ပꩪမၼႃၷဝိမႃၼဝတ်ထု၊ ၶုၼ်ၽီ လူႇမွၵ်ႇပႅတ်ႇလူင်
10 - ပꩪမၼႃၷဝိမႃၼဝတ်ထု၊ ၶုၼ်ၽီ လူႇမွၵ်ႇပႅတ်ႇလူင် မႄးထတ်း
ၶုၼ်ၽီ ဢၼ်လႆႈဢဝ် မွၵ်ႇပႅတ်ႇလူင်ႇ တၢမ်တူဝ် လူႇတၢၼ်း တမ်ႈတီႈ ထၢတ်ႈၵွင်းမူးၽြႃးမႁႃႇၵတ်ႉသပလႄႈ လႆႈၶီႇၸၢင်ႉႁႅင်းလူင် ၽႂ်းၽၢႆသေ ၸၢမ်ႇပူၺ်ႈသိူဝ်းလူၺ်ႈၸွမ်း ၼွင်မူဝ်၊ သဵင်တူႇရိယႃႇၵူႈပိူင်ပိူင်-
- 961။ ၶီႇၼိူဝ်ၸၢင်ႉ ဢၼ်တူဝ်ၶၢဝ်ပွတ်ႇ ဢၼ်ငႃးမၼ်း ဢမ်ႇမီးႁွႆးတႅၵ်ႇ ဢၼ်လုၼ်ႈယႂ်ႇ မီးႁႅင်းယႂ်ႇသေ ၵႂႃႇလႆႈၽႂ်းၽၢႆ ဢၼ်ႁၢင်ႈၶိူင်ႈဝႆႉ ၶႅမ်ႉလႅပ်ႈလီငၢမ်း မိၼ်မႃးၼိူဝ်ၵၢင်ႁၢဝ်သေ ၽႅဝ်မႃးတီႈၼႆႈယဝ်ႉ။
- 962။ ငႃးၸၢင်ႉသွင်လူၼ်ႈၼၼ်ႉ မေႃၽၢၼ်ႇပဵၼ်ဢွၵ်ႇမႃး ၼွင်ၼမ်ႉၸိုၼ်ႈသႂ် ဢၼ်မီးမွၵ်ႇမူဝ်ပတုမ်ႇမႃႇ ၼၼ်ႉယဝ်ႉ။ မွၵ်ႇမူဝ်ပတုမ်ႇမႃႇၸိူဝ်းၼၼ်ႉၵေႃႈ သဵင်တူႇရိယႃႇ မေႃးလင်ၵူႈပိူင်ပိူင်ယဝ်ႉ။ ၼၢင်းၽီဢွၼ်ႇ ဢၼ်မေႃ ႁဵတ်းႁႂ်ႈၸႂ်မူၼ်ႈသိူဝ်းၼၼ်ႉၵေႃႈ ဢွၼ်ၵၼ်ၵႃႈ ဢွၼ်ၵၼ်ႁွင်ႉၽဵင်ႈၵႂၢမ်းယူႇယဝ်ႉ။
- 963။ မႂ်းၼႆႉ မီးဢႃႇၼုၽေႃႇယႂ်ႇသေ ၽုင်းတၼ်းၶူဝ်းၽီ တဵမ်ထူၼ်ႈယဝ်ႉ။ မိူဝ်ႈပဵၼ်ၵူၼ်းၼၼ်ႉ လႆႈႁဵတ်း ၵၢၼ်ၵုသူဝ်ႇလၢၵ်ႇလၢႆးသင်မႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးဢၼ်လႂ်သေ လႆႈမီးဢႃႇၼုၽေႃႇ ႁိူဝ်ႈႁိူင်းၼင်ႇၼႆၼေႃး။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးဢၼ်လႂ်သေ ငဝ်းတူဝ်မႂ်း ႁိူဝ်ႈႁိူင်းပိူင်းၸွတ်ႇၵႂႃႇ ၵူႈပႃႈၵူႈၽၢႆႇၼေႃး (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
- 964 ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
- 965။ လႆႈမီးၸႂ် ၽိူၵ်ႇၸိုၼ်ႈၶၢဝ်သႂ် ၵဵပ်းဢဝ် မွၵ်ႇႁူင်ႈ ပႅတ်ႇလူင်သေ တၢမ်တူဝ်လႆႈၵႂႃႇလူႇတၢၼ်း တမ်ႈတီႈ ထၢတ်ႈၵွင်းမူး ၽြႃးမႁႃၵတ်ႉသပယဝ်ႉ။
- 966-7။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈလႆႈမႃးမီး ဢူငဝ်းၼင်ႇၼႆယဝ်ႉ။ ပ။ ဢူငဝ်းၶႃႈႁဝ်း ၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွပ်ႇၵႂႃႇၼင်ႇၼႆယဝ်ႉ)။
ပꩪမသူၸိဝိမႃၼဝတ်ထု ႁူဝ်သိပ်း သုတ်းယဝ်ႉ။
ၽိုၼ်ဢိင် မႄးထတ်း
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ ပꩪမသူၸိဝိမႃၼဝတ်ထု