မၼ်ꩦူၵၻေဝပုတ်တဝိမႃၼဝတ်ထု၊ ၶုၼ်ၽီၶဵတ်ႇ

1 - မၼ်ꩦူၵၻေဝပုတ်တဝိမႃၼဝတ်ထု၊ ၶုၼ်ၽီၶဵတ်ႇ

             ၶုၼ်ၽီ တမ်ႈတီႈ ႁိမ်းၼွင်ႇၼမ်ႉ မိူဝ်ႈၽွင်းလႆႈပဵၼ်ၶဵတ်ႇ ဝၼ်းၼိုင်ႈ ၽွင်းတိုၵ်ႉထွမ်ႇတြႃး ၽြႃးပဵၼ်ၸဝ်ႈ ယူႇၼၼ်ႉ လႆႈတၢႆယွၼ်ႉ လုၵ်ႈဢွၼ်ႇလဵင်ႉဝူဝ်းသေ မိူဝ်းၽႅဝ်မိူင်းၽီ လႆႈမိူဝ်းပဵၼ် ၶုၼ်ၽီ ၽုင်းတၼ်းၶူဝ်းယႂ်ႇ ၸိုဝ်ႈ သဵင်လိုဝ်းလင် ဢူဢၢႆသၢႆငဝ်း တဵမ်ထူၼ်ႈလႄႈ

• 857။ ဢဝ်ၽုင်းတၼ်းၶူဝ်းလႄႈသင်၊ ဢဝ်လွင်ႈဢလုမ်းဢလၢင်းၼမ်လႄႈသင် ဢူဢၢႆသၢႆငဝ်း ႁိူဝ်ႈႁိူင်းပိူင်းသႂ် လီႁၢၼ်ႉၸႂ် ႁဵတ်းႁႂ်ႈ ၵူႈပႃႈၵူႈၽၢႆႇ ႁိူဝ်ႈလႅင်းသေ မႃးၵူမ်ႈၵွမ်းၼွမ်းဝႆႈ တမ်ႈတီႈ ႁိမ်းတိၼ်ၵဝ်ၼႆႉ ပဵၼ်ၽႂ်ၼေႃး (ၼႆ မုၼ်ၶမ်းၽြႃးထၢမ်ၵႂႃႇယဝ်ႉ)။

• 858။ ၶႃႈတပႄးႁဝ်းၼႆႉ မိူဝ်ႈၸၢတ်ႈၵွၼ်ႇ လႆႈပဵၼ်ၶဵတ်ႇ ယူႇၵႂ်ႈၵိၼ်ၸမ် တီႈႁိမ်းၼွင်ဢေႃႈ။ ၽွင်းမိူဝ်ႈ တိုၵ်ႉထွမ်ႇတြႃး ၸဝ်ႈႁဝ်းယူႇၼၼ်ႉ လုၵ်ႈဢွၼ်ႇလဵင်ႉဝူဝ်း မႃးဢဝ်တၢႆ ၶႃႈတပႄးဢေႃႈ။

• 859။ ယွၼ်ႉပိူဝ်ႈ ၸႂ်ယုမ်ႇယမ်ဢွၼ်ႇ ၼိုင်ႈၵႅပ်ႉၼၼ်ႉသေ တူၺ်းၶႃႈလူး တမ်ႈတီႈ ၶႃႈတပႄးၼၼ်ႉ  လွင်ႈတဵမ် ထူၼ်ႈလႄႈသင်၊ လွင်ႈဢလုမ်းဢလၢင်းၼမ်လႄႈသင် လႆႈပဵၼ်မႃးယဝ်ႉ။ တူၺ်းဢူၽုင်းဢႃႇၼုၽေႃႇ ၶႃႈ တပႄးၶႃႈလႄႈ။ ငဝ်းတူဝ်ၶိင်းၶႃႈႁဝ်းလႄႈသင်၊ လွင်ႈႁိူဝ်ႈႁိူင်းပိူင်းသႂ် ၶႃႈႁဝ်းၼၼ်ႉလႄႈသင် တူၺ်းႁၼ်ၶႃႈလႄႈ။

• 860။ သတ်ႉတဝႃႇ ၸိူဝ်းဢၼ်လႆႈထွမ်ႇငိၼ်း လိၼ်းထမ်း တြႃးၽြႃးပဵၼ်ၸဝ်ႈ ၸိူဝ်ႉၶိူဝ်းၵေႃးတမၼၼ်ႉ တႄႉ တၵ်းတေလႆႈႁွတ်ႈထိုင် တီႈဢမ်ႇမီးလွင်ႈၶီၼႅင်၊ တီႈ(ၼိပ်ႉပၢၼ်ႇ)ၼိမ်မၼ်ႈ ဢမ်ႇၵၢတ်ႈယဝ်ႉ (ၼႆ လၢတ်ႈၵႂႃႇ ၼင်ႇၼႆယဝ်ႉ)

             မၼ်ꩦူၵဝိမႃၼဝတ်ထု ႁူဝ်ႁႅၵ်ႈပိူၼ်ႈ သုတ်းယဝ်ႉ။