ပꩩမꧤိၵ်ၶႃၻႃယိၵႃဝိမႃၼဝတ်ထု၊ ၼၢင်းၽီလႆႈလူႇ ၶဝ်ႈသွမ်းၽြႃး
10-ပꩩမꧤိၵ်ၶႃၻႃယိၵႃဝိမႃၼဝတ်ထု၊ ၼၢင်းၽီလႆႈလူႇ ၶဝ်ႈသွမ်းၽြႃး မႄးထတ်း
- 270။ ၼၢင်းၽီ မိူၼ်ၼင်ႇလၢဝ်မႃမွင်း ႁိူဝ်ႈႁိူင်းလႅင်းပိူင်း ၵူႈပႃႈၵူႈၽၢႆႇၼင်ႇၼၼ် ငဝ်းတူဝ်မႂ်းၼၢင်း ဢၼ်လီႁၢၼ်ႉၸႂ်ၼႃႇၼၼ်ႉၵေႃႈ ႁိူဝ်ႈႁိူင်းပိူင်းလႅင်းၵႂႃႇ ၵူႈပႃႈၵူႈတၢင်းဝႆႉယူႇယဝ်ႉ။
- 271။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်းၼင်ႇၼႆၼေႃး။ ပ။ ယွၼ်ႉပိူဝ်ႈ ၵုသူဝ်ႇသင်သေ ငဝ်းတူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး။
- 273။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇထၢမ်လွင်ႈတၢင်းမၼ်းလႄႈ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ၸင်ႇၶိုၼ်းတွပ်ႇလၢတ်ႈၼႄ လွင်ႈတၢင်းမၼ်းၵႂႃႇ ၸွမ်းၼင်ႇၶေႃႈထၢမ်ၼၼ်ႉယဝ်ႉ။
- 274။ ၸၢတ်ႈၽဝဝၼ်းလင် မိူဝ်ႈၶႃႈၼၢင်း ပဵၼ်ၵူၼ်းၼၼ်ႉ...။
- 275။ ၶႃႈၼၢင်း လႆႈႁူပ်ႉၺႃးဝႆႈသႃ မုၼ်ၶမ်းၽြႃး ဢၼ်ဢမ်ႇမီးမုၼ်ႈၶႆးၵိလေႇသႃႇ ၽိသဵတ်ႇမၼ်း ဢၼ်မီးၸႂ် ၽိူၵ်ႇၸိုၼ်ႈၶၢဝ်သႂ်ၼၼ်ႉယဝ်ႉ။ ၶႃႈၼၢင်း မီးၸႂ်ၼပ်ႉယမ်သေ တၢမ်တူဝ်ၶႃႈၼၢင်း လႆႈဢဝ် ၶဝ်ႈသွမ်း လူႇတၢၼ်းထိုင် တမ်ႈတီႈ မုၼ်ၶမ်းၽြႃးၼၼ်ႉတီႈၶႃႈယဝ်ႉ။
- 276။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ၶႃႈၼၢင်းၸင်ႇတေမႃးမီး ဢူငဝ်းၸိူင်ႉၼင်ႇၼႆ ယဝ်ႉ။ပ။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးၼၼ်ႉသေ ဢူဢၢႆသၢႆငဝ်းၶႃႈၼၢင်းၵေႃႈ ႁိူဝ်ႈႁိူင်းပိူင်းၸွတ်ႇၵႂႃႇ ၵူႈၼႃႈၵူႈပႃႈယဝ်ႉ။
ꧤိၵ်ၶႃၻႃယိၵႃဝိမႃၼဝတ်ထု ႁူဝ်သိပ်း သုတ်းယဝ်ႉ။
ၽိုၼ်ဢိင် မႄးထတ်း
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ဢိၻ်ꩪိဝိမႃၼ၊ ၸိတ်တလတႃဝၷ်၊ ပꩩမꧤိၵ်ၶႃၻႃယိၵႃဝိမႃၼဝတ်ထု