ၼိုင်ႈ - မေးၼၢင်းမိူၼ်ၽူႈႁၢႆႉ
မေးၼၢင်းၵေႃႉၼႆႉ မီးၸႂ်ႁၢႆႉ၊ မီးၸႂ်ၵူတ်ႉတေႃႇၽူဝ်၊ လိူဝ်သေၼၼ်ႉ လဵၼ်ႈၽူဝ်ၼွႆႉ ၸွမ်းလူၺ်ႈငိုၼ်းၶမ်း၊ တႃႇဢဝ်ၽူဝ်တၢႆၵေႃႈ ဢမ်ႇၼၵ်းၸႂ်၊ မေးၼၢင်းၵေႃႉၼႆႉ မိူၼ်ၽူႈႁၢႆႉၼႆယဝ်ႉ။

သွင် - မေးၼၢင်းမိူၼ်ၽူႈလၵ်ႉ
မေးၼၢင်းၵေႃႉၼႆႉ လၵ်ႉၶူဝ်းၶွင်ဢၼ် ၽူဝ်ၶဝ်ႁႃလႆႈမႃးၼၼ်ႉ တင်းႁိုင်တင်းယၢဝ်း။

သၢမ် - မေးၼၢင်းမိူၼ်ၸဝ်ႈ
မေးၼၢင်းၵေႃႉၼႆႉ ၶၢၼ်ႉ၊ မေႃၵိၼ်မေႃၼွၼ်းၵူၺ်း၊ ဢမ်ႇမေႃႁဵတ်းၵၢၼ်၊ လၢတ်ႈယၢပ်ႇ ​ဢမ်ႇမေႃဢဝ်ၵႂၢမ်း၊ လိူင်း၊ ၶႃႉၶိူဝ်းပိူၼ်ႈ၊ ၵုမ်းၵမ်ပႄႉၵိၼ်ၽူဝ်။

သီႇ - မေးၼၢင်းမိူၼ်မႄႈ
မေးၼၢင်း ၵေႃႉမေႃလုမ်းလႃး တူၺ်းထိုင်ၸဝ်ႈၽူဝ်၊ မီးၸႂ်ဢီးလူၸဝ်ႈၽူဝ်၊ လွင်ႈႁဵတ်းသၢင်ႈ မၼ်းၼၢင်းၼၼ်ႉ မိူၼ်မႄႈႁႄႉၵင်ႈၽေးၶဵၼ် တႃႇၼႃႈႁိူၼ်းလႄႈ ၵၢၼ်လဵင်ႉၼႃႈႁိူၼ်း။

ႁႃႈ - မေးၼၢင်းမိူၼ်ၼွင်ႉယိင်း
မေးၼၢင်းၵေႃႉၼႆႉ ဝႆႉၸဝ်ႈၽူဝ် မိူၼ်ပီႈဢၢႆႈသေ လုမ်းလႃးၸဝ်ႈၽူဝ်လီလီ။

ႁူၵ်း - ​မေးၼၢင်းမိူၼ်ဢူၺ်းၵေႃႉ
မေးၼၢင်းၵေႃႉၼႆႉ မူၼ်ႈသိူဝ်းၸွမ်း ၸဝ်ႈၽူဝ် မိူၼ်ၼင်ႇဢူၺ်းၵေႃႉ ၵေႃႉယၢမ်ႈမိုတ်ႈၵိုဝ်းမႃးတင်းႁိုဝ် တင်းၼၢၼ်း၊ မီးလွင်ႈယုမ်ႇယမ်ၵၼ် တင်းၸဝ်ႈၽူဝ်။

ၸဵတ်း - မေးၼၢင်းမိူၼ်ၶႃႈၸႂ်ႉ
မေးၼၢင်းၵေႃႉၼႆႉ မီးၸႂ်ယၢဝ်း၊ ၸႂ်လီ၊ ၸႂ်ယဵၼ်၊ ၸွမ်းၸႂ်ၸဝ်ႈၽူဝ်၊ ဢမ်ႇဢဝ်တူဝ်ၸဝ်ႈၵဝ်ႇပဵၼ်ယႂ်ႇ၊ မေႃထွမ်ႇၵႂၢမ်းၸဝ်ႈၽူဝ်ႈ။


ၽိုၼ်ဢိင် မႄးထတ်း

ၼႃႈလိၵ်ႈ 45၊ ပပ်ႉသဵၼ်ႈတၢင်းၶိုၼ်ႈယႂ်ႇ တႃႇတူင်ႇဝိူင်းၵူၼ်း ၸွမ်းၼင်ႇ ထမ်းပုတ်ႉထ၊ ၸဝ်ႈၶူးပၼ်ႇတိတ ၼမ်ႉၶမ်း