မၺ်ꧢိꩨ်ꩩဝိမႃၼဝတ်ထု၊ ၼၢင်းၽီ လူႇမွၵ်ႇပဝ်း တီႈၽြႃး

1. မၺ်ꧢိꩨ်ꩩဝိမႃၼဝတ်ထု၊ ၼၢင်းၽီ လူႇမွၵ်ႇပဝ်း တီႈၽြႃး

• 689။ ၼၢင်းၽီ လိၼ်တီႈဢၼ်မႂ်းၼၢင်းယူႇၼႆႉ သမ်ႉပဵၼ်ၽွင်သၢႆးၶမ်း၊ ႁေႃဝိမၢၼ်ႇ မႂ်းၼၢင်းၼၼ်ႉ သမ်ႉ ပဵၼ် သီၵုၼ်းၵၼ်သေ လႆႈမူၼ်ႈသိူဝ်း ထွမ်ႇငိၼ်း သဵင်ႁႆႇတိုင်ႈ တူႇရိယႃႇ ဢၼ်ဢင်ႇၵႃႇႁႃႈပိူင် တဵမ်ထူၼ်ႈဝႆႉၼၼ်ႉ ယဝ်ႉ။
• 690။ ပေႃးဝႃႈ မႂ်းၼၢင်း လူင်းႁေႃၵႅဝ်ႈမႂ်းၼၢင်း ဢၼ်ၵုသူဝ်ႇၽၢၼ်ႇၼၼ်ႉၸိုင် မႂ်းၼၢင်းၶဝ်ႈၵႂႃႇၼႂ်း သူၼ် မွၵ်ႇပဝ်း ဢၼ်ၵီႈယူႇၵူႈၶၢဝ်းၼၼ်ႉယဝ်ႉ။
• 691။ ၼၢင်းၽီ မႂ်းၼၢင်းၼႆႉ ၵႂႃႇယူႇသဝ်း တမ်ႈတီႈ တႂ်ႈတူၼ်ႈပဝ်းၼၼ်ႉယူႇယဝ်ႉ။ တူၼ်ႈပဝ်း ဢၼ်တွၼ်း ၵႄးလိူဝ်သေ တူၼ်ႈမႆႉတင်းသဵင်ႈၼၼ်ႉ ၵိူင်းၼူပ်ႈၽၢႆႇတႂ်ႈသေ ဢဝ်မွၵ်ႇမၼ်း ႁူင်ႈပၼ်ယူႇယဝ်ႉ။
• 692။ ထိူၼ်ႇမႆႉပဝ်း မႂ်းၼၢင်းၼႆႉ တူင်ႉၼိုင်ၵွပ်ႈလူမ်းပဝ်ႇယဝ်ႉ။ လူမ်းယဵၼ်ဢွၼ်ႇ ထွင်းထူဝ်းယဝ်ႉ။ ၼူၵ်ႉ တင်းလၢႆ လႆႈပိုင်ႈဢိင်ယဝ်ႉ။ ဢၢႆသႅဝ်ႁွမ် ထိူၼ်ႇပဝ်းၼႆႉ ႁွမ်ႁူၺ်းၵႂႃႇ ၵူႈပႃႈၵူႈၽၢႆႇ မိူၼ်ၼင်ႇမွၵ်ႇၽီ မၺ်ၸူသၵၼၼ်ႉယဝ်ႉ။
• 693။ ၼၢင်းၽီ မႂ်းၼၢင်းၼႆႉ ၵူၺ်းလႆႈသုတ်ႇၼူမ် မွၵ်ႇဢၼ်ႁွမ်ႁူၺ်းၸိူဝ်းၼၼ်ႉယူႇၵူၺ်းယဝ်ႉ။ ၵူၺ်းလႆႈ ႁၼ် ႁၢင်ႈၽၢင်ၽီ ဢၼ်ႁၢင်ႈလီၸိူဝ်းၼၼ်ႉၵူၺ်းယဝ်ႉ။ ၽွၼ်းလီၸိူဝ်းၼႆႉ ပဵၼ်ၽွၼ်းလီ ၵၢမ်ႇၵုသူဝ်ႇ ဢၼ်လႂ်ၼေႃး။ ၵဝ်ထၢမ်မႂ်းယူႇယဝ်ႉ။ တွပ်ႇပၼ်လႄႈ (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
• 694။ ၶႃႈၼၢင်းၼႆႉ မိူဝ်ႈမိူင်းၵူၼ်းၼၼ်ႉ လႆႈပဵၼ် ၶႃႈၸႂ်ႉ တီႈႁိူၼ်းၸဝ်ႈပိူၼ်ႈဢေႃႈ။ လႆႈႁၼ် မုၼ်ၶမ်းၽြႃး ၼင်ႈဝႆႉယူႇလႄႈ လႆႈဢဝ် မွၵ်ႇပဝ်း ပိုၼ်သေ လူႇတၢၼ်းပၼ်တီႈၶႃႈဢေႃႈ။
• 695။ ၶႃႈၼၢင်း မီးၸႂ်ၽိူၵ်ႇၸိုၼ်ႈၶၢဝ်သႂ် လႆႈဢဝ်မွၵ်ႇပဝ်း ႁဵတ်းပဵၼ်ပၢၼ်းၵုမ်းသေ တၢမ်တူဝ် လႆႈလူႇတၢၼ်းပၼ် တမ်ႈတီႈ ၽြႃးပဵၼ်ၸဝ်ႈတီႈၶႃႈဢေႃႈ။
• 696။ ၵွပ်ႈပိူဝ်ႈ ၶႃႈၼၢင်း လႆႈႁဵတ်းၵၢမ်ႇၵုသူဝ်ႇ ဢၼ်မုၼ်ၶမ်းၽြႃး ယွင်ႈယေႃးလႄႈ ၸင်ႇဢမ်ႇမီးလွင်ႈၶီၼႅင်၊ ဢမ်ႇမီး လွင်ႈၸဵပ်းသႅပ်ႇသေ လႆႈမူၼ်ႈသိူဝ်းယူႇယဝ်ႉ တီႈၶႃႈဢေႃႈ (ၼႆ တွပ်ႇလၢတ်ႈပၼ်ၵႂႃႇယဝ်ႉ)။

မၺ်ꧢိꩨ်ꩩၵဝိမႃၼဝတ်ထု ႁူဝ်ႁႅၵ်ႈ သုတ်းယဝ်ႉ။