ရသုတ်တမၻႃယိၵႃဝိမႃၼဝတ်ထု (4)၊ ၼၢင်းၽီလူႇတၢၼ်း ဢရသႃႇလီ
5- ရသုတ်တမၻႃယိၵႃဝိမႃၼဝတ်ထု (4)၊ ၼၢင်းၽီလူႇတၢၼ်း ဢရသႃႇလီ
မႄးထတ်း
- 361။ ၼၢင်းၽီ မိူၼ်ၼင်ႇလၢဝ်မႃမွင်း ႁိူဝ်ႈႁိူင်းလႅင်းပိူင်း ၵူႈပႃႈၵူႈၽၢႆႇၼင်ႇၼၼ် ငဝ်းတူဝ်မႂ်းၼၢင်း ဢၼ်လီႁၢၼ်ႉၸႂ်ၼႃႇၼၼ်ႉၵေႃႈ ႁိူဝ်ႈႁိူင်းပိူင်းလႅင်းၵႂႃႇ ၵူႈပႃႈၵူႈတၢင်းဝႆႉယူႇယဝ်ႉ။
- 362။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်းၼင်ႇၼႆၼေႃး။ ပ။ ယွၼ်ႉပိူဝ်ႈ ၵုသူဝ်ႇသင်သေ မႂ်းၼၢင်း မႃးလႆႈပူၺ်ႈၽီ တၼ်းၸႂ်ၼင်ႇၼႆၼေႃး။
- 363။ ၼၢင်းၽီ ဢူမုၼ်ၽုင်းယႂ်ႇ ၵဝ်ထၢမ်မႂ်းယူႇယဝ်ႉ။ ပ။ ယွၼ်ႉပိူဝ်ႈ ၵုသူဝ်ႇသင်သေ ငဝ်း တူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး။
- 364။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇထၢမ်လွင်ႈတၢင်းမၼ်းလႄႈ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ၸင်ႇၶိုၼ်းတွပ်ႇလၢတ်ႈၼႄ လွင်ႈတၢင်းမၼ်းၵႂႃႇ ၸွမ်းၼင်ႇၶေႃႈထၢမ်ၼၼ်ႉယဝ်ႉ။
- 365။ ၼၢင်းယိင်းၵေႃႉဢၼ် မေႃလူႇတၢၼ်းပၼ် ဢရသႃႇလီၼၼ်ႉ တမ်ႈတီႈ ၼႂ်းၵူၼ်းၸၢႆး လႄႈသင် ၼႂ်းၵူၼ်းယိင်းလႄႈသင် မျၢတ်ႈတွၼ်းတႄႉယဝ်ႉ။ ၼၢင်းယိင်း ၵေႃႉဢၼ်မေႃလူႇတၢၼ်းပၼ် ၶူဝ်းလူႇ ဢၼ်လီႁၵ်ႉပႅင်းၼင်ႇၼႆၼၼ်ႉ လႆႈႁွတ်ႈထိုင် မိူင်းၽီသေ လႆႈမီးလွင်ႈႁၢၼ်ႉၸႂ်ယဝ်ႉ။
- 366။ တူၺ်းႁၢင်ႈႁေႃဝိမၢၼ်ႇၵဝ်ၶႃႈလႄႈ။ ၶႃႈၼၢင်းၼႆႉ ပဵၼ်ၼၢင်းၽီ ဢၼ်မီးႁၢင်ႈၽၢင် တဵမ်တၼ်းၸႂ်ၼၼ်ႉယဝ်ႉ။ ၶႃႈၼၢင်းၼႆႉ ၶိုၵ်ႉတွၼ်းလိူဝ်သေ ၼၢင်းၽီဢလုမ်းဢလၢင်း ႁဵင်းၵေႃႉၼၼ်ႉယဝ်ႉ။ တူၺ်းႁၼ်ထိုင် ၽွၼ်းလီၵုသူဝ်ႇတႃႉ။
- 367-368။ ယွၼ်ႉပိူဝ်ႈ ၵုသူဝ်ႇၼႃးမုၼ်ဢၼ်ၼၼ်ႉသေ ၶႃႈၼၢင်းၸင်ႇမႃးမီး ငဝ်းတူဝ်ႁိူဝ်ႈလႅင်းပိူင်း ၼင်ႇၼႆယဝ်ႉ။ ပ။ ၵွပ်ႈၵုသူဝ်ႇၼၼ်ႉသေ ဢူငဝ်းၶႃႈႁဝ်းၼႆႉၵေႃႈ ႁိူဝ်ႈႁိူင်း ပိူင်းသႂ်ၵႂႃႇ ၵူႈပႃႈၵူႈၽၢႆႇၶႃႈဢေႃႈ။
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ၵုတ်တိလဝိမႃၼ၊ လုတ်တမၻႃယိၵႃဝိမႃၼဝတ်ထု
