ပꩪမသူၸိဝိမႃၼဝတ်ထု၊ ၶုၼ်ၽီ လူႇၶဵမ်
8 - ပꩪမသူၸိဝိမႃၼဝတ်ထု၊ ၶုၼ်ၽီ လူႇၶဵမ်
မႄးထတ်းၶုၼ်ၽီ ဢၼ်မီးၸႂ်သတ်ႉထႃႇ ယုမ်ႇယမ်ဝႃႈ ၶူဝ်းလူႇလဵၵ်ႉၼွႆႉသေတႃႉ ၽွၼ်းလီမၼ်း ၸၢင်ႈယႂ်ႇယူႇၼႆလႄႈ ဢဝ်ၶဵမ်လူႇတၢၼ်းသေ လႆႈမိူဝ်းၸၢမ်ႇပူၺ်ႈ ႁေႃၿြသၢတ်ႈ ၸဵတ်းပၢၵ်ႇလင် ဢၼ်သဝ်မၼ်း ပဵၼ်သႅင်လႅင်၊
- 944။ ႁေႃဝိမၢၼ်ႇ ဢၼ်ပဵၼ်သဝ်သႅင်လႅင်ၼႆႉ သုင်တႄႉယဝ်ႉ။ တၢင်းသုင်မၼ်း မီးသိပ်းသွင်ယူႇၸၼႃႇယဝ်ႉ။ ႁေႃပြသၢတ်ႈပၢႆလႅမ် ၵႂၢင်ႈၵူင်လူင် ၸဵတ်းပၢၵ်ႇလင် ဢၼ်ဢဝ်ပတ်းလမ် ႁဵတ်းပဵၼ်သဝ်မၼ်းၼၼ်ႉ ပိုၼ်ႉသိူဝ်ႇမၼ်း ဢဝ်ၶႅပ်းၶမ်း သိူဝ်ႇဝႆႉလႄႈ ၶိုၵ်ႉလိုၵ်ႉတႄႉတႄႉ။
- 945။ (မႂ်းၶုၼ်ၽီၸမ်ႉ) ယူႇသဝ်း တမ်ႈတီႈ ႁေႃဝိမၢၼ်ႇၼၼ်ႉသေ သူတ်ႉၵေႃႈ သူတ်ႉ ၵိၼ်ၵေႃႈ ၵိၼ်ယဝ်ႉ။ သဵင်တိင်ႇၽီၶဝ်ၵေႃႈ ဢူၼ်ႈဢွၼ်ႇ လီထွမ်ႇတႄႉယဝ်ႉ။ တမ်ႈတီႈ ႁေႃဝိမၢၼ်ႇၼႆႉ ၵႃႇမၵုင်ႇႁႃႈပိူင် ၸီးၸိမ်ႇၽီ မီးဝႆႉ တဵမ်ထူၼ်ႈယဝ်ႉ။ ၸိူဝ်းၶဝ်ၼၢင်းၽီဢွၼ်ႇ ဢၼ်ဢဝ် တၼ်းသႃႇၶမ်း ႁၢင်ႈၶိူင်ႈဝႆႉၼၼ်ႉၵေႃႈ ၵႃႈမူၼ်ႈယူႇယဝ်ႉ။
- 946-7။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼင်ႇႁိုဝ်သေ လႆႈမႃးမီး ဢူငဝ်းၼင်ႇၼႆၼေႃး။ ပ ။ ဢူငဝ်းမႂ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵူႈၼႃႈၵူႈၽၢႆႇၼေႃး။ (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
- 948။ ၶုၼ်ၽီၼၼ်ႉၵေႃႈ ၸူမ်းၸူမ်းသိူဝ်းသိူဝ်းသေ ၶိုၼ်းဢဝ်လွင်ႈ ဢဝ်တၢင်းမၼ်း တွပ်ႇလၢတ်ႈၶေႃႈထၢမ် ၸဝ်ႈမွၵ်ႉၵလၢၼ်ႇၵႂႃႇယဝ်ႉ။
- 949။ လႆႈလူႇတၢၼ်း ၶူဝ်းလူႇ ဢၼ်မီးသၽေႃးၼင်ႇၼႆယဝ်ႉ။ ၶူဝ်းလူႇ ဢၼ်မီးသၽေႃးၼင်ႇၼႆၼၼ်ႉ ၽွၼ်းလီမၼ်း မီးသၽေႃး ၼင်ႇၼၼ်ၵူၺ်းဢမ်ႇၸႂ်ႈ။ ထုၵ်ႇလီလူႇတၢၼ်း ၶူဝ်းလူႇ (ဢၼ်ဢမ်ႇမီးသၽေႃးတၢင်း ၽိတ်း)ၼၼ်ႉယဝ်ႉ။ ၶူဝ်းလူႇ (ဢၼ်ဢမ်ႇမီးသၽေႃးတၢင်းၽိတ်းၼၼ်ႉ) ၽွၼ်းလီမၼ်း ယႂ်ႇမျၢတ်ႈတႄႉယဝ်ႉ။ လွင်ႈ တၢင်းမၼ်းတႄႉ ၵဝ်လႆႈလူႇၶဵမ်မႃးလႄႈ တၢင်းလူႇ(ၶဵမ်)ၵဝ်ၼၼ်ႉ မျၢတ်ႈတွၼ်းတႄႉယဝ်ႉ။
- 950-1။ ယွၼ်ႉပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈလႆႈမႃးမီး ဢူငဝ်းၼင်ႇၼႆယဝ်ႉ။ ပ။ ဢူငဝ်းၶႃႈႁဝ်းၵေႃႈ ႁိူဝ်ႈႁိူင်းပိူင်းသႂ်ၵႂႃႇ ၵႃႈၼႃႈၵူႈၽၢႆႇယဝ်ႉဢေႃႈ။ (ၼႆ တွပ်ႇၵႂႃႇၼင်ႇၼႆယဝ်ႉ)။
ပꩪမသူၸိဝိမႃၼဝတ်ထု ႁူဝ်ပႅတ်ႇ သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ ပꩪမသူၸိဝိမႃၼဝတ်ထု