄႈထဝ်ႈၸင်ႇ ၸႂ်ႉရေႃးႁိၼီႇလိုပ်ႈပႅတ်ႈ မႅင်းမူၼ်း ယဝ်ႉ။ လုၵ်ႈယိင်းမၼ်း ရႃးႁိၼီႇၵေႃႈ ဢၢင်ႈတေႁႅမ်တၢႆ မႅင်းမူၼ်းဝႃႈၼႆ ၸင်ႇဢဝ်သၢၵ်ႇသေ ႁႅမ်မႄႈ ထဝ်ႈလႄႈ မႄႈထဝ်ႈၵေႃႈ တၢႆထင်တီႈၵႂႃႇ တီႈၼၼ်ႈၵမ်းလဵဝ်ယဝ်ႉ။ သထေးလူင် လႆႈႁူႉထိုင် လွင်ႈၼၼ်ႉသေ ၸင်ႇတေၵႂႃႇ လဝ်ႈလၢတ်ႈထိုင် တမ်ႈတီႈမုၼ်ၶမ်းၽြႃးလႄႈ မုၼ်ၶမ်းၽြႃးၸင်ႇဝႃႈ “သထေးလူင် ၶႃႈယိင်းၵေႃႉၼႆႉ ဢဝ်သၢၵ်ႇသေ ႁႅမ်တၢႆ မႄႈမၼ်းၼင်ႇၼႆၼႆႉ မၼ်းဢမ်ႇၵႃး ၸၢတ်ႈၼႆႉၵူၺ်း၊ ၸၢတ်ႈၵွၼ်ႇဝၼ်းလင်ၵေႃႈ ယၢမ်ႈပဵၼ်မႃးယူႇယဝ်ႉ”ၼႆသေ ၸင်ႇတေႁေႃးလၢတ်ႈၼႄ ၸၢတ်ႈၵွၼ်ႇဝၼ်းလင်ယူႇယဝ်ႉ-
ဝတ်ႉထုဢတိတ်ႈ
မႄးထတ်းမိူဝ်ႈၵွၼ်ႇ တီႈမိူင်းၿႃႇရႃႇၼသီႇၼၼ်ႉ ၽွင်းမိူဝ်ႈ ၶုၼ်ႁေႃၶမ်း ပြႁမၻတ်ႈ ပဵၼ်ၶုၼ်ဢုပ်ႉမိူင်းယူႇၼၼ်ႉ ၼေႃႇပုတ်ႉထၸဝ်ႈႁဝ်း ပဵၼ်သထေး တီႈမိူင်းၿႃႇရႃႇၼသီႇၼၼ်ႉယဝ်ႉ။ တီႈႁိူၼ်းသထေးလူင်ၼၼ်ႉ မီးၶႃႈယိင်းၵေႃႉၼိုင်ႈ ၸိုဝ်ႈဝႃႈ ရေႃးႁိၼီႇ။ မႄႈၶႃႈယိင်းၵေႃႉၼႆႉ ၸင်ႇၵႂႃႇၼွၼ်း တမ်ႈတီႈ ၶူၵ်ႉမွင်း ဢၼ်ၶႃႈယိင်းၶဝ် တမ်ၶဝ်ႈၼၼ်ႉလႄႈ မႅင်းမူၼ်း တွမ်မႄႈမၼ်းယူႇ။ ၵမ်းၼၼ်ႉ ၸင်ႇၸႂ်ႉဝႃႈ “လုၵ်ႈယိင်း... လိုပ်ႈမႅင်းမူၼ်းၸိူဝ်းၼႆႉလူး”ၼႆယဝ်ႉ။ ၵမ်းၼၼ်ႉ လုၵ်ႈယိင်းမၼ်း ၸင်ႇဢဝ်သၢၵ်ႇသေ ႁႅမ်ပၼ်မႅင်းမူၼ်းႁႅင်းႁႅင်း ၸင်ႇၵႂႃႇႁႅမ်ၺႃးမႄႈမၼ်းလႄႈ ၸူးဢဝ်မႄႈမၼ်း တၢႆၵႂႃႇပႅတ်ႈယဝ်ႉ။ ၼေႃႇပုတ်ႉထၸဝ်ႈ လႆႈႁူႉငိၼ်းလွင်ႈၼၼ်ႉသေ ၸင်ႇတေလွတ်ႈႁေႃး ၵႃႇထႃႇတီႈတႂ်ႈၼႆႉယဝ်ႉ။
ပႃႇလိ
မႄးထတ်း45 ။ သေယျေႃ ဢမိတ်တေႃ မေꩪႃဝီ ၊ ယၺ်ၸေ ၿႃလႃ’ၼုၵမ်ပၵေႃ။
ပသ်သ ရေႃႁိၼိၵံ ꩡမ်မိံ ၊ မႃတရံ ႁၼ်တွႃၼ သေႃၸတိ။
ပိၼ်ႇတႆး=
မႄးထတ်းၽူႈၶဵၼ်ဢၼ်မီးပႆႇၺႃႇတၢင်းႁူႉၼၼ်ႉ ယင်းမႅတ်ႈလူးၵွၼ်ႇ။ ဢူၺ်းၵေႃႉ ဢၼ်ဢမ်ႇမီး တၢင်း ႁူႉပႆႇၺႃႇၼၼ်ႉ တိုၼ်းဢမ်ႇမႅတ်ႈ။ ဢွၼ်ၵၼ်တူၺ်း ရေႃးႁိၼီႇ ၽူႈမိူၵ်ႈမႂ်ႈၼၼ်ႉတႃႉ။ (ႁေႃးႁိၼီႇ ၼႆႉ) ဢဝ်တၢႆမႄႈမၼ်းသေ လႆႈၼႅင်ၸႂ်ယူႇယဝ်ႉ။
- ႁူမ်ႈꩡၢတ်ႈ
သထေးလူင် ၿႃႇရႃႇၼသီႇၼၼ်ႉ မႃးပဵၼ် ၽြႃး။
ၶႃႈသထေးရေႃးႁိၼီႇၼၼ်ႉ မႃးပဵၼ်ၶႃႈယိင်းရေႃးႁိၼီႇ သထေးလူင်ဢၼႃႇ ထပိၼ်ႇ။
မႄႈရေႃးႁိၼီႇၸၢတ်ႈၵွၼ်ႇၼၼ်ႉ မႃးပဵၼ်မႄႈရေႃးႁိၼီႇၸၢတ်ႈၼႆႉ။
- ၵၼ်သွၼ်
- ထုၵ်ႇလီ ႁဵတ်းၵေႃႉ ၵူၼ်းဢၼ်မီးပႆႇၺႃႇတၢင်းႁူႉၼၼ်ႉၵူၺ်း။
- ပဵၼ်လုၵ်ႈယိင်းသေတႃႉ ပေႃးဢမ်ႇမီးပႆႇၺႃႇၼႆ ဢမ်ႇမီးၽွၼ်းလီပုၼ်ႈ တႃႇမႄႈ။
- ၵၢၼ်ၸိုဝ်ႈၸႂ်ႈသေတႃႉ သင်ဝႃႈ တၢင်းႁဵတ်းဢမ်ႇၸိုဝ်ႈၸႂ်ႈၼႆၸိုင် ဢမ်ႇမီးၽွၼ်းလီ။
- ပႃႇရမီႇ ။ ။ ပၺ်ႇၺႃႇပႃႇရမီႇ။
- မင်ႇၷလႃႇ ။ ။ “ၿႃႁုသ်သၸ်ၸ မင်ႇၷလႃႇ၊ ပၼ်ꩦိတႃၼၺ်ၸ မင်ႇၷလႃႇ၊”လူႉလႅဝ်။